عــــــــــــــــاجل

[fouad40]

بعد ان اطلعتكم على مشكلتي في موضوع سابق واليوم سوف اخبركم ماذا فعل بي المدير والمقتصد
اليوم صباحا عند دخولي للثانوية وجدت المدير فقال لي اريد ان اتحدث معك في موضوع يخصك
فذهبنا الى مكتبه،تخيلوا اول كلمة قال لي لكي تعرفوا يا اخواني بلي رانا محقورين بزاف بزاف قال لي
انت تعمل في اطار الادماج المهني وقمت بعمل كبير من اجل تنصيب شبكة الانترنت وبشهادة جميع عمال الثانوية
فشكرا لك كثيرا،ولكن يوجد اشكال ان المقتصد طلب بأن لايراك مرة ثانية في الثانوية فقلت له لماذا،فقال عندوا اكتاف اوخاف ايجي مفتش المالية ولا انتاع الادارة اوتهدر امعاه اودرلوا مشاكل واذا درتلوا ليه حتى انا توقعني في المشاكل،انا اندبر عليك شوف بلاصة خلاف تخدم فيها خير من لبلاصة هذي،فقلت له شهادتي ومستواي افضل من شهاذتك انت والمقتصد
انا طلبت حقي وانت تقولي هكذا فحاول تهذئتي فقال لي بأن المقتصد دار فاتورة اوفوتها راك رايح تباصينا كامل اعلى وجه ربي اسكت قلبتها عليه اولميت كل الطاقم الاداري وممثل الاساتذة اوقلتلهم واش كان اوتظامنوا معايا كامل اوكي ادخلنا كامل على مكتب المدير هدروا اوقالولوا بلي انا تعبت بزاف اوكامل شاهدين قدام ربي بلي راهوا تعب اومشاها اوعلاه تكلوا حقوا اوتزيدوا اتحوزوه اوتحقرؤوه،اوتبدل وجه المدير خلاص مقالش كلمة اوقال كلمة واحدة المقتصد فقال لم ممثل الاساتذة انت هو المدير ولا هو؟ قال انا قالولوا اتحمل المسؤولية اذا،فقال خلاص ضرك نفري القضية فقام بالاعتذار لي امام جميع الموظفين ولكن المقتصد سباب المشاكل لم يظهر؟ولا ادري ماذا افعل لاني معنويا جدا منهار

[amine eco]

يا أخي عندك فمك وتقدر تسمعهم ما لا يرضون

[بنت تاجنانت]

كارثة صراتلك كيما انا
انا تاني نخدم في اطار عقود ما قبل التشغيل السمانة لي فاتت كاينة وحدة مراقبة مرسمة هزتلي لعصى وقالتلي برا مانسحقس تا لانام يديو غير في دراهم لحرام برا براا
المهم المدير يعرفها مليح كي جا هددها برفع تقرير ضدها كون تعاود الخدمة هاذي
والله رانا محقورين تا الصح ربي يفرج علينا يا ربي

[akram 13]

يا اخي وكل عليهم ربي اولا و قبل كل شئ.كما انني انصحك لتبقي بمنصبك و تعمل بصفة عادية ولا تبالي لا لاقوالهم او افعالهم اما بالنسبة لهذا المقتصد واش يكون و واش حاب يعمل ب كتافه اصلا هو راه ياكل في الزقوم لانه باين بانه وضف بهدو لكتاف ليراه يخوف بهم الناس .الجزائر ماهيش ملكه او ملك للمدير الجزائر ملك للجميع و انت واحد من الجميع و هذان العاملان و الله و باقي الشهداء لوكان رهم شنقوهم لانهم حاسبين هما جابوا الاستقلال يخدموا و يحوزوا كما يحبوا والا كاش ما قالولك افضح كل شيء و رايح انت لتنتصر باذن الله

[غليزاني 26 سنة]

هههههه
و علاه مين يكةن احتجاج ما توقفوش معانا ببساطة شعب يحب الدل

[didine30]

