صحلب الدرع (البشنة) .... من 9 شهور ل 90 سنة ;)

[أنا أمهم]

السلام عليكم و رحمة الله و بركاته
بسم الله


صحلب الدرع هو اكلة سهلة جدا و مفيدة خاصة للأطفال من عمر 9 شهور فما فوق , و ان شاء الله ترتاحي من الكسور و هشاشة العظام.

هي أكلة تقدم كفطور الصباح للعائلة ككل , مغذية جدا خاصة في ايام البرد.


المقادير لشخصين :

2 الى 3 م ك درع مرحي, نصف م ص سكر أو حسب ذوقكم ( بالنسبة للأطفال أقل من سنة تقدري تستغني على السكر أو تعوضيه بسكر النبات) , م ص ماء زهر (اختياري), 400 مل ماء أو نصف ماء و نصف حليب (للرضع من الاحسن ماء فقط) , حلوى الترك (الشامية) أو مكسرات أو الاثنين مع بعضهم للتقديم.


الطريقة :

خلطي الدرع المرحي و السكر و 100 مل ماء بخلاطة يدوية :




للأمانة بعد هذه الصورة زدت قرابة م ك درع يعني صارت قرابة 3 م ك درع





تصبي الخليط متاعك في 300 مل ماء يغلي فوق النار و تواصلي التحريك بالخلاطة لمدة 5 دق حتى يخثار شوية , هنا أول ما صبيت الخليط و حركته :






و هنا بعد 5 دق







زيديه م ص ماء زهر و اطفي على النار , صبيه في الصحن أو الصحفة , خليه يولي دافئ, في الاثناء حركيه مرة أو اثنين حتى لا يكون قشرة (كيما الكسترد لما تبرد)

شوفوه لما صار دافئ تكاثف (فرق كبير اول ما هبطناه من النار و بعد ما برد)







قدميه دافئ, و زينيه بحلوى الترك أو المكسرات المرحية (يمكن تحطي المكسرات أثناء الطهي)










ان شاء الله تجربو الصحلب و تدعولي, خاصة لأطفالكم الصغار أو الرضع, خليوهم يتعودو عليه, يترباو في عزكم ان شاء الله بالصحة و العافية






اللي ما تعرفش الدرع (البشنة) و الا تحب وصفات أخرى للدرع تشوف موضوعي :

https://www.djelfa.info/vb/showthread.php?t=930179