حشوات مختلفة للبوراك.... متجدد

ريم الفلى · 2013-07-09, 16:30

بما انا على ابواب رمضان حبيت نحطلكم حشوات البوراك المختلفة و هناك حشوات اقتصادية يعني من غير متكلفي الزوج المسكين او الاب الشهار و في نفس الوقت لذيذة وكل وحدا عندها حشوة مختلفة تحطها باش نستفادو منها

سيقار بالدجاج

المقادير
أوراق ديول. الحشو: قطع دجاج حوالي 500 غ+ 3 بيض+ 2حبات بصل + 150غ فطر+ ملح + فلفل+ معدنوس + اصبع زبدة حوالي 80 غ.
الطريقة
نقلي البصل المفروم في الزيت و الزبدة حتى يتحمر قليلا نضيف الدجاج ثم نمرق ونتركها حتى تنضج نفتت الدجاج وتخثار المرقة.
نقلي بصلة في الزيت و الزبدة حتى تذبال نضيف الفطرمكعبات+ شوية من مرق الدجاج+ الدجاج المفتت + معدنوس نخلط جيدا ثم نطفأ النار
ناخذ أوراق ديول نضع في وسطها جبن مرابي بشكل مستطيل طويل و عليها الحشو السابقة نطويه ونضعها في الفرن او نقليها في الزيت نزينها بالفطر المقلي من فوق.

أضرفة بالدجاج و اللوبيا الخضراء

المقادير
أوراق ديول. الحشو: قطع دجاج+ بشمال+ كوب ماء+ لوبيا خضراء + جبن+ ملح + فلفل+ 1 ملعقة ك طماطم مصبرة. او من الاحسن حبة طماطم مرحية
الطريقة:
حضري البشمال بالماء بدل الحليب وضعي الدجاج ينضج فيها + ملح + فلفل.
غلي اللوبيا و قطعيها صغيرة ضفي الدجاج المفتت+ جبن مقطع بالطول + طماطم مصبرة.
نأخذ أوراق ديول نضع في وسطها جبن مرابي بشكل مثلث وعليها الحشو السابقة.
نطويه ونضعها في الفرن ونزينها باوراق معدنوس وشرائح ليمون

بوراك بالسلق

المقادير:
أوراق الديول. الحشو: 250غ لحم مفروم من الاحسن غنمي+ 3 بيض+ بصلة + 6 حبات جبن + معدنوس + 3 فص ثوم + بيض مقلي + سلق مغلي + جبن مبشور.
الطريقة:
نقلي البصل المفروم في الزيت و الزبدة+ ملح + فلفل+ ثوم حتى يتحمر قليلا ننزعه و نضيف الجبن الأبيض نخلط جيدا.
نضيف البيض المقلي و المفتت + اللحم المرحي + السلق المغلي + الجبن المبشور.
ناخذ أوراق الديول نضع في وسطها الحشو السابقة نطويه ونضعها في الفرن أو نقليها.

سيقار بالسلق و البيشمال

المقادير :
أوراق الديول. الحشو: 250غ لحم مفروم + زبدة +2 بصل مفروم + بيشامال + سلق مغلي.
الطريقة:
نقلي البصل في الزيت و الزبدة+ ملح + فلفل حتى يتحمر قليلا ننزعه.
نضيف اللحم المفرم المقلي + السلق المغلي+ البشامال و نخلط جيدا.
ناخذ أوراق الديول نضع في وسطها الحشو السابقة نطويه ونضعها في الفرن أو نقليها.

بريوات بالخضار المقلية

المقادير:
أوراق الديول+ خضار ( جزر+ فلفل + بصل + بطاطا+ زيتون اخضر) + قصبر+ كركم+ فص ثوم مدقوق+كمون+ ملح + فلفل ابيض واذا لم يتوفر اسود معليش
الطريقة:
نقلي الخضار المقطعة شرائح طويلة و رقيقة جدا مع القصبر+ كركم+ فص ثوم مدقوق+كمون+ ملح + فلفل أبيض.
ننزعهم ثم نصفيهم من الماء.
نأخذ أوراق الديول نضع في وسطها الحشو السابقة نطويه مثلثات ونضعها في الفرن أو نقليها.

بريوات بالشكشوكة

المقادير:
أوراق الديول+ طماطم + فلفل اخضر+راس ثوم+ليمون +زيت + ملح + توابل.
الطريقة:
نحضر الشكشوكة عادية بدون بيض صفي كل ما بها من مرق. نأخذ الديول نضع في وسطها الحشو نطويه مثلثات ونضعها في الفرن أو نقليها.

