استفسار بخصوص خط الهاتف الثابت

[صالح مبروك]

السلام عليكم ورحمة الله

انا لدي خط هاتف كان يشتغل عادي ثم على مااعتقد بسبب الاشغال في البيت انقطع الخيط وانقطعت النت وقد مر شهر

وانا نجري عليه ذهبت الى اتصالات الجزائر قالولي اتصل ب 12 لا يجبون والفريق التقني كل مرة يقولولي غدوة يجوك وماجا حتى واحد

انا اسكن في باتنة وسط المدينة
من بعد قلقت نحيت جدو كامل ههه

وراني حاب نعدلو

قالولي كاين مقاول يصلحكهم بالمال من يعرف اين اجدهم او اين اجد من يصلح ويعمل installation جديدة للهاتف ؟؟ وشكرا لكم

[nouri16]

السلام وعليكم انا عانيت مثلك انقطاع في خط هاتف وانترنت يلزم كل يوم تروح ليهم قلقهم باش يجيو اخدموهالك وتنتهي المشكلة وشكرا

[حميد.ص]

من بعد قلقت نحيت جدو كامل ههه

اولا: واش هي الخيوط الي نحيتها

1- هل نحيت الخيط الرمادي الي جاي الداخل و تلصق فيه العلبة البيضاء الصغيرة؟

الحل بسيط جدا في هذه الحالة تقدر تروح لبائع الخردوات و العقاقير يعني الكانكايري و تشتري خيط تاع التيليفون يجي ابيض و اشري العلبة البيضاء الصغيرة و ركبهم وحدك ماشي صعيبة و اذا ما عرفتش نوريلك الطريقة

2- هل نحيت الخيط الاسود الي يجي في الخارج و يربط ما بين عمود الهاتف و المنزل ؟

الحل هو لازمك تروح لوكالة اتصالات الجزائر و تحوس على كاش واحد مصحاب التيليفون و تعطيلوا حقو و هو يركبلك الخيط

3- هل تقصد بنحيت الهاتف انو رحت لوكالة اتصالات الجزائر و قلتلهم نحولي الخيط؟

الحل هو لازمك تعاود تروح ليهم و تقولهم يطلقولك التيليفون لكن لازمك تتاكد بلي المشكل تحل


اذا مراكش حاب تكسار الراس روح اشتري مفتاح انترنت تاع الجيل الثالث تاع موبيليس و كونيكتي بيه

بالتوفيق ان شاء الله