حوتة بالعجينة المورقة تهبل

[أم محمدين]

اكتفي نحطلكم الصورة و الي تحب الكيفية انا جاهزة و لا ما رديتش عليكم اعملو حساب le decalage horaire نتوما فايتينا ب 6 ساعات دوك راكم تشخرو هاهاها راهي قريب 12. تاع اليل ، اليكم الصورة

الوصفة

ناخذ العجينة المورقة نحلها و نطبقها على 2 و نرسم شكل سمكة بالسكين و نقطعها هكذا نتحصل على عجينتين يعني جهتي السمكة الطبقة الي جي مالفوق و الطبقة تاع التحت،
المهم نفصل الطبقتين، و نكون حضرنا سمك فيلي نتبلو مليح نقلي شوية بصل و ثوم و نرميلو هداك الفيلي مع شوية زيت كي يطيب نزيدولو المعدنوس نحطو الحشوة فوق العجينة الاولى ندهن الاطراف ببياض البيض ثم نغلقها بالعجينة الثانية، انا شخصيا رسمت السمكة من غير ذيل يعني حشيتها من غير ذيل و بعد ذلك شكلت الذيل وحدو و لسقتوببياض البيض ،
ندير العين بحبة زيتونة سوداء و نزين السمكة بانصاف دوائر بالملعقة، ندهنها بصفار بيضة و نحطها تطيب في الفرن
\f0\fs24 \cf2 \cb3 \outl0\strokewidth0 \strokec2 \cell \lastrow\row}
الوصفة اخذتها من كتاب طبخ جزائري و أصلها بالبيشاميل يعني تزيدي البيشاميل للحشوة عملتها مرة او قالولي المفروض السمك ما يمشيش مع البيشاميل
ولقاوها افضل بهذه الطريقة،نتمنى ان تكونو فهمتو اعذروني راني جديدة متنعرفش نعبر مليح

\

[أمة الله17]

أممممممممممممممممممممممم
أعطينا الكيفية من فضاك

[*ام ادم*]

ممممممممم تشهي اعطيانا الوصفة

[raoufnina]

Thanks for sharing another great piece of work!)

[MINA-NINA16]

يعطيك الصحة ورانا نستناوا في les recettes

[~ 하난]

هايلة

اعطينا الوصفة من فضلك

[ام سهام 02]

يعطيك الصحة

[لؤلؤة 25]

ya3tiiiiiiiiiiiiiik saha mais ana a3tini la recette ta3 lhouta w hadouk zouj li goudamha mmmmmmmmm bnen hhhhh ani nessenak

[ayasirin]

باينة هايلة وانا من عشاق العجينة المورقة مادا بيك تحطينا الطريقة شكرا ليك

[أم محمدين]

السلام عليكم اخواتي
راني حطيت الوصفة و اعذروني هاداوين دخلت ديت ولادي لطبيب، نشاء الله تستفادو

[Oum ilyesse]

الله يبارك أختي شهرزاد ، رائعة ربي يخليك حبيبتي ، جاتك تهبل، على كل حال وصفاتك و مشاركاتك عجبوني بزاف ، واسمحي لي نقول لك فنانة الله يبارك، مزيدا من النجاح ، تقبلي مروري ، سلامي

[أم محمدين]

المشاركة الأصلية كتبت بواسطة oum ilyesse

الله يبارك أختي شهرزاد ، رائعة ربي يخليك حبيبتي ، جاتك تهبل، على كل حال وصفاتك و مشاركاتك عجبوني بزاف ، واسمحي لي نقول لك فنانة الله يبارك، مزيدا من النجاح ، تقبلي مروري ، سلامي

و الله خجلتيني اختي ما انا الا مبتدئة عندي تقريبا سنة و انا نحوس نحط تطبيقات و وصفات بصاح ما عرفتش حتى وراتلي الاخت فريدة ربي يحفظها ان شاء الله و يجازيها كل خير ، واشنو ما زال الصور يتنقلو لي بكتابة لانني نعمل بالايباد و هو صامط ف هاد الامور على كل حال راني احسن من قبل، كل الشكر لكي اختي العزيزة

[انتصار فاطنة]

تبان هايلة يعطيك صحيحتك

[أم ضياء عبد الرحيم]

ووووووواو جات تهبل يعطيك الصحة شهرزاد المزيد من التالق ان شاء الله

[تيماء الله]

رووووووووعة والله فكرة مشكورة وربي يشفيلك ولادك يا الجزائرية الحرة عجبوني ياسر وصفاتك