ساعدزني في اكتشاف سر اوراق الديول

mirage de cirta · 2013-07-13, 23:56

سلالالالالالالالالالالالالام بنات

كل ما نلقلى وصفة للديول نجربها بلا فايدة

رايحة تدمر نفسيتي انا اللي خايبة و لا هي اللي واعرة

yacef hayet · 2013-07-14, 02:22

ma tafachliche khti maa ouakt yessalhou encchalah

حياتي نبع امل · 2013-07-14, 04:26

جربي طريقة الاخت ام راضية بالبانسو سهلة وتنجح معاك من اول مرة وادا حبيتي تفحالي اكثر راهي دايرة الاخت ام كوثر فيديو لطريقتها في الديول وبسطتها جدا

loubna2 · 2013-07-14, 11:37

choufi diri ta3 le pincou kila farine et kila eau bared men friguou sakhni makla chouia nhia men nar wedahni lmakla bel bansou b3ida ala nar ki tkemli houti lmakla fouk nar hata tetkala3 lwerka wehadha dertha w salhatli min awal mara

ام ندى 87 · 2013-07-14, 14:15

الحقيقة ماشي ساهلين بزاف حتى انا طولت باش اتقنتهم انا ندير تاع البانسو نحلط السميد مع الفرينة وندير السميد اكثر من الفرينة وكثري الماء القوام يكون كيما نتاع البغرير بصح خفيف عليه خلطيه بالميكسور ولا في الطاس و خليه يبات فالثلاجة لغدوى اخدميه سخني المقلاة شوية واجبديها من النار واخدمي لا بردت رجعيها و هكذا واذا لقيتي الورقة فيها شقوق ديري لي روتوش بالبانسو وهي مازالها في المقلاة كي تنحيها خطيها فوق درى رشيها شوية فرينة طبقي هاد الخطوات عن تجربة انشاء الله نكون افدتك

maya 25 · 2013-07-14, 18:55

انا تاني درتو و ماصلحش.

amilaz · 2013-07-15, 10:35

ربما المشكل في المقلة انتاعك لازم تكون ما تلصقش وديري طريقة البانسو والبان ماري راهي من أول مرة صلحتلي يعطيهم الصحة حراير منتدى الجلفة

mirage de cirta · 2013-07-18, 22:33

يعطيكم الصحة بنات

مرسي رايحة غدوة نجرب و نردلكم الخبر شكرا على التشجيع و المساعدات في ميزان حسناتكم

meriama13 · 2013-07-18, 22:40

حتى انا نحوس على وصفة ساهلة للديول و خفت ماينجحش معايا