قاطو عين كلومبو للي طلبوه من مطبخي

[ام زيزو]

المقادير
كيلو كاوكاو موش محمص من الشكارة
نصف كيلو سكر رطب اقول رطب تحبي تزيدي تنقصي باش ما يجيش حلو بزاف

4 بيضات
شوية ماء زهر للضرورة
وللشربات
كاس سكر عادي
كاس ماء



تابعو الصور




نرحيو الكاوكاو بالقشور مع السكرنورمال متوسط كيما نتاع البقلاوة او اقل شوية


تبلي بالبيض وحدة تلو الاخرى حتى يحكم روحو قادرة تبلي ب3 حبات قادر ما يكفيوكش انت وزهرك كان ماكفاش زيديلو شوية زهر

نطرحو العجينة فوق المائدة وتخليه عالي شوفي كاس نتاع التاي او نتاع القهواجي نقطع بيه ونديرلو ثقبة في الوسط بالاصبع بشوية حتى تغمقيها مليح باش ما تقفلش






حطيناهم في البلاطو لازم تعسوهم غير يبدا يصفار من تحت ويحكم روحو تنحيه علاش غير يشيحو لعضام البيض



لما يطيبو نحطوهم في الشربات ونخليوهم يقطرو مليح الصورة 5


نحطهم في البلاطو ونغربل عليهم السكر


درك نجيبو المعجون ونحطولو الملون الاحمر ونحطو باسورينغ باش ما نفسدوش السكر