مشكلة ابني وخوفه من الغرباء..ارجوا منكم المساعدة

[البوسعادية]

السلام عليكم
انا ام لطفل عمرة عام وشهرين ونصف مشكلته خوفه من الناس الغرباء ولكن ليس كل الناس
والله مفهمتلوا مرات ناس يلصق فيهم عادي ومرات لالا قيشوفهم يخاف ويبدا يبكي..
وكاين في بعض الاحيان لما يخاف من شخص معين يبقى شادو في يدو وهو يبكي ويبكي وانا يغيضني وليدي والله نتحشم شوي ونقلو ... خلاص حطو
قالولي راك انت الي خوفتيه هههههههههههههههه وهو كشما يفهم حتى نخوفو ونقلو اقعد مع هدا ومتقعدش مع هدا
الي مرت ولا مر بهده المشكلة ياريت يفيدني
وشكرا لكم جميعا

[البوسعادية]

301 مشاهده
ويكتا لحقتو تقراو الموضوع
لكن وعلاش مرديتوش وععععععععععععععععععععععععععععععععععععععع

[Simassim]

المشاركة الأصلية كتبت بواسطة البوسعادية

السلام عليكم
انا ام لطفل عمرة عام وشهرين ونصف مشكلته خوفه من الناس الغرباء ولكن ليس كل الناس
والله مفهمتلوا مرات ناس يلصق فيهم عادي ومرات لالا قيشوفهم يخاف ويبدا يبكي..
وكاين في بعض الاحيان لما يخاف من شخص معين يبقى شادو في يدو وهو يبكي ويبكي وانا يغيضني وليدي والله نتحشم شوي ونقلو ... خلاص حطو
قالولي راك انت الي خوفتيه هههههههههههههههه وهو كشما يفهم حتى نخوفو ونقلو اقعد مع هدا ومتقعدش مع هدا
الي مرت ولا مر بهده المشكلة ياريت يفيدني
وشكرا لكم جميعا

وعليكم السلام والرحمة
اختي الطفل فهاد العمر عادي يكون متعلق بالأهل وعنده خوف من الغرباء
هاد المرحلة تبدى من عام حتى عام ونص او عامين راح يتعود مع الوقت
ولدي كان عنده خوف من الرجال حتى فالصور او السكاااايبب يبقى يبكي والنسا كان يضحك معاهم من بعيد برك
ماتقلقيش روحك ولي شنف عليك خليه يشبع تشنف هاد واش بقى غي طفل تاع عام يقولوا عليه راهم يعلموا فيه الله يهدينا

[0ibtissam]

أخي باباه يولي خرجو البرا حتى يوالف الغاشي ميوليش يخاف

[ام مريم الجزائرية]

امر عادي بصح قولي لبابه يخرجو باه يوالف الناس

[amani38]

عادي جدا هادا قلق الانفصال و الخوف من الغرباء و يجي للاطفال بصور متفاوتة
انا ولدي كان يبكي بزاف تان خاصة اني ساكنة وحدي فمتعلقة بيا انا فقط و بلبزاف ضرك بشويا راه بدا يتأقلم خاصة كي عاد يلعب و يخرج مع باباه
لا تقلقي مرحلة و ستمر بإذن الله

[سارة البوسعادية]

امر عادي اختي وانا مريت بيه مع بنتي لاني عايشة وحدي وبعيدة نطول مانجي كينجي للبلاد نعقبها غير بكي ونسكت فيها الي تشوفو تبكي والدار الي تدخلها تبكي فيها حتان تعود تشهق وشوي وشوي كيعدت نخرجها للحدائق وبديت الخدمة ودخلتها لاكراش عقبت عليا سوااااااااااااااااااااااد هي تبكي من وانا من
وبشوي والفت وعادت الي تشوفو تلصق فيه وتهرب مني

[*عاشق الحياة*]

لاااا أمر عادي كاينين اولاد هكذا كي يشوفو واحد غريب عليهم

يخافو ويبداو يبكو امبعد خلاص يوالفه يرجعو مرمال بعد يتعدى ابنكي سنتين او ثلاثة خلاص تروحله هذي المشكلة

[nina.16]

انا ناني وليدي راني نعاني معاه وين نديه يشوف برانيين يلصق فيا و يدير حالا بالبكا لانه ما يشووفش بزاف الناس بصح وليت نخرجه برا باش يوالف

[souadamina]

بنتي ثاني عمرها 14 شهر نفس الحالة لعندك ماتروح حتى عند واحد وكي تشوف لعباد بزاف تبدا غير تبكي خصوصا كي نروح لدار عجوزتي ويجي عندها الغاشي نعقبها غير بكا انا وليت كي نخرج نخرجها معايا لحوانت ولا للحدائق باه تشوف لعباد باه توالف لخطراكش بنتي متعلقة بيا بزاف وماتروح حتى عند واحد.