عاونوني باقتراحاتكم على وجه ربي

حميدة نور · 2014-05-16, 19:58

عندي عرضة غدوة انشاء الله لسبعة اشخاص , حرت وا ش نطيب, اذا ممكن تقترحو عليا و صفات بنينة و سهلة و تحمرلي وجهي
حبيت مقبلة وطبق رئيسي و حاجة حلوة وسلطة
انا تعودت على بوراك و شربة و دولمة و لحم حلو, احباب الله عاونوني باقتراحاتكم باطباق مجربة و تشرف
شكرا لكم

zomorodaz · 2014-05-16, 22:53

اختى كاين أفكار خاصة فى المنتدى اخوات دايرين العرضات بالصور تصفحى واختارى
ممكن نساعدك
تقدري ديري شوربة ا او الحريرة تاع الغرب لاخت الوهرانية

بوراك و معاه كيش او بولى للاخت فلة أو ممكن فى مكان الدجاج تعملى الكفته او تعملى بوراكتركى تاع اخت فلة منها تغيير

أحنا فى عاداتنا الضيف نعملولو الحلو مع شباح الصفرة الا ما كانش معليش تقدري ديري لوز

تقدرى ديري طبق المثوم أو الزيتون أو دجاج محمر و معاها شومبينيو
سلطة تكون مشكلة
ديسير ممكن ليجواز تاع اخت ام انس فعلا خفيفة و باهية

ما تنسيش اتائ بالكوكاو و لوز و الجوز خير ما يقولو مشحاحة

ياخى ياكلو و يشبعو و يقطعو فيك

Nada perla · 2014-05-16, 23:18

اختي العزيزة امليح اتديري شوربة وبوراك وغراتان خير تسما حاجة سائلة مع غراتان وشلايظ
الغراتان نقترح عليك تدخلي عندي راني حطيت بزاف انواع تاع الغراتان وشوفي وخيري واش عجبك راهوم كامل وصفات ناجحين ومصورين
ربي يعاونك اختي وان شاء الله اتجوز العرضة ديالك مليحة

fatimazahra09 · 2014-05-19, 16:24

شوفي وصفات فلة فود والهام 07 ...الوهرانية ..ام اماني ..ام كوثر ..الصوامعية ..بلا ما ننسى نينا فرات ....و الكثير ... والله يا اختي ماني نبرح ... لكن je croit ..je croit هدوهوما الفحلات نتاع المنتدى ...ربي يعاونك

tiaretia · 2014-05-19, 17:36

اختي ديري حريرة او شربة +بوراك اولي بول نتاع بشامال ومن بعد ديري مثوم بلي شومبينيو ومن بعد ديري لوبيا محمرة بالحم محمر +سلايط+ديسار +اتاي بلكوكاو واذا بغيت ديري لحم الحلو وربي معاك ودعيلي بالذرية