للخبراء في الساحة لتركيا عندي أسئلة كثيييرة

sissi123 · 2014-09-15, 13:22

السلام عليكم
ان شاء الله راني حابة نروح مع زوجي في رحلة إلى تركيا( اسطمبول) لمدة 11 يوما في نهاية شهر مارس ولكن المشكل أني لا أنا ولاهو عندنا خبرة لذا عندي أسئلة وهي كالتالي :
ماهو الأفضل نروحو وحدنا أو عن طريق وكالة سفر في إطار رحلة منظمة ؟ ( قالولي الوكالة تدي بزاف دراهم)
إذا ذهبنا وحدنا شحال تستقاملنا دراهم كلشي بالفيزا بالبيي ووو.........
إذا ذهبنا وحدنا كيف نحصل على الفيزا علما انه ليس عاملا ؟
- و الفنادق راني شفت في الانترنت مع إمكانية الحجز هل إذا حجزنا راح نلقى نفس الشيء المبين في الصور مع العلم مبينين حتي الثمن في موقع booking ( أقصى ما نستطيع دفعه 9000 دج لليلة )
بالنسبة للنقود لازم ناخذ معايا أورو ولكن يجب يكون عندي ورقة من البنك هل هذا صحيح ؟هل لازمي كونت دوفيز ولا فقط نصرف دينار لأورو من البنك ويعطوني الورقة ؟
حاليا شفت تخفيضات على ثمن التذكرة ممكن نحجزو من الآن أم لا ؟( علما ان السفر ان شاء الله وتعالى مقرر في مارس)
و أخيرا ماهي أشهر الأماكن لي تنصحوني بزيارتها

سامحوني طولت لكني بحاجة ماسة للمعلومات هاد الرحلة حلم كبير خصوصا زوجي يحلم يركب فالطائرة منذ الصغر تخيلو كي يجبد على هاد الرحلة يحب يبكي تعدب بزاف في حياته

مريم الصابرة · 2014-09-16, 21:13

[QUOTE=sissi123;3991755126]

السلام عليكم اختي اهلا وسهلا بحول الله سأجيبك لانني ذهبت مرتين وسوف احاول الإجابة وذهبت أيضا بشهر مارس

شوفي الوكالة اكيد تدي حقها ولكن كل وكالة ونظامها هناك من تكون عاملة تخفيضات وهناك من لا تفعل والاكيد مقارنة لأنك تروحي وحدك الاكيد توفري بزاف دراهم لو عندكم القدرة توجدو روحكم منا لمارس انا ننصحك تروحو وحدكم وساهلة منا لمارس نعطولك كل الصور وكيفاه تتحركو وتجيك عادي ماراهيش صعيبة
شوفي شخصان ول 11 يوم بالفيزا والطيارة والفندق والاكل والتنقل نقولك واحد 30 مليون في زوج
ساهلة اختي إدي شهادة ميلاد ليك ولزوجك والباسبور وصورة شخصية لكل واحد منكم خلاص وتوجهو لسفارة تركيا وتدفعو الأوراق هذي وتخلصو فالسفارة 5000 دج فالوكالة 7000

اما المبلغ إنت قاجدرة تعرفي من الآن فالموقع ديري تاريخ الذهاب والرجوع وتعرفي الثمن

بالنسبة للنقود لازم ناخذ معايا أورو ولكن يجب يكون عندي ورقة من البنك هل هذا صحيح ؟هل لازمي كونت دوفيز ولا فقط نصرف دينار لأورو من البنك ويعطوني الورقة ؟

انا ما ديت حتى ورقة شريت الاورو من برا وخلاص ديت معايا وفالمطار هنا فالجزائر شافوه وعادي ما ديتش مبلغ كبير لكن لو تشري من بنك يمدولك زيادة افضل
شكون قالك تخفيضات انا رايحة فال 20 سبتمبر قالولي ل تزيدي مجرد يومين تولي الطيارة ب 5500 اما تحجزي من الآن تقدري عادي المهم حددي التاريخ
انا ننصحك بمنطقة السلطان احمد وكل ما امامها رائع
ميناء امنينو
تل العرائس
جزيرة الأاميرات رائعة
رحلة البسفور
التجول في اقرب مناطق هناك
اختي لما تقربي تروحي نمدلك الصور الخاصة وهذي المرة لما نروح نصورلك كل مراحل التنقل فالمطار حتى تجيكم ساهلة
شكرا وانا بالخدمة اختي

hkkhawla · 2014-09-25, 22:44

mina al ahssan fi soltan ahmad + bayazit+ la lili

sissi123 · 2014-10-02, 13:05

شكرا جزيلا لكم و الله أفدتوني جعلها الله في ميزان حسناتكم

مريم الصابرة · 2014-10-04, 18:46

السلام عليكم اختي صحا عيدك
هذا واجبنا اختي بالنسبة للاورو من الاحسن لمي كل مقدار الدراهم اللي راحا تصرفيهم وروحي للبنك بعدما تكوني جت الفيزا ادي معاك الباسبور اشري من عندهم الاورو وبعدها يعطوك ورقة وزيدي فالبنك قالولي يعطك إضافة مش عارفة كان صح او لا
موفقة

aymenaymen07 · 2015-05-13, 17:45

لسلام عليكم
أريد برنامج سياحي لمدة 7 أيام من 21 ماي الى 29 ماي 2015 لمن لديه الخبرة ؟؟
و بعض النصائح ؟؟

zizoufadil · 2015-05-14, 11:23

سفر ممتع ان شاء الله