تطبيقي لخبز الدار نتاع سيرينا لبنينا

[إلهام07]

السلام عليكن يا حراير ، وأخيرا تعلمت طريقة إدراج الصور و رايحة نحط تطبيقاتي و إن شاء الله مواضيع كثيرة

تفضلو شوفو تطبيقي لخبز الدار نتاع سيرينا لبنينة ،أنا أول مرة درتو خبز دار ،الإضافة الوحيدة اللي درتها أنني أضفت حوالي 4 ملاعق سميد ( لأن الوصفة بالفرينة ) و لما نجحت فيها نجاح مبهر عاودت درتو و لكن المرة الثانية درتو بريوش ( يعني حطيت حوالي 4 ملاعق سكر ) و دهنتهاالبريوش بالبيض + عسل .
كل مرة ندير بريوش محشي بالشكلاطة ، أخواتي ياكلو الشكلاطة اللي في الوسط و يرميو العجين ، هذي المرة فكرت في حيلة و غلبتهم ، قسمت العجين على 2 و جبت 2 علب شكلاطة و برشتهم في la rape ( السكرفاج ) ، ثم طرحت العجينة الأولى و حطيت الشكلاطة مثل ما هو موضح في الصورة :

ثم طرحت العجينة الثانية على قطعة بلاستيكية مدهونة بشوية زيت ( استعملت كيس بلاستيكي ) و هزيت الكيس باش يجيني ساهل و حطيت العجين الثانية فوق الأولى و أغلقت الأطراف جيدا و عدلتها مليح و دهنتها و خرجت تحفة :



في ظرف نصف ساعة هذي الخبزة اختفت هههه قضاو عليها كليا مابقات حتى فتفوتة ههههههه
هذا رابط الموضوع اللي حبت تجرب الوصفة والله أكثر من رائعة عمري ما شفت خبز أخف منو :
https://www.djelfa.info/vb/showthread.php?t=874112


تحياتي للجميع