استفسار حول كيفية تنظيم القسم، وأين توضع المساهمات بكثرة

نعمة القدوس · 2013-10-22, 10:15

السلام عليكم إخوتي المحاربين والمحاربات ؟

لاباس ؟ اشتقتُ لكم كثيييرا والله يعلم

ان شاء الله راكم بخير ؟

دخلت للمنتدى لقيت الحالة مليحة، الأعضاء يحطّوا في مشاركات تفتح النفس على الدراسة
سخّفتوني لذلك قررت أنا تاني نشارك بما لديّ
(زعما قاعدة نحط فيهم في المدونة بالصح نخاف كاين اللي فالمنتدى بحاجة ليهم ولا خارج المنتدى ومايشوفهمش، لازم يتنشروا لأبعد الحدود)

المهم، المشكل أني مافهمتش واين نحط
قصدي كاين أقسام كثييرة بالمنتدى، وأنا لحد الآن ما فهمتش واينو القسم النشط وواينو القسم اللي يدخلولو بزافف وناشطين فيه

لذلك خممت أننا حنا التلاميذ تاع البكلوريا نتفاهموا أين نضع المواضيع

وأنا نقترح نحطوهم في قسم العلوم التجريبية وتاع الرياضيات يحطو فالرياضيات وهكذا

ولا دبّرو عليا أنتوما أحسن
كل واحد يقوللي واين راهو قاعد يحط وهل قاعد يشوف باللي كاين اللي راهو يتفيد ولا العدد قليل !

المهم، قولوا أي شيء، أي دبارة .. أقنعوني .. ديروا أي حاجة

وبالتوفيق أحبّتي

سماح 2 · 2013-10-22, 11:30

[FONT="Arial Black"]

هــولا نعمـــة
ان شاء راكي بخير
والله دوخوني التماريـــن أنـــا + أفضل نحل التمارين الي عندهم الحل برك

++ القسم المليح هو الي حطيتي فيه الموضوع هدا خطرى كن تحطي المواضيع تع الرياضيات في قسم والعلوم في قسم رايحة تصعاب الحالة علينا وعليكـ

تديلك وقت حنوونة ودبري راااسك لووول

+ كيفاه راك منظمة وقتك مع القراف grève راني هبلت أنــأ ههه

[/FONT]

نعمة القدوس · 2013-10-22, 11:59

اقتباس:

المشاركة الأصلية كتبت بواسطة سماح 2

مرحبا سماح !

تووحشتك بزافففف

آآه أووكي .. درك ناخذ فكرتك بالاعتبار

+

والله أنا تااني نحب نحل التمارين اللي عنهم الحل،
بالصح ساعات نحل تمارين وماعنديش الحل تاعهم شويا باه نديير ثقة في نفسي
أصلا تماريننا باينين واين لازم نوصلو
يعني تعرفي روحك صحيحة ولا غالطة وأنت تحلي بعد (عندي بعض الطرق الأخرى اللي نكتشف بيهم الخطأ، بالصح غيير فالدار، في وقت الصح مانعرف هههه)

++

أممممم الأضراب زاد خلّطني تاع الصح، مالقييتش روحي فيه
أصلا حنا عندنا أستاذة يقريو ,, متلا اليوم نقرا على الـ 13:30 حتى للـ16:30
(كون غير نروحو ويقولولنا روحو تروحو ماكانش القراية هههه)

شويا راجعت الراياضيات والفيزيا بقاتلي العلوم ماقستهاش كما يجب
والحفاظة ماعلاباليش كيفاه نديرلها
الأستاذ تاعنا ماكتبلنا حتى درس فالتاريخ، واعطانا درس فالجغرافيا (فوطوكوبي)
أنا حرت واش ندير (قاعدة هاد الساعة نحفظ غير فالمصطلحات)

وأنت ؟ واش مدايرة فيها ؟

سماح 2 · 2013-10-22, 12:10

اقتباس:

المشاركة الأصلية كتبت بواسطة نعمة القدوس

مرحبا سماح !

