مافهنتش عقلية زوجي

[sahora]

السلام عليكن حبيت نفضفضلكم انا زوجي من البارح ما كلمنبش غير السلام عليكم كي يدخل الدار.و السبب هو انو مين رحت لدارهم طلبت منهم شي تافه.شوية فازلين لان خلاصتلي و هو كان كل ليلة يدير فيها ايا مين طلبتها من مرت باباه اعطاتهالي جا هو و قالي قدامها ﻻﻻ خلي غدوة و نشري .يعني هو عندو المهم اني من دار اهلو خاصة ما ندي ما نتسلف والو و انا والله عن حسن نية دايرتهم شغل دارنا و لا لان في دارنا كبرنا هكدا احنا و دار جدي شغل دار وحدة.ايا انا تنشعت من الجاست لي دارهالي و منين خرجنا قتلو انا الي ما نسمعش الكلام و طلبت اهلك علما انك درتهالي شحال من مرة .ما فهمتش علاش هاد التصرف علما انو هو عزيز بزاف في دارهم و يصرف عليهم و كل شي.الله يستركم فهموني في عقليه هذي راكم متل امهاتي ولا اخواتي
ادعولي انا على وشك ولادة

[لحن الحياة.]

يا اختي مادام قالك ما تطلبيهمش ما تطلبيهمش وما تحوسيش تفهمي وعلاه هو ادرى بدارهم .......... هاذ التنباش راه يوصلك للبروبلامات الكبار
هاذي راها حاجة عادية ما تخدميش راسك فيها اكل بينو بين دارهم وانتي وش راحلك المهم خطات راسك ........

والله اعلم
يا ربي برك ما تهجميش عليا ههههههه

[لحن الحياة.]

بصح هاذ الوجه . علاه استخدمتيه ؟؟؟؟؟؟؟؟؟؟؟؟؟؟!!!!!!!!!!!!!!!!!
نورمالمو لي عندو مشكل يستخدم هاذ الوجه او هاذا

[eBusiness]

أختي ربما المشكل أنه لا يقبل أن تطلبي شيئا من زوجة أبيه بالخصوص والله أعلم
لكن لا علينا هو طلب منك أن لا تطلبي شيئا من أهله وأنصحك أن تحترمي قراره وفي نفس الوقت هو راه مشنف لكي يظهر لك أنه لا يريد تصرفا مثل هذا في المستقبل لكن أنت لا تضخمي الأمور وتقربي من زوجك وقولي له أنك لن تعيدي ذلك وأطلبي منه السماح وتزيني له ففي الأخير ستعود المياه لمجرايها، الحياة الزوجية يلزمها الحكمة في التصرف وخصوصا عدم تضخيم الأمور يعني السياسة وراكي إمرأة إستخدمي أنوثتك لكي تربحي زوجك ولا تدعي الشيطان يدخل بينكما والله يسهلكم وصح رمضانكم

[نسائم الهدى]

شوفي اختي

انتي اخدمي شغلك و قومي بدارك و ما تنقصي عليه والو

و آباغ سا خليه مشنف و خليه ساكت حتى يطيبلو المسوس و يرجع من روحو

لانك ادا ولفتيه هو يشنف وانت تحللي و تقصدي يبقى هكداك

و تصيبي روحك عجوزة و هو مازال يشنف و يبهدلك قدام عرايسك و اولادك و ممكن حتى نسابك

ألور من درك ما تولفيه ما تحصلي فيه

قالك يقولو ناس زمان // ولدك على ما ربيتيه و زوجك على ما ولفتيه // ولا العكس المهم نفس المعنى

ألور خليه يسكت يسكت و يرجع يحكي معاك

يتنفخ يتنفخ و ينفش وحدو

سلام

[نسائم الهدى]

المشاركة الأصلية كتبت بواسطة *بن عيسى*

هذه من النصائح التي تزيد المشاكل حدة بين الازواج و توصلهم الى الطلاق ، يا جماعة يجب على المرأة أن تحس بأنوثتها و رقتها و على الرجل أن يحس برجولته و يفرضها حتى تسير سفينة الزواج بشكل صحيح ، و متى انقلبت الاوضاع و استرجلت المرأة غرقت السفينة