مثلثات بالجبن

المكونات:
12 ورقة ديول + 100 غ من الجبن الأحمر+ 2 بيضات + 400 غ من جبنة المدزاريلا + 150 غرام زبدة + ملح، فلفل
التحضير:
نذوب الزبدة في مقلاة. وفي الوقت نفسه ، في صحن عميق : نخلط المدزاريلا والجبن الأحمر المبشور و نملح الخليط.
على الطاولة، نفرد الورقة ونقطعها الى نصفين بالطول، وذلك باستخدام سكينة حادة.
لطي البريك : نأخذ 1 ملعقة صغيرة غير ممتلئة من الزبدة المذابة، وندهن الورقة.
نضع ملعقة ممتلئة من خليط الجبن على الحافة
نغلق الشريط ثم نطويه على الجانب في شكل مثلث.
نواصل ثني المثلث
ملاحظة : لانعد أكثر من ورقة واحدة في نفس الوقت لانها لما نقطعها ونتركها خارجا تيبس ويصعب لفها تولي تتكسر
على صينية فرن متوسطة الإرتفاع، نضع ورق الطهي ونضع فوقه المثلثات المثنية.
نقوم بطهي المثلثات حوالي 6 إلى 7 دقائق على كل جانب.

بوراك بالبطاطا و الجبن

المقادير:
أوراق الديول.
الحشو: 500غ بطاطا مغلية مع ورقة رند+ ملح + فلفل+50غ جبن الأحمر+4 جبن كيري+2 فص ثوم+1 ملعقة ك بقدونس+(1/2 كوب شاي ماء+1 ملعقة ك نشاء) أو صفار بيضة + زيت للقلي.
التزين: أوراق خس+ قليل من الجبن المفروم.
الطريقة
نخلط جيدا البطاطا المرحية مع ملح + فلفل+ الجبن الأحمر المفروم + جبن كيري+ ثوم+ بقدونس و نحضر منها قضبانا صغيرة.
نأخذ أوراق الديول نقطعها الى نصفين ونضع فيها قضبانا من الحشوة ونلفها ونلسق الطرف بالخليط النشاء اوالبيض يزين بأوراق الخس و قليل من الجبن المفروم.

بوراك بالتونة و الخضار

المقادير
اورق ديول+جزرة مقطع أطراف ومسلوقة+ حبة بطاطا مقطعة أطراف مسلوقة + بقدونس + علبة ذرة+ علبة تونة + ملح + فلفل+100غ جبن محكوك+ قليل من الهريسة+ زبدة + زيت
الطريقة
نخلط الجزرة + حبة بطاطا + بقدونس + ذرة+ تونة + زيتون + بيض مقطع+ ملح + فلفل+جبن + الهريسة.
نأخذ أوراق الديول نقسمها على اثنين ندهنها بخليط الزبدة و الزيت و نضع في حافتها قليل من الحشو.
ونلفها سجائر او مثلثات ونقليها
في انتظار مشاركاتكم
الى اللقاء وصح سحوركم وصح فطوركم
***************
هاكم الجديد:

بوراك بالمرقاز

المقادير:10 قطع مرقاز +بصلة+ قرن فلفل حار +3 ملاعق جبن مبشور +3م ك كتشب+3م ك مايونيز+ملح + فلفل اسود حسب الرغبة+ زيت قليل من الماء
الطريقة:
نفرم البصل ناعم ونضعة على النار مع شوية زيت فلفل اخضر بعد الفرم ورشة فلفل اسود ثم نقطع المرقاز بعد تقطيعه حسب الرغبة ونقلبه جيدا ثم نضع باقي القادير ونتركه يغلي قليلا على نار هادئة
ملاحظة ممكن التحكم في كمية الكاتشب والمايونيز ممكن اضافة فطر مفروم وعدم إضافة الملح وممكن ايضا تستعملي بدل المرقاز مرقاز الهام المخادع او تستعملي الباتي باي ذوق تحبيه حار بالثوم مدخن عادي الخ.

بوراك بالطون

المقادير: حبة طماطم كبيرة مقطعة الى قطع صغيرة + بصلة كبيرة مفرومة فرما ناعما. معدنوس مفروم + علبة تونة اي نوع وتقدري تديري هنا سردينة عادي + نصف كوب من الزيتون المقطع + بيضتان مسلوقتان و مقطعتان الى مربعات صغيرة + 100غ جبنة مبشورة وبيضتان

الطريقة:
يوضع البصل و المعدنوس فى مقلاة و يقلى على النار بدون زيت حتى يذبل الخليط. يطفى النار ثم يضاف باقى المقادير + الملح و الفلفل الاسود. ( حذار من الاكثار من الملح مع وجود الجبنة و الزيتون) تكسر البيضتان على الحشوة و يخلط الكل جيدا.
نضع ملعقة اكل على حافة الورقة و نمدها على شكل مستطيل نغلق الجوانب حتى نتحصل على سيغار, يسخن الزيت ثم ننقص من النار و نقلى البوراك حتى يتحصل على لون ذهبى , يصفى من الزيت و يقدم ساخنا مع حلقات الليمون.

