بالله عليكم من منا غير طبيعي ؟ - 2 -

[مشكلتي]

بداية السلام عليكم و رحمة الله
بداية لانه واجب عليا و حق لكم مني لكل الشكر للي رد عليا و سامحوني على الزعاج
نعرف انو من الحمق انو نسالكم على شخص ما تعرفوشو لكن سؤالي على واش شايفين مثلو من واقعكم لأني عجزت نخمم و ســؤالي تــرجي لكل رجــل لو أختك قاتلك اللي حكيتو هـنا ** بالله عليكم من منا غير طبيعي ؟ ** و اللي راح نحكيه درك واش تقوللها ؟؟ واش هو الاحتمال لي راه يدير فيه هذا الخطيب ؟؟
لعلمكم اخي الوحيد خارج الوطن المفروض يحضر بعد شهرين للحضور لعرسي و فعلا تشجعت و خبرتو بعض الامور احتار و لامني على سكوتي و أنا فعلا خفت نهدر نكتشف حاجة تبعدو عليا لكن الامور فاتت حدها
المهم أنا صارحت خطيبي و كالعادة حاول يتهرب لكن واجهتو بالادلة
قالي عندك حق و كان غير يخمم سألتو اذا واثق فيا قالي راح نحكيلك :
على قولو من مدة طويلة تعرف على فتاة خارجة على الطريق خلاص و هو رجعها للصواب و منعها من عاداتها السيئة لكن مرة عرف لي راها مع واحد آخر ضربها و هي جات لدار والدو هو دخل بعضاه قدام عايلتو و هي غير تبكي و تدعي عليه ؟؟؟؟؟
لعنت الشيطان و قلت بالاك معقد خاصة انو معايا محافظ عليا و قلت نوقف معاه
اتصل بيا و قال راني رايح لولاية اخرى بعد يومين تابع العمل قتلو ربي يسهل خاصة عمرو ما يحكي على خدمتو فرحت قلت هداه ربي أكدلي انو رايح بسيارة الخدمة ماشي سيارتو احترت واش الفرق مي قلت انا ثاني ما كلاه نوسوس كلشي و عادي
بنفس اليوم اللي راح فيه شاءت الصدف نروح مع اختي و زوجها لطبيب خارج الولاية و للأسف تلاقينا مع المغرب كنت نسيت الحكاية و احنا الزوج داخلين الولاية راح بسيارتو معاه 2 صحابو اقسم بالله قلبي حسيتو وقف حتى هادي كدب و علاه راه يأكدلي و يعاود وحدو بلا ما سألتو ؟؟؟ و كي سألتو قالي آه راني نحكي على يوم من قبل فهمتيني غالط ؟؟
حسيت اني مجنونة أو فعلا راح يصيبني فقدان الذاكرة خاصة دايما يغلطني في روحي ؟؟؟؟
قلت ماعليش راح حنين معايا و فوق ما تتصورو و بالاك انا غالطة
اتصل بفجأة و قالي راني رايح لمدينة بعيدة -- يفرودي -- راح نجيبلك كادو قتلو لا لا ماتكلفش روحك يكفي تفكرتني حلف و اصر قتلو ربي يسهل طرت من الفرحة و قلت و أخيرا تغير معايا راح و جا و تلاقيتو و نسا و فاتت ليام ما تفكرش حتى لي قالي و هو لي اصر
ما يهمنيش الكادو لكن عندو حالة نسيان غير طبيعية و اللي يخليني نسكت عليه من مدة هو عندو قلقة فوق ما تتصورو لداخل

بالله عليكم يا اخـوتي نـعرفكم بالصراحة يا ريت الرجال ما يتهربوش من الاجابة اعتبرو اختكم سألتكم و هدا ما يغنيش اني محتاجة لراي لبنات الكل
نعرف حكايتي طويلة لكن لوجه الله قارنو اللي قلتو في الموضوع السابق و هنا و جـاوبوني
دعائي لكم بكل الخير مسبقا

[sengra]

السلام عليكم
صراحة أختي الكريمة موضوعك لم و لن يفهمه الا أنت. و أنت من تعرفين حالتك جيدا أحسن منا. من خلال ماقلته و كتبته يظهر أنه هو انسان غير طبيعي فلماذا الكذب؟ ولماذا الاصرار على شيء ولا يوفي به؟ أنصحك باعادة التفكير فيه و السؤال عنه جيدا قبل الارتباط به.
و هذا يقوم به احد من أهلك أبوك او اخوتك و يكون في السر و يبحث عن أصدقائه و كيف أخلاقهم و مع من يمشي فالمثل يقول قل لي من صديقك أقول لك من أنت.
وفقك الله

[muslimone]

