بخصوص الحجبة

[ayouta2008]

واش رايكم في واحد يحجب مرتو من نسيبو يعني متزوجين لخوتات

[nilly]

Marid nafssi w marto da3ifate chakhsiya

[مريم الصابرة]

السلام عليكم اخي الكريم
هل هو يحجبها من بال الدين او باب غيرة وهذو خوتات لو تتحجب تستر نفسها ودير خمارها وما تخمسش معاه عادي وتحكي معاه قفي حضور اختها وهذا الزوج عادي اما إنو ما تشوفوش نهائيا هذي والله خلي اهل الإختصاص يفتولك فيها
عندنا تستر روحها بحجابها وخمارها وما تكونش معاه وحدها عادي
موفق

[ام ملاك.]

كل عائلة وكيف قوانينها وعاداتها مانقدروش نحكمو على ايا كان

[ayouta2008]

والو اختي مريم ما يشوفوهاش مستورة ولا بلاش هو خامسنا و صغيرنا

[مريم الصابرة]

المشاركة الأصلية كتبت بواسطة ayouta2008

والو اختي مريم ما يشوفوهاش مستورة ولا بلاش هو خامسنا و صغيرنا

السلام عليكم اخي
يعني كيفاه هذا نسيبكم او خوك ما فهمتش ارجو ان توضح لي
وممكن في عائلتكم هذا تحجب ونساكم حتى من بعضاكم هنا يعني هاته قناعتكم طبعا وكل واحج حر في زوجتو
ارجو التوضيح نسيبكم كيفاه متزوج اختكم او كيف

[ayouta2008]

سلام اختي مريم هذا نسيبي متزوج انا و هو لخوتات

[ندى الصبح]

الشلام عليكم
حسب ما فهمت يا اختي مريم
هذا نسيبو يعني كاين خمس اخوات متزوجين والاخيره زوجها يمنعها تشوف ازواج اخواتها الاربعه
يعني هذه قضيه قناعات ممكن يكون غيور بزاف او مشكاك بزاف ،،،،،، حنا في عائلتنا نتحجبو من ازواج الاخوات يعني نلبسو حاجه مستوره وخمار ونقعدو معاهم عادي

[مريم الصابرة]

المشاركة الأصلية كتبت بواسطة ayouta2008

سلام اختي مريم هذا نسيبي متزوج انا و هو لخوتات

السلام عليكم اخي
آه يعني هو زوج اختها يا اخي و في حضورك ومستورة علاه ما تشفوش مع إحترامي لشخصك و لقناعاتك الصراحة نشوفو امر عادي وهو من حقو أيضا يمنع زوجتو إنها تشوفك وهنا إنت وهو تفرقو بين الخوتات يعني راح تكون مناسبة وين لازم يتشاوفو وين المشكل المهم ما تخمس معاه ما تسلم عليه وبحجابها وخمارها وفي حضورك عادي اخي الكريم مع إحترامي لك مجرد رأي
لكن خبرني هل كل اسرتك تفعل هذا أو أنت فقط وما هو رد زوجتك الكريمة وايضا بكل صراحة هل تفعل هذا من باب الدين او لا تثق به او غيرة ؟

[مريم الصابرة]

المشاركة الأصلية كتبت بواسطة ندى الصبح

الشلام عليكم
حسب ما فهمت يا اختي مريم
هذا نسيبو يعني كاين خمس اخوات متزوجين والاخيره زوجها يمنعها تشوف ازواج اخواتها الاربعه
يعني هذه قضيه قناعات ممكن يكون غيور بزاف او مشكاك بزاف ،،،،،، حنا في عائلتنا نتحجبو من ازواج الاخوات يعني نلبسو حاجه مستوره وخمار ونقعدو معاهم عادي

السلام عليكم اختي
اهلا وسهلا
وي راني نفهم منو صراحة نظن هو مقتنع وميم عندنا كيما نتوما يعني نلبسو حجاب وخمار وفي حضور كل لالعائلة عادي نتشاوفو
لكن هو ممكن يغير بزاف او ما يديرش فيه ثقة وتبقى هاته حرية شخصية

[ayouta2008]

السلام عليكم
في العائلة الكبيرة ماكاش ليدارها يتشاوفو عادي بالخمار و مستورين و ما يخمسوش

[ندى الصبح]

المشاركة الأصلية كتبت بواسطة ayouta2008

السلام عليكم
في العائلة الكبيرة ماكاش ليدارها يتشاوفو عادي بالخمار و مستورين و ما يخمسوش

امالا هو يمنعها تماما من رؤية ازواج الاخوات!!! اعتقد انه غيور زياده او مشكاك زياده او فاهم الدين بطريقه خاطئه
على كل هو حر في زوجته لكن المسكينه هي التي ستعاني
بصح انتوما ساعفوه ويجي النهار ويفهم بلي راهو على خطأ

[ayouta2008]

شكرا اختي ندى بارك الله فيك دمت وفية

[نقاء روح]

اخي امرنا ديننا الحنيف بذلك انو المراة لا تكشف الا امام محارمها
ويكفينا قوله صلى الله عليه وسلم الحمو هو الموت

انت طبق شرع ربي ولا يهمك اقوال الناس بانك معقد ومريض و و و و و
وتاكد من يتق الله يجعل له مخرجا

[" أبو عبود"]

والله عجب؟ اترك زوجتي تسلم على زوج اختها؟ هذا يسموه طحين. انا رفضت ان تقابل زوجتي زوج اختها وقلت لها سوف اقطعك ان حدثث هذا. ورغم ان كل من زوجي اختيها لا يمانع لكني افرض رأيي لان الشرع يمنع ذلك. نحن نرضي الله وليس ارذاء المجتمع او نرضي " نسيبتي".