بوراك السلق

المقادير :

2 ربطات سلق +بصلة كبيرة +قرصة ملح +قرصة فلفل أسود+ملعقة كبيرة زيت من الاحسن زيت زيتون +4بيضات +ورقات ديول
طريقة التحضير:
اغسلي اوراق السلق وقطعيها مربعات وقليها مع شوية ملح وفلفل اسود وزيت ورقة رند وفص ثوم مقطه على زوج بدون اضافة الماء على نار قليلة اسبقي اولا في السيقان لانها تكون قاسية اكثر من الاوراق وقطعي البصل إلى شرائح رقيقة وقليها حتى تتحمر مع ملح وزيت وفلفل اسود وضفي فوقها السلق وحركي جيدا ثم غطي المكونات وحركيها مين داك باش تطيب مليح ومتنحرقش ثم أضيفي عليها البيض. وإفتحي أوراق الديول و ضعي في كل منتصف نصف ملعقة من الخليط وضفي نصف حبة جبة مقطعة بالعرض و شكلي مربعات أو مثلثات حسب ذوقك ثم إقليها في الزيت الساخن
وهدي بعض الاشكال لي ممكن تديريها:

في الاخير ارجو من كل واحدة من اخواتي ان تدرج لنا طرق تحضيرها لهاد المعجنات المهمة وشباح مائدة رمضان باش نستفادو كامل ونوعو وهكدا نكونو محط اعجاب الزوج الاب الام العجوزة وحتى الجيران هههههههه
تقبلو تحياتي وقبلاتي
صح فطوركم ومتنساوناش بدعيوة خير عند الافطار يا شطار

crystale49 · 2013-07-09, 16:31

بارك الله فيك

ام لمجد · 2013-07-09, 16:44

بارك الله فيك اختي و عندك حق هكذا خير الواحد ينوع باه مايكرهش من البوراك بالبطاطا و اللحم المرحي
ان شخصيا ندير بوراك بالسردين تاع العلب مع البطاطة -حبة وحدة فقط باه ما يروحش ذوق السردين يحي رؤعة خصوصا اذا زدتيلو شوية زيتون اخضر مقطع دواءر
و صح رمضانكم

hadjira195 · 2013-07-09, 17:13

بارك الله فيك

wiwi la blande · 2013-07-09, 17:23

chokran 3la madjhoud okhti saha ramdankoum

شهرزاد24 · 2013-07-09, 17:23

بارك الله فيك
ان شاء الله نفيدكم بخبراتي في هذا المجال
في مشاركات اخرى
تقبلو مروري

الأمنيات · 2013-07-09, 19:40

طهراوي ياسين · 2013-07-09, 19:43

بارك الله فيك

yara djoumana · 2013-07-09, 20:30

سارةالتلمسانية · 2013-07-09, 20:32

ممممممممممممم يعطيك الصحة يا مدام راكي حسنتي الاختيار هههههههه بارك الله فيك حنونة

touta2010 · 2013-07-09, 20:50

444444444444444444444444444444444444444

minn · 2013-07-09, 20:55

بارك الله فيك

ريم الفلى · 2013-07-10, 11:00

وفيكم بارك الله الرجاء من كل وحدة فيكم تحط طريقتها في تحضير البوراك
وان شاء الله راني نزيد نحط وصفات اخرى

اغادير · 2013-07-10, 11:13

يعطيك الصحة، جات في وقتها

سليلة ذات النطاقين · 2013-07-10, 11:16

اقتباس:

المشاركة الأصلية كتبت بواسطة ام لمجد

بارك الله فيك اختي و عندك حق هكذا خير الواحد ينوع باه مايكرهش من البوراك بالبطاطا و اللحم المرحي
ان شخصيا ندير بوراك بالسردين تاع العلب مع البطاطة -حبة وحدة فقط باه ما يروحش ذوق السردين يحي رؤعة خصوصا اذا زدتيلو شوية زيتون اخضر مقطع دواءر
و صح رمضانكم

احنا ثاني نديروه كيما قولتي