سؤال الى fella food art والى كل العضوات

راوية1 · 2013-01-12, 22:52

السلام عليكم حبيت نسقسيك فلة علاش لما تستعملي العجينة المورقة تشمخي صينية الفرن وماتدهنيهاش وما تديريلهاش الفرينة .كيفاش ما تلصقش العجينة انتظر الرد من كل وحدة تعرف وشكرا.......

nousa 06 · 2013-01-12, 23:45

لالا اختي ماتلصقش لاننا راح ندخل السينية في فرن مسخن من قبل وبالتالي هاذاك الماء اللي في السينية راح يتولد عنه بخار وهذاك البخار هو اللي راح يعاون العجين باه تطلع وتتورق بصح كي ندهن السينية بمادة دهنية راح تسخن هاذيك المادة بسرعة وراح يحمار وجه العجين بسرعة وبالتالي ماتاخذش وقت كافي في الطياب يعني ماطيبش مليح وتجيك هابطة ماشي مليحة

choumicha · 2013-01-12, 23:51

الماء هو اللي يساعد العجينة المورقة باش تطلع وزيد العجينة راه فيها الزبدة بزاف مارحش تلصق
هذا والله أعلم

oum anas 69 · 2013-01-13, 01:17

اقتباس:

المشاركة الأصلية كتبت بواسطة راوية1

السلام عليكم حبيت نسقسيك فلة علاش لما تستعملي العجينة المورقة تشمخي صينية الفرن وماتدهنيهاش وما تديريلهاش الفرينة .كيفاش ما تلصقش العجينة انتظر الرد من كل وحدة تعرف وشكرا.......

لالا اختي ما عمرك ما تدهني الصينية للعجينة المورقة لان فيها كمية كبيرة نتاع الزبدة
يعني مستحيل تلصق كي يكون البلاطو من النوع الجيد انا شخصيا نستعمل ورق الطهي باش تجيني خدمتي نظيفة
اما بالنسبة للماء نروشوه في الصينية باش يساعد العجين باش يتورق لان كيما تعرفي العجينة المورقة تتكون من طبقات الزبدة والفرينة هداك الماء كي يسخن راح يولد بخار و هدا البخار راح يساعد و يخلي العجين تنتفخ و تتورق مليح
بصح ماشي شرط لازم لان رايحة مع الوقت و الممارسة تكوني خبيرة فيها
خطرش الي عندهم خبرة سنوات فيها ميستعملوش الماء كيما اصحاب المحلات و شكرا

أم ماجد · 2013-01-13, 09:05

ان مجربتها الماء يساعد على الانتفاخ

fella food art · 2013-01-13, 14:44

مرحبا
الماء يتبخر و البخار يدخل في العجينة علا هاديك تنتفخ ماتدهنيهاش خاطرش هي اصلا معمرا زبدة كي دخليها للكوشة الزبدة تذوب و كي ديري الماء ماشي بزاااااااف شلي السنيوا قبل ماتحطي العجينة
ان شاء الله تكوني فهمتي
شكرا

راوية1 · 2013-01-13, 18:32

شكرا لك فلة والى كل العضوات ................