حلوى جافة بالنوادكوكو،،،،،اقتصادية وبنييينة

ماريا.م · 2016-01-16, 15:34

جيتكم بهاذ الحلوى الاقتصادية والبنيييينة ، ان شاء الله تعجبكم

المقادير :
125غ مرغرين
نصف كاس زيت
كاس سكر رطب
بيضة + 1 صفار
فانيلا+مبشور الليمون
1 خميرة كيميائية
فرينة
التحضير :
نخلط المرغرين والسكر مليح مع اضافة الزيت والخلط
نضيف البيض ونخلط
نضيف باقي المكونات ونلم بالفرينة حتى نحصل على عجينة طرية،نخليها ترتاح شوية.
نشكل كريات ،والحجم على حساب المول المستعمل،نغمسهم في بياض البيض ونرمدهم في النوادكوكو ثم نديرهم في ليمول
ندخلهم يطيبو مدة 20 دقيقة على 160°ثم نزينهم بالنوتيلا او المعجون او الكراميل.
هذا هو المول اللي استعملت

وهاهي الوصفة مصورة

ملاحظة : تقدرو تطيبوها كريات بلا ماتديروهم في ليمول، وكي تطيب تزينوها بخطوط من الشوكولا

نتمنى تجربوها وتعجبكم
والسلام عليكم ورحمة الله وبركاتة.