أعتقد أنك تعبانة نفسيا وهو الله أعلم فالظاهر من كلامك أنك تكتبين وتحاولين ذكر كل شيء ولكن من كثرة قلقك لن يفهم هذا الكلام إلا من يعرف القصة من أولها إلى آخرها لاحظي أختاه كان يعرف وحدة مش مليحة، ثم راح بسيارته الخاصة ثم الكادو هي فالحقيقة ممكن ماقالكش على السيارةباش ما تشكيش وما توسوسيش روحك إضافة للكادو أكيد ينسى هذا أمر عادي لأنو كامل الناس تنسى وحتى أغلى الناس ممكن ننساوهم ديري روحك في بلاسته ممكن مثلا تنساي حاجة قالك باباك ديريها ولا قاتلك يماك جيبيلي حاجة ونسيتيها يعني النسيان وارد أما قصة دخل في بعضاه ويعرف وحدة ما فهمتهاش مليح ولكن استهدي بالله واوزني الأمور بعقلك لربما أنت تكوني ظالمته ولربما هو يكون ظالمك ولكن إذا راكي حابة جواب على ظاهرة النسيان والوسواس تقريبا جل الناس يعانوا منها الله الموفق وربي يفرج عليك وعلينا

[/زهرة عصفور الجنة/]

اظنه غير طبيعي ويريد هلوستكي هناك امر غير طبيعي وواضح.صراحة ان كنت مكانكي لن اقبل ان اغامر

[صالح القسنطيني]

السلام عليك

اخية و الله لم افهم كلامك و كانك تكتبين غير مرتاحة او خائفة

حاولي ان تبسطي قصتك بكلام مفهوم و متسلسل و مربوط

[* الحلم سكر *]

بكل صراحة انا اللي حيرني في موضوعك الاول ** حكاية غرفة في محل لا أعتقد عادي خاصة عندو سيارة و قريب من منزل اهلة ؟؟ ** و مخبي انو عندو دار أو اكثر ؟؟
** أختي حكاية السفر و الكذب عـــلاه ؟؟؟ ** قال مسافر بسيارتي عادي علاه الكذب ؟؟؟
** و بصراحة ثاني حكاية الكادو ممكن فعلا نسى او مشغول لكن انو هو اللي اصر و يحلف غريبة ؟؟؟
كأنو كاين حاجة ممكن الرجال فعلا يفهموها أكثر و ممكن يفهمها غير هو ؟؟؟
في كل الحالات حافظي على عقلك لأنو واضح انك مضطربة خمي مليح مليح قبل خطوة اكبر
و ربـــي مـــعاك

[mitrochka]

بسم الله و الحمد لله و الصلاة و السلام على سيدنا محمد
قرأت مشاركتك الأولى صدقا من خلال ما كتبت قرأت بعض الامور
لكن مع ما ذكرت هنا يبدو في الأمر اكثر من إن

على كل أولا إستعيني بالله العلي العظيم هو القادر أن يكشف لك ما الحقيقة و يوجهك غلى الصواب
ثانيا لا تشكي في تصرفاتك لأنه من خلال ما ذكرت و كأني أحسست أنه يحاول أن يجعلك تشكين في ما ترين من حقائق و هذا إن إسثقر فيك سيؤدي بك إلى الشك في نقسك و بالتالي فقدان الثقة في نفسك و هو أسوء شيء

و دائما أكثري من صلاة الإستخارة و الدعاء و من صدقة السر بنية أن يرفع عنك الله هذا الهم
و مهما كانت النتيجة انها من عند الله خير
وفقك الله إلى ما يحب و يرضاه لك

[سميحة.لد]

اختي ادا راح تكملي بحالتك هادي انتي الخسرانه ماشي هو ........

حاولي تتكلمي معاه بهدوء وتعرفي واش الي يخليه ديمه في حالة قلق رح تعرفي علاه راه يكدب .....
ادا كان محتاج لمساعدتك باه يخرج من هادي الحاله كوني معاه ....بصح ميدخلكش في بعضاك.....
وزيد نتي تاني بركي ماتكوني تحري في ادق التفاصيل........ بسطي الحياة وسهليها وايدا تاكدتي بلي انسان قولو غير فعلو ......غير متروحيش لقدام...

