ضروري نصيحة لوجه الله .. رايحة نهبل

[المتفائلة7]

السلام عليكم ورحمة الله وبركاته..

عندي مشكلة راهي تاكل في راسي ان شاء الله تنصحوني..

مشكلتي هي انه انا من صغري حتى لمرحلة الثانوية وانا متحفظة وعمري ما غلطت وكان الكل يشكر فيا.. ولما وصلت للجامعة حسبت روحي كبرت ونقدر نتصرف كيما نحب.. دار بيا واحد كان جاد معايا فرجعت نخرج معاه لكن هو كان خفيف بزاف وكان ياخدني اماكن شوية عيانة تسما غلطت معاه (....... الخ) امام الناس اللي كانوا يروحوا لهدوك الأماكن.. مكنتش واعية لتصرفاتي فهداك الوقت.. كي حب يجي يخطبني ماما رفضاته وفتحتلي عيني عليه وكان معاها حق لانه كان انسان خفيف بزاف ..تسما غير كملت الجامعة تركته .. ندمت بزاف اللي غلطت معاه وانا بنت فاميلية وكلخلي راني بزاف ندمانة..والمشكلة كاين واحد آخر حب يخطبني وسقساني ادا عرفت من قبل قلت له لا أبدا حشمت نخبره وانا والله غير ندمت وداخلي بنت فاميلية وتكلختلي قلت راني لقيت مكتوبي ولكن كنت غالطة تماما..

ودوك هدا لي تقدملي لازم نصارحوا بالماضي ديالي؟؟ نصارحوا يخليني أكيد . موالف يقول لي راني فرحان كي راني مع بنت فاميلية.. تحكمني الدمعة نحس خدعتوا. وقال لي انه راح يسقسي عليا ويجبد الماضي ديالي ..خفت يكتشف الماضي ديالي ونخسره..

في رأيكم واش ندير؟؟ خلاص يعني توسخوا كوارطي؟ نرفض كل اللي يتقدمولي علاجال غلطت؟؟

بصح انا نعرف بنات من صغرهم وهما يغلطوا وراهم مزوجين وانا غلطت خطرة في حياتي وندمت وراني غير نخمم تلفتلي..

انصحوني لوجه الله

[the flower girl]

السلام عليكم اختي أنا في رايي استري على روحك ما دام ستر عليك ربي سبحانو ومادام راكي ندمانة وصفيتي نيتك مع ربي سبحانو رايح يعاونك وبلاك ربي سبحانو قبل توبتك ما دام بعثلك واحد ولد فاميليا يخطبك هذا رايي وانت دبري راسك وما تنسايش تدعي لربي يغفرلك ويعاونك وفقك الله اخيتي

[djeriou]

إياك أن تخبريه و إلا ستندمين، سترك ربي الكريم فاستري نفسك، انسي ما بدر منك، استغفري ربك، بارك الله فيك

[karimblida]

المشاركة الأصلية كتبت بواسطة سارة16

السلام عليكم ورحمة الله وبركاته..

عندي مشكلة راهي تاكل في راسي ان شاء الله تنصحوني..

مشكلتي هي انه انا من صغري حتى لمرحلة الثانوية وانا متحفظة وعمري ما غلطت وكان الكل يشكر فيا.. ولما وصلت للجامعة حسبت روحي كبرت ونقدر نتصرف كيما نحب.. دار بيا واحد كان جاد معايا فرجعت نخرج معاه لكن هو كان خفيف بزاف وكان ياخدني اماكن شوية عيانة تسما غلطت معاه (تعناق بوس ... الخ) امام الناس اللي كانوا يروحوا لهدوك الأماكن.. مكنتش واعية لتصرفاتي فهداك الوقت.. كي حب يجي يخطبني ماما رفضاته وفتحتلي عيني عليه وكان معاها حق لانه كان انسان خفيف بزاف ..تسما غير كملت الجامعة تركته .. ندمت بزاف اللي غلطت معاه وانا بنت فاميلية وكلخلي راني بزاف ندمانة..والمشكلة كاين واحد آخر حب يخطبني وسقساني ادا عرفت من قبل قلت له لا أبدا حشمت نخبره وانا والله غير ندمت وداخلي بنت فاميلية وتكلختلي قلت راني لقيت مكتوبي ولكن كنت غالطة تماما..

ودوك هدا لي تقدملي لازم نصارحوا بالماضي ديالي؟؟ نصارحوا يخليني أكيد . موالف يقول لي راني فرحان كي راني مع بنت فاميلية.. تحكمني الدمعة نحس خدعتوا. وقال لي انه راح يسقسي عليا ويجبد الماضي ديالي ..خفت يكتشف الماضي ديالي ونخسره..

في رأيكم واش ندير؟؟ خلاص يعني توسخوا كوارطي؟ نرفض كل اللي يتقدمولي علاجال غلطت؟؟

بصح انا نعرف بنات من صغرهم وهما يغلطوا وراهم مزوجين وانا غلطت خطرة في حياتي وندمت وراني غير نخمم تلفتلي..

انصحوني لوجه الله

توبي و استري يسترك ربي
و متعاوديش

[loulou02]

يا أختي أنت أخطأت و منبعد ندمت و تبتي و الله تعالى قال "خير الخطائين التوابون" و الدليل إن ربي قبل التوبة نتاعك أنه بعثلك وليد فاميليا لذلك إياك تخبريه بالماضي نتاعك و أكثري من الدعاء لكي يكون من نصيبك.

[السي محمد]

قاع البنات يقولو تكلختلي

تكون مثل الحليب الابيض غير تطلع للجامعة

دير رايها وكي يلحق وقت الزواج تقول تكلختلي







الله يهدينا و يصلحنا