فائدة للجميع

ايناس10 · 2012-10-28, 16:50

اخواتي صح عيدكم وكل عام وانتم بالف خير، شفت موضوع عجبني يخص الاخت العزيزة لويزة بخصوص قنادر بالفتلة خادمتهم الماشينة هي قنادرها ليهم ماشينة خاصة بيهم ، ويكون بعلمكن جميعا ان لدي صديقة لي تخدم الفتلة بماشينة خياطة عادية الي متعودة تخيد بيها فقط ترخف فيها وتستعمل الخيط الشفاف والله قمة فالاتقان والروعة عملت قاط مشارجي بالفتلة كمل في اسبوع يهبل كون نلقى واحد عندها نصورو ونحطهولكم تشوفوه اذا الي عندا ماكينة خياطة ماعليها غير تجرب واكيد راح تنجح ان شاء الله

بوعنينبة · 2012-10-28, 16:56

شكرا جزيلا على المعلومة

ايناس10 · 2012-10-28, 18:04

العفو عزيزتي

ذكريات الطفولة 7 · 2012-11-07, 16:10

بارك الله فيك اختي

haythem_956 · 2012-11-07, 18:04

شكرا اختي على المعلومة .حتى انا سمعت بلي يبدل بياسة للمكينة السوداء ويخيطو بيها ياريت تكملي جميلك وتقوليلنل منن نرخف المكينة وجزاك اللاه خيرا

ام هالة شهرزاد · 2012-11-07, 19:48

يا ريت توضيح اكثر اختي والله يحفظك

maya bouharoun · 2012-11-07, 23:03

منين ترخفيها مافهمتش شكرااااااااااااااااااااانا راح نبدا نخيط وحدة هاد يامات ان شاء الله من فضلك وريلنا كيفاش باسكو انا مبتدئة

مـــيار · 2012-11-07, 23:12

السلام عليكم

مشكورة اختي ايناس على المعلومة

انا ثاني نخدم الفتلة بماشينة طرز عادية ، نعمل الزكزاك قياس مناسب مع خيط الفتلة

نحط خيط الفتلة و نتبع عليه بزكزاك خفيف بالخيط الشفاف يجي هايل تتخدم بسرعة

ملاحظة : ننزع الدواسة