ما اسم هذا الشيء و ماذا نحضّر فيه ؟

[النويري]

ماذا نسمي هذا الإناء ،وما هي الأكلة التي نحضّرها فيه . أهل بوسعادة يعرفون الجواب .

















وهذ الطبق هدية من عندي .

[فيفي سكيكدية]

نعرف غير طبق الزفيطي المشهور في بوسعادة و شكرا

[نجمة ساطعة]

هذا مهراز لوح و الاكلة جداتي بكري ديرهالنا دق الخبز و الطماطم و البصل و الملح و الحار تجي تهبل بنينة بصح ما نعرفش
اسمها ....

[djam djam]

هذي أكلة بوسعادة أسمها زفيطي أنا منحبش نأكلها كروح بوسعادة نأكل غير المحجوبة والشخشوخة اما زفيطي كليتو مرة ومعجبنيش

[ام ملاك.]

هذا مهراس نتاع الزفيطي امممممممممممممممممممم يهبل بنين
والماكلة بالطبع زفيطي
وتقدري تهرسي فيه الثوم الفلفل الحار مشوي

[soria62]

اسفة منعرفوش اسفة

[أم رقية نسرين]

ما نعرفوش
و هديك الطبخة الأخيرة ماشي عيش ؟؟؟؟

[hadjer]

1- مهراس تاع الزفيطي تجي حارة تكون بالبصل و الطماطم و الفلفل الحار و الفطير -الرخساس-
2- المــــــــــــــــــــــــــــــــــــــــــــــر دود~

[barka61]

هذا سماه المهراس يخدمو فيه الزفيطي واصل الاكلة بوسعادية وماكلة بنينة بزاف وحارة تزفط احنا في الجلفة نحبو ناكلوها

[amina-31]

2-بركووووووووووكس

[natacabell]

hadak jay ki el mahrass manaarafch el akla li fih wel akla el akhira hna nkolloulha el berkoukess bel jaj mmmm maa had el bard baraka lahou fik

[~ حراير ~]

هذا مهراس العود و نهرسو فيه البطوط "لزفيي"
او نرسو فيه الثوم و الكروية و عدة اشاء عموما درك عاد اصغر من هك و اخف بكثير
و شكرا على العيش البنيييييييييييييييييييييين خاصة البومنقوع الي فوقو يشهي يممممممييييييي

[المطيعة لزوجها]

كيف يحضر هذا الطبق و هل توجد أداة اخرى لتحضيره ؟

[اميرة الجلفة17]

السلام عليكم
هذا مهراس ويحضر فيه الزفيطي وهي اكلة بوسعادية ومشهورة بلي حارة حارة حارة .....حتى ومانيش بوسعادية بصح نقلك كيفاش يتحضر يا natacabell
يهرس الرخساس (الفطير) ويزادلو الطماطم والبصل والملح والفلفل الحارو الحشاوش
وحتى اذا حضرتيه في اناء اخر مايجيش مليح كيما المهراس
وشكرا على الموضوع وعلى المردود

[jackin]

طبق الزفيطي المشهور
في بوسعادة
و شكرا