غباء حواء

chvsbf · 2012-08-10, 01:03

السلام عليكم
كنت ناوي اليوم بعد التراويح , نروح نشوف وحد الطفلة و نتفاهمو على امور الزواج , و هدي الطفلة مازالها عام و تكمل الماجيستار , الحمد لله هي كانت فرحانة و اهلها فرحانين , خاصة لما سقساو عليا , و الحمد لله ,
لكن دقائق قبل موعد اللقاء , اعلمت بالغاء كل شئ لان البنت ارادت ان تتزوج بعد انهاء الدراسة , و اعلمت ان بعض صديقاتها قالوا لها ان السلفيين ميحبوش القراية و حذرتها منهم .
و انا البارحة كنت ندير في اتصالات مع جامعة خاصة باش نديرلهالها مفاجئة , و نقوللها اني اشترط لها اكمال الدراسة حتى الدكتوراه , و انا مستعد لدفع تكاليف الدكتوراه .
الحمد لله اني استخرت , و فيها خير , و يا حواء لا تضيعي ما اتاك الله , من اجل سراب الدراسة , و لا تاخذي الاقوال السخيفة منهجا لتحديد مسار حياتك .
لا اقصد الغباء المطلق , و انما اقصد حواء التي قصدتها بذاتها , و اقصد قلة فطتنها في هذه الحالة .
حواء عندنا امنا و بنتنا و اختا و خالتنا و عمتنا , و فضلها علينا كفضل الشمس على سائر النجوم .

السي محمد · 2012-08-10, 01:12

شوف مكتوب ربي

سبحان الله

=========

MIWAKE · 2012-08-10, 01:12

ان شاء الله ربي يرزقك الزوجة الصالحة و كيما تتمنى

dotZero · 2012-08-10, 02:12

سبحان الله
و الله ربي ما فيه غير الخير
ربي يعوض عليك و يرزقك اللي تساهلك

النجمة القطبية · 2012-08-10, 02:17

وما دخل غباء حواء فى الموضوع
هو مكتوب ولم يقدرها الله وانتهى وخاصة انك صليت استخارة
لعله خير للطرفين
بالتوفيق

~~zineb.alg.ziani~~ · 2012-08-10, 02:21

kolchi moktaaaaaab

sarra 19 · 2012-08-10, 02:23

تبقى الفتاة معذورة، فهي لم تعلم ما بنيتك .

و الدراسة للفتاة ليست بسراب.

sarl02 · 2012-08-10, 04:45

زعمة راك حاب اتقولنا ذرك الطفلة هذه عندها ما راطات وضيعت فرصة ما تتعوضش ولا كيفاش ؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.

آلاء النايلية · 2012-08-10, 05:11

اقتباس:

المشاركة الأصلية كتبت بواسطة sarl02

؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.

اذا كانت تستاهل ما فيها والو كي تعاود تحكي معاها
و كل خطوة بالاستخارة.....
....خطيبي قعد 3 سنين وهو يطلب مني يخطبني وانا نرفضو ........ و السبب الرئيسي لأني مكنتش فاهماتو مليح و نفس تفكير الاخت
كنت مترددة ياسر ساعات نقول نقبل و نبينلو بللي قابلة و ساعات نخاف ونجبد روحي ... خفت من عقليتو ودايرة القراية في راسي و زيد توسويس البنات مش ساهل
و ضرك رانا الحمدلله
و ربي يديرلك لي فيها الخير

sarl02 · 2012-08-11, 04:33

اقتباس:

المشاركة الأصلية كتبت بواسطة آلاء النايلية

اذا كانت تستاهل ما فيها والو كي تعاود تحكي معاها
و كل خطوة بالاستخارة.....
....خطيبي قعد 3 سنين وهو يطلب مني يخطبني وانا نرفضو ........ و السبب الرئيسي لأني مكنتش فاهماتو مليح و نفس تفكير الاخت
كنت مترددة ياسر ساعات نقول نقبل و نبينلو بللي قابلة و ساعات نخاف ونجبد روحي ... خفت من عقليتو ودايرة القراية في راسي و زيد توسويس البنات مش ساهل
و ضرك رانا الحمدلله
و ربي يديرلك لي فيها الخير

شوفي يا النايلية ..انا نصحته لوجه الله باعادة الكرة من جديد لكن بشرط اذا كانت البنت اتقدر ذلك وتستهل هذا الشيء والسعي كله ..يعني بعد هذا الامر ازيد يكبر في عينيها وهذا السعي كامل ينحسب ليه لكن ما نهملوش جانب اخر انو هناك نوع من البنات اتعد هذا الشيء ضعف وانه اصبحت كالهواء الذي يتنفسه هذا الفرد ولا يستطيع العيش بدونها...وصرات وين تمشي وتتباهى واتقول انا السيد هذا حفا على جالي ووو........عموما الانسان لازم اكون لديه عقل وفراسة ويقدر اميز هاته الانواع منكن يا نساء ....وان شاء الله ربي اوفقك في حياتك.

Floona · 2012-08-11, 04:52

ياخي عقلية واش دخل النيف فالزواج

الراجل راح يخطب كيم الناس والطفلة حابة تقرا

ماتفاهموش هو رجع لدارها باش يوضح معناتها معندوش النيف عجب

إن شاء الله يسهلك فالزواج ويرزقك الزوجة الصالحة

بصح مفيها والو كي رفضتك هي حابة تقرا ماشي

معناتها غبية إنت صارحها وصدقني أنا كون جيت في مكانها نزيد نقدرك أكثر

وماتنساش إحنا الجزائريين متربيناش على المفاجئات

chvsbf · 2012-08-10, 12:58

اقتباس:

المشاركة الأصلية كتبت بواسطة sarl02

زعمة راك حاب اتقولنا ذرك الطفلة هذه عندها ما راطات وضيعت فرصة ما تتعوضش ولا كيفاش ؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.

مارانيش زعما حاب نقول , و من فضلك اخي ما تفهمش حاجات لا اقصدها , و انا الموضوع درتو بين خاوتي باش نستفادو , ربي يهدينا اجمعين .

~~ss_dz~~ · 2012-08-27, 20:58

اقتباس:

المشاركة الأصلية كتبت بواسطة sarl02

زعمة راك حاب اتقولنا ذرك الطفلة هذه عندها ما راطات وضيعت فرصة ما تتعوضش ولا كيفاش ؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.

رأيك صواب أخي sarl02 يجب على الإنسان أن يلتمس لأخيه عذرا لأنه معرض للخطأ و سوء تقدير الأمور أو ربما كثرت عليها الأراء من المحيطين بها. ربما استخارت الله في الأمر و قررت ما قررت و لعله خير بل أكيد خير لأنه من عند الله. هذا الإنسان فما بال المسلم الذي يحثه دينه على التماس العذر ..... شكرا لكم و نسأل الله التوفيق للجميع.

karimblida · 2012-08-10, 05:33

المرأة ملازمش تقرر وحدها و العايلة نتاعها باباها وين كان من هاد الالغاء
فعلا هو غباء مادام الأولياء كانو عمبالهم ياك يستقبلوك و ممبعد تشوفو كيفاش
بصفة عامة المرأة راهي اختي و أمي و جارتي و زميلتي ووو و بصفة عامة تقرر اليوم و تدور غدوا
من رأيي عاود اهدر معاها بعد الاستخارة طبعا

chvsbf · 2012-08-10, 21:15

اخذت برايكم اخوتي , و دست على النيف هداك , و رجعت لاهلها و اعدت شرح موقفي , و انا انتظر الرد , و انتظر منكم الدعاء .