مشوك معسل للغالية ميري روعة

my lamis · 2012-01-03, 11:14

هذا المشوك محطاتوش الأخت ميري مدتلي المقادير و جربتو و الله صدق معايا حتى طرت مالفرحة جربت شحال من روسات و دايما يتفشلي و هذا خرج روعة و بقى منفوخ و جاني خفيف
يا ميري الغالية نشالله راكي من أهل الجنة و ربي يطيلك ما تتمناي و نشالله حياتك قاع عسل في عسل
إليكم المقادير مع الطريقة بالصور
شوفي عزيزتي انا المشوك كي نعملو اتبع الخطوات التالية.
02 كيلات كاوكاو انا انفورو مع روح اللوز عادي فوق الماء كيما انفورو الطعام و يكزن بلا قشور و خليه ينشف في الظل .
1/2 كيلا سكر حرش
06 ملاعق كبار زبدة طرية
بيض نلمو بيه العجينة
02 ملاعق كبار فرينة
1/2 ملعقة صغيرة خمارة كيمياوية
عسيلة
التحضير:
على بالي راكي تتسألين علاش فورت الكوكاو ايه باش اجي فيه نكهة اللوز و تروح منه رائحة الكاوكاو + سكر حرش و ضعيه في الخلاط الكهربائي و ارحية جيدا جيدا .
بعد ذلك في قصعة ضعية + الخمارة + 06 ملاعق كبار زبدة طرية + 02 ملاعق كبار فرينة + روح اللوز و لميه بالبيض و البيضة تكون كاملة حتى تتحصلي على عجينة طرية و ليست يابسة تلتصق في الايدي.
من جهة اخرى تكوني موجدة كمية من الكاوكاو مرحي خشين قليلا، شكلي كريات و ضعيها في بياض البيض ثم مرريها في الكاوكاو الخشن و زينيها بحبة لوز او كاوكاو من فوق و ضعيها في الكيسات
ديريها تطيب لما تخرجيها عسليها بعسيلة باردة و خليها في الكيسات ديالها باش تشرب العسيلة و تجي طرية
وبصحتك حنونتي
انست انا كيلت بالغرفية الشربة هذيك الصغيرة تقطع حوالي 45 حبة

أنا كيمصبتش اللي يشريلي ليكيسات درتو في الطوابع و قلت و الله نشارك بيه ميهموش ليكيسات

جربوه و الله هايل و يصدق 100% نشالله ختي ميري تحطي الوصفة تاعك في قسم الحلويات

ام محمد ميدو · 2012-01-03, 11:24

الله يبارك على الشطارة

ما عندي ما نقول ضركة مانيش خايفة على وليدي

[url=https://www.rooo7i.net/smiles]

[/url

ام محمد78 · 2012-01-03, 11:28

روووووووووووعة بارك الله فيك
نفس طريقتي ولكن زدت تعلمت منك طريقة الكوكاو بنكهة اللوز
وكذلك الطريقة الي طيبي بيها المشوك في القوالب

my lamis · 2012-01-03, 11:57

اقتباس:

المشاركة الأصلية كتبت بواسطة ام محمد ميدو

الله يبارك على الشطارة

ما عندي ما نقول ضركة مانيش خايفة على وليدي

[url=https://www.rooo7i.net/smiles]

[/url

ربي ينور دنيتك كيما راكي تنوري كل مواضيعي مشكورة يا الغالية
و وليدك قاع متخافي عليه كيما مها كيما هي و بالاك كثر و حتى أنا منخافش عليها تزيد تتعلم الشطارة منك
قولي لوليدك يتشرط و يزيد

my lamis · 2012-01-03, 12:01

اقتباس:

المشاركة الأصلية كتبت بواسطة boughzoul

روووووووووووعة بارك الله فيك
نفس طريقتي ولكن زدت تعلمت منك طريقة الكوكاو بنكهة اللوز
وكذلك الطريقة الي طيبي بيها المشوك في القوالب

