السلام عليكم جميعا
ما نعرف لكان هذو مشاكل و لا لالا و لكن حابتكم تدبرو عليا الحاجة الاولى اني مغتربة و عايشة مع زوجي و اولادي و عندي صديقة متزوجة هي الاخرى و كبيرة بزاف عليا في السن يعني اولادها تقريبا قدي و بحكم الغربة تعرفو ماكانش بزاف جزايريات صرنا صديقتين المهم مشكلتي معاها انها و بعد انتقالي لمدينة اخرى رجعت تجي تزورني و تبات عندي من دون علم زوجها لي هو كثير السفر الصح راجلي تقلق بزاف من هاذ الحكاية مع انو يحترمها بزاف و هي ساعدتنا بزاف كي كنا جداد و درك راني حايرة كيفاش ندير مع العلم انو راجلي مستحيل يقولها حاجة هو رافض انها تجي و تبات بدون علم راجلها و زيد قالي مش مليح تجي لدار واحد غريب عليها و تبات من فظلكم ماكان لاه تجرحو فيها لانو ربي اعلم بيها و بظروفها لي خلاتها تمشي مئات الاميال و تجي عندي برك باش تنحي على خاطرها مع العلم انو راجلها حارمها من الناس و من الهبطة للجزاير يعني مرات نقول يمكن عندها حق تدير حوايج منوراه لكن حابتكم تدبرو عليا بلاكش حرام علينا هذا الوضع
الحاجة الثانية سلفي او اخ راجلي جايح بزاف بزاف و كل ما نبعثو دراهم لعجوزتي يديهملها سواء باش يصرف لانو مش خدام و لا باش تفكو من المشاكل لي يحط روحو فيها الصح حنا بدينا نتقلقو من هذا الوضع نلموهم و نبعثوهم لخاوتو اليتامى باش يقراو و ياكلو و يعاون بيهم امو و هو راه يفسد فيهم راجلي كان رايح يمد لامو هاذ السمانة و لكن كي كلمها قالتلو بلي خوه عندو مشكلة و لازمو دراهم بطل و اجلها حتى مرة اخرى و انا قلتلو مدهملها على الاقل باش هي ترتاح لانها كل مرة تمرض مسكينة لكن راجلي قالي خويا راه والف كل ما يحصل يلقى شكون يفكو هاذ المرة نخليه يدبر راسو واش رايكم و كيفاش نقنع راجلي بلي الام هي لي رايحة تتضر كي يصرالو كاش حاجة و الله راني شفتها كي رحت اخر مرة ترجع ما تاكل ما تشرب دبرو عليا و جزاكم الله خيرا
( تقرير عن مشاركة سيئة )، و الموجودة أسفل كل مشاركة .
2013-04-20, 03:30
دبرو عليا جزاكم الله خيرا
العرض المتطور
