غير نبكي رايحة نهبل

[مشكلتي]

يا خاوتي راني غير نبكي رايحة نهبل
عندي 6أشهر خطبة و الحمد لله أنا نحب خطيبي و هو يحبني و حابين نجتامعو بصح الله غالب ماكاش الوسائل حتى أبسط شيئ ماكاش
دارو بيه ولاد الحرام و غواوه بالدراهم واحد فيهم دار حاجة يدخل على جالها للحبس و تفاهم معاه يعطيلو دراهم و يحصل كلش فيه زعما يشهد على روحو و هو قبل و كي أنا ماحبيتش قالي باش نتزوجو و زيد مارانيش نشاور فيك راني نخبرفيك
عييت معاه من نهار خطبني و أنا نقولو مانديروش عرس أيا نبنيو فوضاوي و ننسترو و حاجة وحدوخرة مانسحق والـــــــــــــــــــو غير هو من هاذ الدنيا
يـــــــــــــــــــــــــــــــــــــــــــــــــ ــــاربـــــــــــــــــــــــــــــــــــــــــــ ـــــي فرج أعليا

[amina-31]

ya khti koni mektan3a b rayek wdiri fi balek l hram ma ydomch ssalli salat isstikhara w rabbi yssahalek makanch ghi howa rajel balak yjik mektob khir mennah

[محمد جديدي التبسي]

لا تهبلي لا تبكي هدي روحك وخممي في عمرك وفيمن ترتبطين به
هاذي شهادة الزور يا أختي نحي عليك الحب وهرطقاته واختاري شاب متخلق هذا رايح يشهد زور من أجل مال يتزوج به!!!
الرجل اللي تتمناه كل فتاة هو الذي يسعى للرزق الحلال ويكون هو مستعجل على الزواج أكثر من الفتاة
ربي يعينك ويصلح رايك

إن سلمنا بهذا المسمى "الحب و التعلق" -جنبنا الله إياه- فيوجد حل آخر هو أن تخبريه أنك ستفسخين الخطبة إن دخل السجن فليختر بينك وبين الحرام
أخبريه أنك لا تريدين الزواج من مال حرام ولست مستعدة لتبني حياتك على الزور والكذب
انصحيه أولا فإن عاد لرشده فاللهم بارك وان كان العكس فافسخي الخطبة وسيعوضك الله بمن هو خير منه

[biti]

المشاركة الأصلية كتبت بواسطة محمد جديدي التبسي

لا تهبلي لا تبكي هدي روحك وخممي في عمرك وفيمن ترتبطين به
هاذي شهادة الزور يا أختي نحي عليك الحب وهرطقاته واختاري شاب متخلق هذا رايح يشهد زور من أجل مال يتزوج به!!!
الرجل اللي تتمناه كل فتاة هو الذي يسعى للرزق الحلال ويكون هو مستعجل على الزواج أكثر من الفتاة
ربي يعينك ويصلح رايك

إن سلمنا بهذا المسمى "الحب و التعلق" -جنبنا الله إياه- فيوجد حل آخر هو أن تخبريه أنك ستفسخين الخطبة إن دخل السجن فليختر بينك وبين الحرام
أخبريه أنك لا تريدين الزواج من مال حرام ولست مستعدة لتبني حياتك على الزور والكذب
انصحيه أولا فإن عاد لرشده فاللهم بارك وان كان العكس فافسخي الخطبة وسيعوضك الله بمن هو خير منه

بارك الله فيك

[faty05]

ربي يهديه
اختي بركاي من البكاء و شغلي مخك
هذا الرجل قوليلو لوكان تديرها نبطل و أهلي ما يقبلوش بواحد خارج من الحبس من بعد احسب سوارد لحرام و تندم عليا
كوني قوية يا اختي و اصبري و توكلي على الله

[سفير الأيام]

ادا الزواج نصف الدين ويبعد على الفتن حاب خطيبك يبداه بهاد العفسة

من رايي غير فوتيه

ما غاديش تبنوا اسرة ديالكم على الصح والساسالراشي يجي النهار وين يريب


تنجمي تتخيلي بهاد العفسة اللي دارها على جال الدراهم يتزوج


ينجم يجي النهار على جال نفس الشيء الدراهم ويتزوج وحدة ثانية


الزواج مسؤولية ماشي لعبة

[bonbon]

استغفر الله العظيم


للي يدير حاجة كيما هكا على جال الدراهم يجي نهار و يدير ما كثر خافي على روحك قبل ما تخافي عليه


لا تبكي و لا تهبلي و ما تقولي لا حب ولا هم يحزنون كون جا يحبك ما يديرش هكا


و للي يبدا حياتو بدراهم حرام عمرو ما يبني دار و اسرة و ربي موحال يباركو فيهم


ربي يهدي بالك و يوريلك الطريق الصحيح

[رحمة من المولى]

الله يفرج عليييييييييييييييييييييييييييييييييك

[yousra14]

احمدي الله رب ورّالك حقيقته من الآن .
ألا تعرفين ماهي عقوبة شهادة الزور؟
وحتى لو تزوجتيه بعد هذه الحقيقة لن يكون الزواج ناجحا فكّري بعقلك ورب معاك

[عبد الله 22]

السلام عليكم ياخت هذا مايصلح لبناء عائلة مهما كانت الظروف فالطريقة غبية وتافهة من اجل جني المال إن كان حقا رجل ويرغب في الزوج يشمر على يديه باقل عمل ممكن وسيكون الله في عونه اما الافكار الاجرمية نجاك ربي من مجرم بشكل من الاشكال، وتاكد من يبع نفسه وبذات حريته يمكن أن يبيع كل شياء بما فيها عرضه وقد تكون يوم من الايام على هذه القائمة إذا فكر في ذهب الى الحج مثلا

عذرا أقبح من ذنب

[noussa nasnoussa]

ايه وبلاك دارها هو صح وبدا يمهدلك باه ما تنصدميش ما دخلتليش في راصي هاذي لحكاية
وزيد لاعاد من ذرك ماشي قادر على تحمل المسؤولية ويحوس على الحلول السهلة
مبعد وش يدير كيفاه تخمي تتزوجي مع واحد قبل يبيع سمعتو بالدراهم
مبعد ماشي بعيد يبيعك ويبيع ولادك
أنا رأي بصراحة عسى أن تكرهو شيئا وهو خير لكم

[doba]

استغفر الله العظيم


للي يدير حاجة كيما هكا على جال الدراهم يجي نهار و يدير ما كثر خافي على روحك قبل ما تخافي عليه


لا تبكي و لا تهبلي و ما تقولي لا حب ولا هم يحزنون كون جا يحبك ما يديرش هكا

[رحيل ج]

ربي يفرج عليك

[MERIEM SETIF-2-]

ربي يفرج و يفتحها في وجهك أختي.

[ايمان نور الجزائر]

علاش تشقي روحك وتبكي عليه
يشهد زور ويتزوج بدراهم الحرام
وداركم يقبلو بواحد محابسي.....اوراقو قع تروح خسارة وولادكم مستقبلا واش تقوليلهم
باباكم كان في الحبس علاجال العرس
فيقي لعمرك....وقولو تديرها كل واحد في طريق