أبحث عن وصفة قاطو من قناة سميرة

أم توبة · 2014-03-03, 16:14

السلام عليكم
كاين قاطو عملوه في قناة سميرة و شفتو في المنتدى بصح كي حوست عليه مالقيتوش.
القاطو يجي في المول تاع السيليكون (كيما المول تاع قاطو التاج) بصح تجي لعجينة تاعو نص بنص يعني بين البني و الابيض و يتحط في المول .و بعد ما يطيب تذري فوقه سكر قلاصي.
ربي يخليكم الي عندها الوصفة تحطهالي و الا حطولي الرابط خاطر كيما قلتلكم راهي كاين واحدة من الاخوات حطت رابط الفيديو و شفتو هاديك المرة بصح اليوم ما عرفتش نلقاه.
ساعدوني و لكم مني كل الشكر.

idron0 · 2014-03-03, 19:42

https://www.youtube.com/watch?v=_l-4SzkXQ-g

أم أحمد عبد الصمد · 2014-03-04, 05:48

سأعطيك الوصفة أختي ، اقتصادية و سهلة التحضير :تسمى حلوة الرخامية :
المقادير :
250غ مارغرين ، كأس سكر عادي ، 2 ملاعق مايزينة ، 2 حبات بيض كاملين + 2 صفار بيض يعني تحتاجين لـ4 حبات ، 1 خمارة تاه القاطو ، لفاني فرينة ، كاكاو ,
طريقة التحضير : اعملي المارغرين مع السكر ثم البيض بعدها المواد الجافة خلي العجينة شويا طرية ثلث تاعها زيديلي الكاكاو و الأخرى زيديلها شويا فرينة المهم تكون طرية عادي
شكلي حربوشين واحد بيض و الثاني بلون الكاكاو يكون أقل من الأبيض لفيهم على بعضهم البعض و حطيه في طابع السيليكون مين يطيب وهو سخون دري فوقه سكر ناعم
أتمنى تكوني فهمتي أي استفسار نحن في الخدمة

أم توبة · 2014-03-04, 20:13

شكرا لكن حبيباتي.و الوصفة راني حوست عليها البارح و لقيتها و هي حلوى الرخامية.و حبيت نقلكم بلي لقيتها لكن الكوناكسيون راحتلي في الليل.
أشكركم مرة أخرى و ربي يجازيكم و سامحوني في تعبكم.

idron0 · 2014-03-04, 22:23

https://www.youtube.com/watch?v=lYz-RFRFDL0