كوات بزاف عندي الحل

ام إثري · 2010-10-18, 18:50

السلام عليكم ورحمة الله وبركاته
اليوم جيتكم بفكرة لاستغلال لي كوات او البساطات الصغار تاع البيبي

طبعا كيما تعرفو انا راني ام وعندي زوج ولاد وكي كانو صغار جاوني بزاف ( احكيلنا قصة حياتك ذرك جيبي من الاخر )
كانو تقريبا كامل كوات وبساطات صغار
لميت بزاف ومعرفتش واش ندير بيهم ومبعد جاتني هذي الفكرة الجهنمية قلت واش فيها لوكان نلمهم ونخدم بيهم كوات كبيرة يغطيها ولدي في الشتاء

على بالي طولت عليكم
المهم
جمعت لبساطات مع بعض بالخياطة
وشوفي الطريقة بالصور

تحبي تلصقيهم بالمشينة ولا باليد كيما يساعدك

بعد ما تلصقيهم تكوني شريتي طرف قماش الي يناسب لولاد ويكون طولو ضعف طول الكوات تاعك لانك راح تغلفي من الجهتين وتخيطي طرف الكوات مع طرف القماش

ومبعد تفرشي الكوات على طولها وتحلي مليح القماش لازم مايتكمشلك وترسم حد الكوات وين وصل في الوسط باه يسهل عليك عمنلية الخياطة خاصة اذا كانت مشينة صغيرة كيما تاعي راح تتعبي شوية

وبعد ما تخيطيها اطرحيها في الوسط بالمشينة باه تتثبت وماتتحركش
وهذي النتيجة

وان شاء الله الفكرة تكون وصلت واي سؤال انا حاضرة

wassila21 · 2010-10-18, 18:54

صح فكرة جهنمية ، طريقة رائعة لإستغلال لي كوات الصغار
بارك الله فيك أختي

منة الله 82 · 2010-10-18, 19:00

شكرا لك على الفكرة

archioui · 2010-10-18, 19:32

فكرة هايلة
بارك الله فيك

سامية الجزائر · 2010-10-18, 20:23

فكرة هايلة
شكرا

فاطمة شمس الاصيل · 2010-10-18, 21:51

بارك الله فيك اختي الكريمة
يعطيك الصحة و العافية
وجزاك المولى عنا كل خير
فكرة رائعة

بسملة توحيد · 2010-10-18, 22:57

فكرة جنانية فردوسية ان شاء الله وليست جهنمية الأفكار الجهنمية تأتي فقط للشياطين وانت ان شاء الله طيبة ومسلمة بارك الله فيك يا طيبة استفدت كثيرا منك واصلي