مشكلة + طلب

مشكلتي · 2013-04-20, 10:45

السلام عليكم و رحمة الله وبركاته
إخواني أخواتي أعضاء و زوار منتديات الجلفة
شكون لي علابالو بطبيب جيد في البواسير .............. و الله كرهت حياتي منها و الحمد لله هاذا المرض الملعون جاني في رمضان العام لي فات و راكم علابالكم السخانة بزاف و أنا كثرت من شرب القازوز حتان مرضت و زرت الف طبيب و خسرت دراهم و بلا فايدة انا درك نحوس على عملية ولا العملية نتاع الليزر أو الربط المطاطي المهم لي يعرف عنوان كاش طبيب مختص يديرو في رد و إن أمكن رقم اهاتف و أجر الله على الجميع

mira mira02 · 2013-04-20, 13:37

ربي يشافيك ان شاء الله

imane-2020 · 2013-04-20, 13:43

منين انتي من أي ولاية

ابراهيم داود · 2013-04-20, 14:01

النظام الغذائي أيضا يلعب دورا في هذا المرض

sali-sali · 2013-04-20, 15:35

ربي يشافيك
ان شاء الله الاعضاء يفيدوك

موج و صخر · 2013-04-20, 16:48

الله يشفيك عاجلا غير اجلا

اخي انا سمعت و الله اعلم انه مهما تعمل العمليه يرجعوا يخلفوا و خاصة
إذا لم تعتني بنظام اكل معين : تكثر من الماء و السوائل
و الخضر التي تحتوي على الالياف.

عموما انت قلت ان لك مدة عام و انت بهم ، يعني كون غير تشوف دواء عرب احسن ، و الله المستعان

mitrochka · 2013-04-20, 17:16

أشربي الكثير من السوائل
كلي الكثير من الخضروات

و روحي شوفي طبيب للعلاج
التوتر يزيد في المشكلة

zima2012zima · 2013-04-20, 17:36

ربي يفتح عليك

ايلول20 · 2013-04-20, 17:45

ربي يشافيك عذرا لا اعرف اي طبيب جيد

melissa lola · 2013-04-20, 18:59

السلام عليكم اخي او أختي صاحب المشكلة دخلت لافيدك ولو بالقليل نظرا لما عانيته وما أعانيه لحد الان من هذا المرض الذي فرض علي نظاما غذائيا محددا ولو أهملته ليوم او اثنين فساعاني لأسبوع او اكثر الحل هو الابتعاد عن الحلويات بكل أنواعها خاصة التي تحتوي الشكولاطة ياغورت الشكولاطة الأكل الذي يحتوي على بهارأت كثيرة كالشورما مثلا المقلي وأكل برا القازوز الحار وعليك بشرب الماء كثيرا والإكثار من الألياف الموجودة في الخضر و الفواكه فحبة تفاح مثلا في اليوم كفيلة بان تلين الفضلات اعز كم الله ونصيحة عن تجربة دهن المنطقة التي بها البواسير متدلية بقليل من زيت الزيتون كل ما تروحي المرحاض اعز كم الله أدهني بزيت الزيتون ورديلي الخبر كما ان المرحاض اعز كم الله يلعب دور فالمرحاض الانكليزي الكرسي يزيد من حدة البواسير عكس الأرضي ارجوا ان اكون أفدت ولو بالقليل وتاكدي باننا نستطيع التحكم في الامراض التي تصيبنا او على الاقل التخفيف من حدتها بترك مايضرنا اي نتحكموا في نوعية الأكل إنتاعنا الله يشافيك

الأمنيات · 2013-04-20, 19:23

انا نعرف اكبر عدو للبواسي هو الامساك اذا كنتي تعاني منه عالجيه اولا هذا عن تجربه اختي
وايضا التوابل الحارة مضره واكثري شرب الماء خاصة في الصباح الباكر ماء دافئ عن تجربه يا اختي راني نحكيلك
علما ان الكثير يظن ان البواسير تحب تكمديها بالساخن لا لا
بل الماء البارد جداااااااااااااااااااا جربيها ديري pommade anusol
راها مفيدة بصح رطبيها بزيت زيتون قبل الاستعمال وربي يشفيك

izal amine · 2013-04-20, 22:53

استعمل زيت احبة البركة كدهن لعدة مرات في اليوم وسترى النتيجة

djfr · 2013-04-20, 23:30

رب يشافيك
.............

TOKYO · 2013-04-22, 00:51

صبت روحي مليح و راني نطبق هكدا
كثري من اكل العدس و اللوبيا
كثري من مشي و ممارسة رياضة جري
بعدي قعاد فوق كرسي للمدة طويلة و استرخي و رقدي في فراشك احسن
بعدي عن شرب قهوة كحلة و قازوز و حار
كثري من اكل سلطة في كل واجبة يلزم تكون
اكثار من خضروات
بعدي عن الجبن و حليب و مشتقاته و شيكولا
كتري من شرب ماء
اغتسال بالصابون
اكبر حاجة لي تزيد منهم هو استعمال فلفل لكحل في اكل بعدي عليه قدر ما تقدري
طماطيش نفس شي بعد عليها
نقسي من اكل مقلي
بعدي عن اكل هريسة و اكل من محلات في خارج
وربي يجب شفاء ان شاء الله

*أم كوثر* · 2013-04-22, 11:26

السلامعليكم
افضل دواء للبواسير هو القطران
ديريه في قطعة قطن نظيفةوادهني بيه كامل المنطقة وهو يحرق قليلا في البداية
ديريه ليلا وفي الصباح نظفي المنطقة
وفي الليل عاودي وهكدا رح تشوفي الفرق بادن الله