مشكورة على مرورك الكريم نورتي
يا ختي هذي يسموها ميري تبارك الله عليها
أما الطوابع أنا قلت تضحكو عليا كيدرتهم فيهم بصح صح خرجو شابين

islam1aya · 2012-01-03, 12:49

ماشاء الله على حنونتي ام لموسة اسمحيلي على الوصفة ما طتهالكش لاني كنت في دارنا ودفاتري في بيتي لكن نحطهالك عن قريب
وعجبتني كتنسبتي مع ام محمد وما قلتليش ما عرضتوناش للخطبة خفتي نا كلو بزاف القاطو
وانا اسلا م كيفاه انديرولو كداو لميس

my lamis · 2012-01-03, 13:22

اقتباس:

المشاركة الأصلية كتبت بواسطة islam1aya

ماشاء الله على حنونتي ام لموسة اسمحيلي على الوصفة ما طتهالكش لاني كنت في دارنا ودفاتري في بيتي لكن نحطهالك عن قريب
وعجبتني كتنسبتي مع ام محمد وما قلتليش ما عرضتوناش للخطبة خفتي نا كلو بزاف القاطو
وانا اسلا م كيفاه انديرولو كداو لميس

يا الغالية قاع متقولي إسمحيلي و الله عادي و غير مديلي الطريقة تاعك ماني نخلي والو نجرب كلشي هذا قاع الزعاف اللي مكانش يصدقلي و كان نصيب ندي قاع الوصفات
راكي عرفتيها حنا درناها قدنا و نتوما ماشاء الله
يا سيدي نجيب طفلة زاوجة و نخليها علاجالو بصح لازم تقلشيها كيما راها مقلشتها أم ميدو راها قابلتها حتى برقادها تاع الصباح

أمـــــــــــــــيرة · 2012-01-04, 09:38

هاااااااايل

ما شاء الله عليك أختي أم لميس

بارك الله فيك

my lamis · 2012-01-04, 11:06

اقتباس:

المشاركة الأصلية كتبت بواسطة أمـــــــــــــــيرة

هاااااااايل

ما شاء الله عليك أختي أم لميس

بارك الله فيك

و فيكك بارك الله
ربي ينور دربك كيما راكي تنوري مواضيعي مشكورة على المرور العطر

نصيرة أمي الحبيبة · 2012-01-04, 13:14

جاك هايل شاطرة راني درتو في قائمة الانتظار هههههههه

my lamis · 2012-01-04, 14:13

اقتباس:

المشاركة الأصلية كتبت بواسطة نصيرة أمي الحبيبة

جاك هايل شاطرة راني درتو في قائمة الانتظار هههههههه

نورتي بمرورك العطر مشكورة يا الشطورة أيا حتى أنا راني في إنتظار تطبيقك و نشالله يعجبك

miri_27 · 2012-01-04, 18:17

تسلم إيديك عزيزتي و الله حتى لليوم باه فرغت كنت مشغولة جدا يسلمو إيديك و بارك الله فيك و سلامي الى لميس

my lamis · 2012-01-04, 18:49

اقتباس:

المشاركة الأصلية كتبت بواسطة miri_27

تسلم إيديك عزيزتي و الله حتى لليوم باه فرغت كنت مشغولة جدا يسلمو إيديك و بارك الله فيك و سلامي الى لميس

عالسلامة والله توحشت حسك نشالله اللي شغلاتك خير و أمي الغالية ياك راها مليحة سلميلي عليها بزاف بزاف و قوليلها قاتلك أم لميس تهلاينا بدعاوي الخير لميري الغالية راها رايحة تشرف بيك عند أهل زوجها و يحطوك فالقلب و العين نشالله و ربي نشالله قاع ميغبنك و الله يا ميري دعيتلك كثر من هاذو كيفرحتيني بلاروسات اللي نجحتلي كيما شفتي حتى خويا فرح معايا و قالي يا سيدي من ضوكا ناكلو مشوك بالشان و قالي سلمي على مولات الوصفة و قوليلها بارك الله فيك و الله حتى فالدار دعاولك
سلام لميس وصل و هي تبعثلك كثر من سلام

جيجلية · 2012-01-05, 08:11

ما شاء الله الله يبارك ويزيد

مواضيعك كلها تححححححححححفة

my lamis · 2012-01-05, 09:35

اقتباس:

المشاركة الأصلية كتبت بواسطة جيجلية

ما شاء الله الله يبارك ويزيد

مواضيعك كلها تححححححححححفة

يبارك فيك ختي لعزيزة و نتي اللي تحفة تحفتي موضوعي بمرورك الكريم و مشكورة على المرور و على الكلام العسل