ولكي يحس هو برجولته يشنف صح؟؟؟

و لكي تحس هي بأنوثتها و رقتها تحلل و تتنازل صح؟؟؟


الا ترى بان التفشاش و التقلاش من سمات المراة؟؟؟

وصح عندك الحق

على المراة ان تتنازل لتبحر السفينة و تستمر الحياة الزوجية

و لكن ليس على الرجل ان يتنازل لاجل احد او لاجل شيء حتى

لازم على الرجل يشنف و يتعزز

و لازم على المرا تحلل و تتنازل

لكي تستمر الحياة

[naamane3]

المشاركة الأصلية كتبت بواسطة ebusiness

أختي ربما المشكل أنه لا يقبل أن تطلبي شيئا من زوجة أبيه بالخصوص والله أعلم
لكن لا علينا هو طلب منك أن لا تطلبي شيئا من أهله وأنصحك أن تحترمي قراره وفي نفس الوقت هو راه مشنف لكي يظهر لك أنه لا يريد تصرفا مثل هذا في المستقبل لكن أنت لا تضخمي الأمور وتقربي من زوجك وقولي له أنك لن تعيدي ذلك وأطلبي منه السماح وتزيني له ففي الأخير ستعود المياه لمجرايها، الحياة الزوجية يلزمها الحكمة في التصرف وخصوصا عدم تضخيم الأمور يعني السياسة وراكي إمرأة إستخدمي أنوثتك لكي تربحي زوجك ولا تدعي الشيطان يدخل بينكما والله يسهلكم وصح رمضانكم

هاي الناس اللى تفهم
بارك الله فيك
استسمحيه واطلبي رضاه
ولا تعيدي ما فعلته
واعلمي انه ما فعل هذا الا لأنه يحبك

[بلسم غرام2018]

والله امر تافه معذرة فلربما هو ضخم عندك حنونتي قالك متطلبيش هو ادرى ونزيدك هو الي يدير فيها على روحوا اما التشناف راه لازم باه يوريلك بلي درتي حاجة غالطه

[optimism]

السلام عليكم
ما ندي ما نتسلف والو؟؟؟؟؟؟؟
انا اعتبرها عزة نفس,,,,,,,,,,,,,,,,,,,زوجك نفسوا عزيزة
ربي يقومك ويجعل ولادتك سهلة

[sali-sali]

السلام عليكم
رغم انوالامر تافه .. لكن يا اختي ماعليش غلطة وتعلمي منها
قبل ماتتطلبي اي شيئ من عند اي شخص ... قولي لزوجك عليه وهويشريلك
لازم انتي لي تفهمي العقلية تاع زوجك مش احنا نفهموك

احكي معاه ،طلبي سماح و قولي خلاص منا وجاي لي تخصنا نقولك اشريهالي وماعلييييييييييش رغم الامر تافه خلي العلاقة ترجع صافيا بيناتكم

ربي يصلح الاحوال

[bellaluna]

يا أختي هي دارهم و هو أدرى بها فإن طلب منك أن لا تطلبي شيئا من عائلته فنفذي و ليست كلّ الأمور تُحكى فلا داعي للنبش وراء السّبب.

[noeddin]

المشاركة الأصلية كتبت بواسطة bellaluna

يا أختي هي دارهم و هو أدرى بها فإن طلب منك أن لا تطلبي شيئا من عائلته فنفذي و ليست كلّ الأمور تُحكى فلا داعي للنبش وراء السّبب.

جواب في منتهى الدقة

ولاولا أنه يحبك لما قام بهادا

[وليد1990]

بصح الوجه الي درتيه يبين بلي فرحانة .......زوجك معقد لازم تعرفي كفاه تسايري معاه

[الباتنية 19]

انصحك اختي ونفسي نصيحة واحدة استغلي اكبر وقت ممكن وتمتعي به في جو دفء العائلة وحاولي فالانثى لا تتعبها المحاولات حاولي التخلص من هذه التفاهات فلا احد يدري متى يزول ذلك الدفء وتنطفئ شموعه


حفظك الله وسترك ويسر لك ولادتك ان شاء الله ووفقك الى ما يحبه ويرضاه

[كاميلا]

خليتيهل اختي هو حتما ولابد لا يطيق زوجة تبيه وانت تزيدي تجيبي من عندها حسبالك امه ياو مليح كي مقلكش كلمة مش مليحة راه يقصد مرت ابوه وهو حر صراحة واحدة متجي في بلاصة الام مهما كانت قدري وش يحس بيه