تووحشتك بزافففف
يتوحشكـ الخيــر مررسي ^^'
آآه أووكي .. درك ناخذ فكرتك بالاعتبار

+

والله أنا تااني نحب نحل التمارين اللي عنهم الحل،
بالصح ساعات نحل تمارين وماعنديش الحل تاعهم شويا باه نديير ثقة في
نفسي
هه وي والله حتى أنا ساعة ساعة نحل تمرين ما عنديش الحل مي نتوسوس ونقول انا لماه نقلق روحي التمارين اي متشابهة الكل
أصلا تماريننا باينين واين لازم نوصلو
يعني تعرفي روحك صحيحة ولا غالطة وأنت تحلي بعد (عندي بعض الطرق الأخرى اللي نكتشف بيهم الخطأ، بالصح غيير فالدار، في وقت الصح مانعرف هههه)
خخخ آه وي ما تعويد بزاف تحفظي حتــى النتائج

++

أممممم الأضراب زاد خلّطني تاع الصح، مالقييتش روحي فيه
أصلا حنا عندنا أستاذة يقريو ,, متلا اليوم نقرا على الـ 13:30 حتى للـ16:30
(كون غير نروحو ويقولولنا روحو تروحو ماكانش القراية هههه)
انـ شاء الله انا نقرى فرنسي واسلامية وسبوور ما دروش اضراب مي تفاهمنا الكل ما نروحوش اساعة ما رحتش خلا لليسي مي قلبي او التم لووول
شويا راجعت الراياضيات والفيزيا بقاتلي العلوم ماقستهاش كما يجب
والحفاظة ماعلاباليش كيفاه نديرلها
الأستاذ تاعنا ماكتبلنا حتى درس فالتاريخ، واعطانا درس فالجغرافيا (فوطوكوبي)
أنا حرت واش ندير (قاعدة هاد الساعة نحفظ غير فالمصطلحات)

وأنت ؟ واش مدايرة فيها ؟
أنا راجعت االفيزياء والعلوم تاني الحمد لله بقاتلي المــات راني حاطة روحي فاهمة مي خايفة نديهـا في روحي لازم نعاود نحل واش درنا في القسم والليكورو تع عقبة هادوك اي حطهم عجبوووني خلاه خسارة برك الحل
ممم والحفيظة حفظت تــاريخ ما كتبناش حاجة كبيرة واسلامية درنا زووز دروس
والجغرافيا اععععععق تعيّف ما زلت ما قلتش بسم الله فيها

good by

biba_g · 2013-10-22, 12:10

شخصيا القسم الوحيد الذي ادخله في الجلفة حاليا هوقسم العلوم التجريبية

biba_g · 2013-10-22, 12:14

الاخت سماح

بخصوص حلول السلسلة فانا املك حل التمرين الاول لحد الان اذا هناك سؤال غامض يمكنني ان اساعدك بالحل

hanna25 · 2013-10-22, 12:28

ايه ناس اي تقرا و انا راقدة اتصوروا من نهار بدينا الاضراب مقست والوا لحفاظة معلاباليش بيها خلاص اليوم وين جيت نحل وظيفة مدهلنا استاذ الدروس الخصوصية تع فيزياء حصلت فيها مخي خرج والحل مخرجش لوكان تحبوا نحطهالكم كشما تفلحوا فيها
+
نرجع للموضوع افضل قسم هو لحطيتي فيه الموضوع هادا انا هو لندور فيه برك

سماح 2 · 2013-10-22, 13:03

اقتباس:

المشاركة الأصلية كتبت بواسطة biba_g

الاخت سماح

بخصوص حلول السلسلة فانا املك حل التمرين الاول لحد الان اذا هناك سؤال غامض يمكنني ان اساعدك بالحل

شكـرا لك ربي يعيشكــ, مازل ما بديتش نحلها

سماح 2 · 2013-10-22, 13:05

اقتباس:

المشاركة الأصلية كتبت بواسطة hanna25

ايه ناس اي تقرا و انا راقدة اتصوروا من نهار بدينا الاضراب مقست والوا لحفاظة معلاباليش بيها خلاص اليوم وين جيت نحل وظيفة مدهلنا استاذ الدروس الخصوصية تع فيزياء حصلت فيها مخي خرج والحل مخرجش لوكان تحبوا نحطهالكم كشما تفلحوا فيها
+
نرجع للموضوع افضل قسم هو لحطيتي فيه الموضوع هادا انا هو لندور فيه برك

