لي حاب يدير شعبة مليحة ...

[spartacusdz]

يا طلبة نظام قديم أحرار (سجناء الهم و الغمة و ليس أحرار ..أين الحرية :d )
هل سنكون ضحية إصلاحات بن بوزيد هذا العام أيضا ... من هب و دب جاب 11 و 12 و لي فرصا شوي جاب 16
هل ستكون 16 كيما 11 في وقتنا أم ستكون أقل هذا العام
هل يستطيع أن يسجل ما يشاء ب 13.80 أم أن 14.10 ما لقا ما يدير العام لي فات

نحن في حيرة ... ربي يستر برك

[loubnamias]

معرف ياخويا والله ماعرف ..
راهم يقولو بلي المرشحين تاع العام هدا للنظام الجديد ضعاف والمعدلات القبول يهبطوا.
بصح العام لي فات كانو في المستوى المتوسط وجابو نتائج جيدة جدا لي ماعمرو جاب 15 جابها في الباك
يعني يقدروا العام هدا نشوفو معدلات عالية كي العام لي فات
ربي يسترنا ويرحمنا وينجحنا.
وان شاء الله ماتعاودش المهزلة والحقرة تاع العام لي فات آمين.

[spartacusdz]

عاودت الباك جبت 14.10 كلي ما عودتش .... هذا جنون
الطب 14.15 ...الصيدلة 14.75 كيفاه ندير دروا بسيف ولا كيفاه
هذي بلاد هذي

[B.Badis]

المشاركة الأصلية كتبت بواسطة spartacusdz

عاودت الباك جبت 14.10 كلي ما عودتش .... هذا جنون
الطب 14.15 ...الصيدلة 14.75 كيفاه ندير دروا بسيف ولا كيفاه
هذي بلاد هذي

السلام عليكم
كنت قادر تدير طب الأسنان ..قبلوهم ب 13.97...أحسن من الصيدلة في نظري

[rabab200]

و الله من ناحية راني مطمنة لكن كي نتفكر ظلم العام اللي فات رجليا يفشلو ادا كان بن بوزيد يحسب في روحو قادر انو يحطمنا و يظلمنا فانا نقولو كاين اللي اقدر منك واكبر انه الله اللي نتوكلو عليه و بادنو و مشيأتوا ان شاء الله يكون النجاح حليفنا فالدعا و الدعاء و الله هو الاكبر

[''أسيل'']

المشاركة الأصلية كتبت بواسطة b.badis

السلام عليكم
كنت قادر تدير طب الأسنان ..قبلوهم ب 13.97...أحسن من الصيدلة في نظري

ياحفيظ من طب :dالاسنان

[spartacusdz]

طب الأسنان أحسن من صيدلة ....أوووووووووووووووو واش جاب لجاب
أطباء الأسنان كاين بزاف بصح صيدلة كاين كيما هدا العام في سطيف حوالي 200 طالب بينما أكتر من 400 في طب الأسنان و أكثر من 3000 في الحقوق ههههه
باه تشوفو الفرق فقط
الشعب الأقل عدد فيها أفضل فرص التميز و العمل

[لينة71]

واش راح ديرلهم ربي يهديهم ويهدينا , وإن شاء الله هذا العام مش كما العام لي فات وبالتوفيق للجميع ...سلااااام

[B.Badis]

المشاركة الأصلية كتبت بواسطة spartacusdz

طب الأسنان أحسن من صيدلة ....أوووووووووووووووو واش جاب لجاب
أطباء الأسنان كاين بزاف بصح صيدلة كاين كيما هدا العام في سطيف حوالي 200 طالب بينما أكتر من 400 في طب الأسنان و أكثر من 3000 في الحقوق ههههه
باه تشوفو الفرق فقط
الشعب الأقل عدد فيها أفضل فرص التميز و العمل

و الله لا أدري ...لكن أحب طب الأسنان أكثر من الصيدلة ....لا أعلم ...حيث إذا درست طب الأسنان تخرج طبيب أسنان ....و لكن ماهي فرص عملي إذن إذا درست صيدلة ؟؟؟؟و بالنسبة لعدد الطلبة ... أمالا خيرتلي نفرح ...العدد تاعنا في كلية الهندسة المعمارية تقريبا 214 شخص ...لا أظن أن عدد الطلبة هو المعيار ...إذن لماذا في الطب يوصل العدد إلى أكثر من 500 ؟؟؟؟؟ و بالنسبة للحقوق .... عيب عليك تضحك عليهم .... كل واحد و قرايتو و كل واحد و واش مكتبلو ربي ....أنا عندي أختي تحصلت على باك 2002 علوم الطبيعة و الحياة بمعدل 11 فاصل حاجة.... و كانت قادرة تدير حوايج بزاف منها الإعلام الآلي و التكنولوجيا كلاسيكي و البيطرة و البيولوجيا و الرياضيات ...وووو...لكنها خيرت حقوق ...و الحمد لله أنهت دراستها بتفوق و قانعة و راهي تفوت في الكونكور تاع المحاماة ...عادي ... على العموم صيدلة أو طب أو طب الأسنان كلها مليحة لكن يختلف ترتب الأفضلية تاعها من شخص لآخر..... و ربي يوفقنا إن شاء الله إلى ما يحبه و يرضاه...آمين ...و السلام عليكم و رحمة الله تعالى و بركاته ...

