الكسرة كيفاه تخدموها

[فراشات العمر]

السلام عليكم
اخواتي في الله راني حصلت مع الكسرة ذاقها راجلي وقالي عمرك ما خدمتيها كيفها
الكسرة هذي كلاها قبل الزواج ومازال يتشهى فيها لليوم هو اصلا نسى وين كلاها
نتمنى تمدولي طريقتكم لي تعملو بيها الكسرة
جربت تاع لخميرة تاع الزيت تاع تاع تاع كرهت نحوس نخبز خيرمنها

[بوغرارة خضرة]

االسلام عليكم اختي انا ندير المطلوع. يعني لكسرة دقيق مع فرينة خميرة مع مغرف سكر ونعجن با الماء وندلك وهي يابسةونلوح الماء دافي وندلك مع الماء حتان تولي طرطق تحت يدي ونحاول نفدقها شوي ونملح ونقرص ونخليهاتخمر وما نجي نخبزها منخلبهاش تخرجلها الخميرةبزاف مجرد ماتطلع في النص نشعل الطاجين راني طولت عليك سامحيني

[احلام دنيا]

شوفي يااختي باه تجيك ساهلة عودي صيري الدقيق استعملي لرطب فالكسرة انا الحقيقة مانصيرش ووصفتي كيلتين دقيق بكيلة فرينة ملعقة سكر واخرى خميرة الكسرة ملعقتين حليب بودرة ملعقة زيت ملح والسينوج وحبة حلاوة لممي بالما واعجني مليح قطعي عند العجن لممي في الكتاتن تاع الكسرة مليح خليها ترتاح لين تشوفيها طلعت عاوديها بشوية زبدة كوريها خليها مدة قصيرة ترتاح وهي مغطية حططي طاجينك فوق النار وروحي قرصيه زيدي خليها ترتاح لين يسخن طاجينك مليح وابداي طيبي بالصحة والهنا نشالله تساعدك الوصفة انا هذه اللي نعتمدها والله الكسرة تجيني روعة