ههههه مليحة هادي الوضيفة الي تخرج العقل
وي حطيها نشوفها خلي يخرج عقلي شوي ويخدمـ

هه

hanna25 · 2013-10-22, 13:13

اقتباس:

المشاركة الأصلية كتبت بواسطة سماح 2

ههههه مليحة هادي الوضيفة الي تخرج العقل
وي حطيها نشوفها خلي يخرج عقلي شوي ويخدمـ

هه

ههه انا خرجتلي عقلي بالاك نتي تجيك ساهلة حبست في السؤال5 :

حيآتي أسمَى · 2013-10-22, 13:19

سلام نعمــة
ان شاء الله راكــي بخير

كاش تحضيراآ ت كاش حفاظـــة كيفاش دايرة مع الوقت والاضراب p:

بالمناســبة انا راني زائرة وفيــة بالخفاء لمدونتــك لول

نفــضل تحطي اي حاجــة في قسم العلوم التجريبية خاطر راه خاص بشعبتنا
وهاد القسم عام

ربي يوفقك ويوفقنا

سلـــــــآم

نَازِكْ · 2013-10-22, 14:58

السلام عليكم
اهل نعمة واشتقناه عساكم بخير
والله انا دماغي في حالة فوضى فقدت الدافه الى اشعار اخر اظن ان هدا القسم هو انشطهم و صراحة انا لا ازور الاقسام الاخرى
الى لقاء اخر السلام عليكم

سماح 2 · 2013-10-22, 15:43

اقتباس:

المشاركة الأصلية كتبت بواسطة hanna25

ههه انا خرجتلي عقلي بالاك نتي تجيك ساهلة حبست في السؤال5 :

بــلاكـ هه لوول لم يظهر شيء

عبد الحفيظ البوسعادي · 2013-10-22, 16:00

5/ممكن تجبيه من قانون الغازات المثالية

ريحآنة الوفآء · 2013-10-22, 20:12

آآهلآلآلآ بنعمة
تتوحشك الجنّة

أنآآ ثآني نحير وين نحط موآآضيعي
بصّح تبانلي هنآآ خير بآه كل الشعب تستفآد من بعضآهآ
مثلآ عضوة من شعبة علوم تجريبية تحط حآجة تفيد كل الشعب في قسم ع.ت معنتها تفيد بيها غير جزء منآ
بصّح كيما تحطهآ هنآ رآح يستفآدو كل الشعب منهآآ

يعني هذآآ القسم افضل

+ بالنسبة للاضرآب وآش دار فينآآ
أنآآ كنت نآآوية ماندخلش كآآمل هنآآ ههــ بصّح الاضرآآب ضربلي كلّش في الصفر و أجبرني نقرى من النت تبّعت شويا دروس من اليوتيوب

و ثآني كي عقبنا فرض في العلوم قلت نحطو هنآ و ان شآآء الله نحط كل فروضنا لانو لكل وحدة نديرولها فرض
و منيش نروح لليسي غير لساعة العلوم ساعات تعويضية برك
و حليت واجب في العلوم مدهولنا طويييل ظرك نسكىنيه و نحطو في موضوع باه يستفادو منو الأعضآء كآمل
و الرياضيات لآلآلآ علآقة مكلآلآه نحكي عليها دعواتكم ربي يهدي أستآآذتنا
و الفيزيآآء هبلتني السرعات تقلقت منهم نستنى وقتىه برك نفوتوهم
+
كتآب العلوم المدرسي كيف هو هههــ صدقيني لظرك ماشفت الأنشطة تاعو ولآ حليتو ماعلاباليش بيه كآآمل لأن أستآذنآآ يدرّس فينا على كتآب من إعدآدو هو و طبعآآ بعد موآآفقة المفتش رآني ديما نقول نسكآني منو شويى غير الله غالب ماقعدش

ربي يوفقكم