[spartacusdz]

ضحكت على الفارق الكبير هذا ماكان كل الشعب مليحة لي حاب يقر يقر ... بصح الله غالب الواقع راه مرير 3000 طالب و الله ما هم خادمينها أتخيلو كل عام يتخرج 3000 طالب و فرص العمل معدومة و لذلك العدد راهو مصيري في الجزائر عكس ما تقول أخي
صيدلي أو طبيب عملك مضمون خاصة إذا كنت متميز ...
أما عن الحقوق أختي باك 2003 و الأن ماجستير حقوق الله يبارك ... الحقوق للناس لي حابة تروح بعيد ماشي 4 سنوات

[spartacusdz]

في ما يخص الطب كان جات 5 سنوات كان تولي ب 16.84 هههه هذا هو سبب النفور منها أنها طويلة و شاقة وتتطلب صبر و نفس قوية
أما الصيدلة فهي جيدة جدا في نظري 5 سنوات و تصيح صيدلي و إذا أردت التخصص كاين عدة تخصصات فيها
أما الهندسة من حقك أن تفرح هذي تري لوجيك خويا 240 خير من 500 و 600 فرصتك للعمل تتضاعف عادي جدا

[B.Badis]

المشاركة الأصلية كتبت بواسطة spartacusdz

ضحكت على الفارق الكبير هذا ماكان كل الشعب مليحة لي حاب يقر يقر ... بصح الله غالب الواقع راه مرير 3000 طالب و الله ما هم خادمينها أتخيلو كل عام يتخرج 3000 طالب و فرص العمل معدومة و لذلك العدد راهو مصيري في الجزائر عكس ما تقول أخي
صيدلي أو طبيب عملك مضمون خاصة إذا كنت متميز ...
أما عن الحقوق أختي باك 2003 و الأن ماجستير حقوق الله يبارك ... الحقوق للناس لي حابة تروح بعيد ماشي 4 سنوات

عندك حق يا أخي ... و الله يبارك على أختك ربي يوفقها إن شاء الله و يوفقنا أجمعين...آمين

[B.Badis]

المشاركة الأصلية كتبت بواسطة spartacusdz

في ما يخص الطب كان جات 5 سنوات كان تولي ب 16.84 هههه هذا هو سبب النفور منها أنها طويلة و شاقة وتتطلب صبر و نفس قوية
أما الصيدلة فهي جيدة جدا في نظري 5 سنوات و تصيح صيدلي و إذا أردت التخصص كاين عدة تخصصات فيها
أما الهندسة من حقك أن تفرح هذي تري لوجيك خويا 240 خير من 500 و 600 فرصتك للعمل تتضاعف عادي جدا

الحمد لله .... الحمد لله ....و بالنسبة للطب عندك حق ..تخيل السنوات فيها 7 سنوات و عدد الطلبة في أغلب الجامعات لا يقل على 600 طالب و لكن معدلها يبقى عالي ما شاء الله ... الله يبارك على طلبة الطب

[spartacusdz]

واش يصبر حتى 09/07/2009
ياربيييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييييييييييي

[z.youcef]

سلام اخواني أنا أحب طب الأسنان عكس الطب و الصيدلة لأنني عندي أسبابي باه نفضل قراية على قراية بصح عدد الطلبة 3000 أو 240 ماهوش معيار... قادر واحد يتخرج من دفعة فيها 5000 و يخدم قبل واحد يتخرج من دفعة فيها 50 المهم يا اخوان أنك تقرا واش حاب تقرا لأنك كي تقرا قراية باغيها تبدع فيها و تكلاسي مع الأوائل فيكون لك الشأن في المستقبل و كيما رانا نشوفو كاين متخرجين من المدارس العليا بصح راهم قاعدين و كاين أطباء و قاعدين و كاين لي يخدمو هذي الدنيا مخلطة مانقدروش نحكموا عليها أيا سلام