عطلتي و مراجعتي

[rorororo]

السلام عليكم

حبيت نفتح هذ الموضوع ورغم أنني لست متخصصة في هذا المجال
كل واحد يلخصلينا واش راجع في هذه العطلة هل إستفاد منها؟!؟ وهل هو مستعد للفصل ؟!؟ وإذا كانت هناك معلومات جديدة يضعها هنا وشكرا

[islam.tigha]

سلام عليكم . والله هي تقريبا راحت بلا فايدة راجعت الفيزياء و العلوم و الرياضيات و حليت شوية مواضيع . مع ليكور . أما المواد الأدبية فلا علاقة ... الفصل الجاي ان شاء الله لازم ندير مخطط و برنامج للمراجعة بحيث أن التحضير الجدي راهو يبدا في هذي الفترة .......... و بالتوفيق للجمييع

[meri7]

سلام ~
انا مع ذاك الشخص الرائع الذي اخترع " العطلة " و الذي احييه شخصيا
و جعلها راحة للنفس ...
ببساطة عطلتي
الاسبوع الاول كله دروس خصوصية صباحا و مساءا مشاهدة الافلام و لا مراجعة في البيت
الاسبوع الثاني كان عرس خالتي
البارحة اتيت للبيت بالمناسبة احييك منزلنا اشتقت لك و سهرت الى 4 اشاهد سلسلة اهداني اياها استاذي
نعم استاذ الرياضيات خاصتي مجنون لدرجة انه احضر لي مجموعته من الافلام الرائجة
لوكان هو من يدرسني في الثانوية لكنت الان اينشتاين او شيئ من هذا القبيل
حفظه الله ..
.. . _ .
ببساطة شبعت راحة و الان بامكاني ان اسهر و ادرس كما اريد
* *-*-- ^-^
بالتوفيق للجميع

[rorororo]

ههه بصحتك العرس اخت ماري
237 مشاهدة ولا رد ههه وقيلا عطلة مخرجتش عليكم

[samoura05]

يعني اسمط عطلة في حياتي تمنيت لو اننا مخرجناش عطلة مرت اكتئاب + اكتئاب + اكتئاب

[سامية الاخلاق]

انا فعلا نادمة لانني لم استغلها كما يجب
لم احقق ما خططت له البتة
و غدا بداية الفصل الثاني و بداية تراكم جديد من الدروس
الله يكون في العون،،،

[♥samar♥]

ببسآطة عطلة فآشلة لآبعد الحدود ......
حوآلي 12يوم في المنزل ..
القليل من مرآجعة الموآد العلمية ، لا شيء بالنسبة للأدبية ، لا حفظ لا هم يحزنون ...
et que le sérieux commence demain , inchallah

[sara_h]

العطلة واش درت فيك ؟؟؟ اصبري خليني نخمم خخخخخخخ

انا شعبة رياضيات اولا لتوضيح فقط

الحاجة لي باينة حليت سلسلة الدوال الاسية واللوغارتمية واربع سلاسل في القواسم والمضاعفات

فيزياء كملت الrcو النووي والمواد الادبية مامسيت والو

هذا مكان كنت اظن اني ساكمل الفصل الاول في هاذي العطلة لخر ربع تاعو مكملتوش

وزيد السماطة نجي نحل نكره نروح نضرب دورة مدتها 20 دقيقة الى ساعة ونولي لبيرو تاعي خخخخخخ

ونهار الثلج متحكيش ممسيتش ورقة قعدت غير نلعب كي ذراري الصغار ههههه

لمهم بالتوفيق للجميع وان شاء الله نعوضو واش فاتنا في العطلة

[hananess]

ايه العطلة

فاتت تجري مع لي مانيش دايرة لي كور الله يستر

الله ينجحنا و يوفقنا

[أَوْتَآرُ الأَمَلْ]

سلاآآآآآآآآآآآم

لم استغلاها بتاااااااااااااااااتااا كنتت مفكرة رايحة نقرى فيها ونخطط ومنبعد والله مدرت فيها حاااجة

الحاجة مليحة شبعت رقاااد ههه

انشاء الله من الغد العمل بجد

[khadidjahiroi]

السلام عليكم
لم استغل هذه العطلة على اكمل وجه لكن الحمد لله
الاسبوع الاول كان هناك ملتقى للتلاميذ المجتهدين لولاية سطيف و لقد قضيت هناك معظم الاسبوع الاول من مراجعة مع الاساتذة و بعض تقنيات الاجابة ودعم نفسي و شحن للهمة الخ ..
اماالاسبوع الثاني مع دروس الدعم و الثلوج التي تحث على النوم °_° راجعت وحدات العلوم مع القليل من الرياضيات و الفيزياء
اما الباقي راااااااحة ونوم

[rorororo]

هل هناك علاج للنوم كلنا نعانو منه،؟!

[trésor niina]

أولا السلام عليكم
أنا في الحقيقة كنت محضرة برنامج خاص نمشي عليه فالعطلة mais الدروس الخصوصية و الدعم خلطلنا كلشي و أصبحت في بعض الاحيان اتحايل عليه و نزيد الوقت المخصص لي المواد الادبية الى المواد العلمية و الاسبوع الثاني كنت منهكة من التعب و زدت مرضت يعني تقدروا تقولوا مقريتش فيها كامل .
انشاء الله نستدركوا الامر و نعوضوا وش فاتنا و ننجحوا بالمعدلات لي رانا حابينهم و لي يفرحولنا والدينا أميييييييين يا رب العالمين

[خولة 96]

السلام عليكم لا داعي للقلق خصوصا لي مارجعش قادر من ذرك و يبداا ويلحق و الله قا يكفيكم الوقت لي راه ناوي صح يخدم
المهم نوصيكم اخطيكم من النت و الفيس و غيرهم و الهاو بتالكراس و الورقة و القراية والقدام
انا في هذ الوقت العام ليفات بطلت كلش في النت و لهيت نقرا يملي قا ابداو و راه اسسسسسسسسسهل شيئ الباك و الله صدقوني قاسسسسسااااههههل

[boutaina21]

السلام عليكمــــــــ
مع الأسف كل مخططاتي التي وضعتها في هذه العطلة ضاعت مع الرياح
تقدري تقولي الوقت كامل ضاع مع الدروس الخصوصية يعني كل أستاذ زادنا هكاك 3/ 4 حصص
يعني نقرا صباح وعشية
المهم راجعت قليلا العلوم .... الرياضيات ...... حفظت جزء من الشريعة والتاريخ
+ النووووووم .....
مع الاسف لم انهي بعد الفصل 1
لكن من الغد ان شاء الله ومع بداية الفصل الثاني سنقول ودااااعا للنوم ان شاء الله
بالتوفيق للجميع