[طيبة نفس]

مازال الحال زيدي سقسي وصبري ما تقلقيش ما نقدروش نحكمو على الناس هاك لكن في حكايتك ان بلاك صح مليح معاك على خاطر راكو في فترة خطوبة وما حبش يضيع بنت فاميليا من يديه لكن الزواج عشرة وحياة ومسؤولية خلي خوك ولا باباك ولا اي واحد من العائلة يريح معاه و يسأل عليه ربي يجيب لي فيه الخير

[حزن بحر]

استخيري الله اعلم

[hadjira195]

المشاركة الأصلية كتبت بواسطة **أم محمد يحي**

اظنه غير طبيعي ويريد هلوستكي هناك امر غير طبيعي وواضح.صراحة ان كنت مكانكي لن اقبل ان اغامر

j ai le meme avis

[chic.lady]

الشيء اللي فهمتو أنه واحد فيكم غير طبيعي، إما أنت أو هو
اذا كنت انت طبيعية غيييير أخطيك من واحد ماشي طبيعي لأنهم راهم طبيعيين و مشاكلهم لا تعد و لا تحصى فما أدراك واحد ا عندوش كلمة (و كيما تعرفي حنا الجزائريين اللي ما عندوش كلمة ماشي راجل مع احتراماتي لكل الرجال (أنا أتحدث عن الرجال و ليس الذكور لأنه هناك فرق شااااسع بين الكلمتين)
و شدي في ربي سنحانو و ربي يجيب ساعة الخير

[hassain]

ربي يكون معاك و يسهلك ,صارحيه يا سيدي على الأقل يجاوبك و انت تريحي . مانقدروش نحكموا عليه هكدا بصح حكاية الكادو هي اللي صح تهبل .صدقيني نفس لحكاية صرات مع صديقة نعرفها .هذا خطيبها يحلف و يعاود قالها غير قوليلي وش نجيبلك راني حاب نهديلك كادو وهي تحلف و الله والو كي حشمت قاتلو خلاص كيما تحب .من هداك النهار ضرب النح كامل ما تفهمي والو .واش نقدر نقولك ختي زيدي عاشريه و سييه العشرة تبين و ربي ان شاء الله يجيبلك اللي فيه الخير و كوني فاطنة مع روحك .يقولك اللي ينسى بزاف هو اللي يكدب بزاف .رانا ندعولك ربي معاك.

[جمال الدين الأفغاني]

السلام عليكم

الله أعلم وحسب ما تروينه من تفاصيل حكايتك

هناك ما يدعو للريبة ومشلتك انك لا تستطيعين التاكد من شكوكك حوله لانه لو كان

عندك اخ او يستطيع والدك ان يعتمد على من يتقصى حقيقته وما يفعله ويخفيه عنك

لحلت المشكلة لكنك بحكم انك كل ما تستنجينه ليس الا مما يقوله هو لك هنا الاشكال

الامر صعب والغاية دائما هي إصلاح العلاقات ومحاولة لأقصى حد أن لا تنتهي بالفراق

لكن في قصتك هذه لا ارى ما يساعدنا على التقريب بينك وبين خطيبك خصوصا

أن يكذب ويفعل عكس ما يخبرك به فالعلاقات التي بغرض بناء بيت تبنى على الصدق والصراحة

ولا تبنى على الشك والأكاذيب أبدا بل تصبح حينها كبيت العنكبوت اول ريح تأتيه تدمره ولا تبقي فيه

لذلك استخيري وألحي على ربك أن يبصرك بحقيقته وحاولي أن تصلي لحقيقته باي طريقة

وإن شاء الله إن كان خيرا لك نسأل الله أن يوفق ينكما وإن كان شرا لك نسأله تعالى أن يبعده عنك

وبعدك عنه ويعوضك خيرا منه اللهم آمين

[yousra14]

المشاركة الأصلية كتبت بواسطة جمال الدين الأفغاني

السلام عليكم

الله أعلم وحسب ما تروينه من تفاصيل حكايتك

هناك ما يدعو للريبة ومشلتك انك لا تستطيعين التاكد من شكوكك حوله لانه لو كان

عندك اخ او يستطيع والدك ان يعتمد على من يتقصى حقيقته وما يفعله ويخفيه عنك

لحلت المشكلة لكنك بحكم انك كل ما تستنجينه ليس الا مما يقوله هو لك هنا الاشكال

الامر صعب والغاية دائما هي إصلاح العلاقات ومحاولة لأقصى حد أن لا تنتهي بالفراق

لكن في قصتك هذه لا ارى ما يساعدنا على التقريب بينك وبين خطيبك خصوصا

أن يكذب ويفعل عكس ما يخبرك به فالعلاقات التي بغرض بناء بيت تبنى على الصدق والصراحة

ولا تبنى على الشك والأكاذيب أبدا بل تصبح حينها كبيت العنكبوت اول ريح تأتيه تدمره ولا تبقي فيه

لذلك استخيري وألحي على ربك أن يبصرك بحقيقته وحاولي أن تصلي لحقيقته باي طريقة

وإن شاء الله إن كان خيرا لك نسأل الله أن يوفق ينكما وإن كان شرا لك نسأله تعالى أن يبعده عنك

وبعدك عنه ويعوضك خيرا منه اللهم آمين

اشارك الاخ نفس الراي طبعا بعد اذنه