اين هم الرجال انا خريج علوم سياسية وأريد الأستثمار في مجال الصناعة ولن اطاطئ راسي لهؤاء اطمح الأكون رجل اعمال
سوف هم من يطؤطؤون رؤوسهم ومن ثم اسستطيع ان افعل ماشاء بهم من يملك المال يملك السلطة اصبح قانون الغاب هو الذي سائد الأن اعرف اصحاب لنام كم هم مظلومين

[didine30]

كم من مدير ثانوية ومدرسة علمته خباي الكمبيوتر والأنترنت لقد وجتهم يجهلون هذا العلم لكن لايهم الأني لست اعمل عندهم
بل من اجل العلم فعلت ذالك لكن سوف ياتي اليوم

[yacine-08]

اخي الكريم

انا لديا شهادة اعلام آلي بالاضافة الى شهادة في التسيير

لكنني لا اشتغل شيئ خاص بالاعلام آلي بالرغم من علمي به

هناك مهندس في الاعلام آلي هو المكلف بدلك وادا لم يأتي لكي يقوم بعمله

كل شخص لديه مهامه و وظيفته فلا تضع نفسك في مكان غير مكانك .

[سندريلا SF]

نقولك حاجة هادوما راهم عندهم عقدة اسمها جماعة ليسانس على خاطر رانا خير منهم 1000 مرة انت المهم بردت قلبك فيهم
ربي يكون معاك والعام راهو خلاص وانت ادا تقدر دير التحويل خير من الطرد مليون ونص خير من وجوههم
ربي يكون معاك خويا

[maghili]

فلا تستغرب فانت في خنشلة
ماعندنا والو عندنا الحبس الكبير وتم دعمه حديثا بفروع جديدة وعندنا لوزين نتاع السلاح وعندنا التماثيل الحجرية هبل ومناة والعزى والات ...
هل سمعتم بالشراكة مع الامارات لسيارات نمر الرباعية الدفع تم التوظيف ولم نسمع بمسابقة او ولد خنشلة توظف ؟
كان عندنا اكبر مصنع نتاع الخشب في افريقيا ؟ وين راح ؟ وين راحت الاف المناصب ؟
يرحم بوك الاف المتخرجين وين يروحو ؟
اما مديرية التربية فلا تستغرب فاسئل عن المدير وعن كيفية التوضيف ( لاداعي لذكر الاسماء
اما المير والمجلس الولائي و البلدي و الامين العام والامين الجزئي وكل من جاوره وتحته وفوقه فهم عبارة عن مجموعة من المقاولين واصحاب المقاولين واصحاب المصالح الضيقة اسئل على المشاريع كيف توزع !! اما السكن الاجتماعي لا تسال لان الامور واضحة

[maghili]

اي ثانوية من فضلك ؟ يمكن نقدرو نساعدوك

[-sidou-]

أنا كون نقوللكم المدير المؤسسة دابز معايا بدلت البلاصا خترش أنا كنت ديتاشي عنده ما صرالي والو مي حود خدامين عنده فسخلهم العقد و حبسهم صار هذا انسان مسلم و الله ما نظن حسبنا الله و نعم الوكيل

[lalib40]

المشاركة الأصلية كتبت بواسطة didine30

اين هم الرجال انا خريج علوم سياسية وأريد الأستثمار في مجال الصناعة ولن اطاطئ راسي لهؤاء اطمح الأكون رجل اعمال
سوف هم من يطؤطؤون رؤوسهم ومن ثم اسستطيع ان افعل ماشاء بهم من يملك المال يملك السلطة اصبح قانون الغاب هو الذي سائد الأن اعرف اصحاب لنام كم هم مظلومين

اعجبتنــــي ، لو كنت في مكانه لفضحت المدير والمقتصد واحدث ضجة كبيرة ، لان المقتصد سراق

[lalib40]

ارجو ان تذكر الثانوية التي تعمل بها

[dabour1]

اذا أعطيت شخصا فوق قدره فتأكد حتما من أنه سيضعك دون قدرك.......