اعطوني رأيكم بصراحة

قاتلة الصهاينة · 2012-08-13, 09:50

السلام عليكم ورحمة الله وبركاته
صحا رمضانكم كااامل
كنت نتصفح في احد المنتديات النسائية
ولقيت موضوع
البنات قعدو كل وحدة تحكي وش جابولها أهل خطيبها من يوم الخطبة
المهم وحدة قالت كل مرة يجيبلي ذهب ودراهم وهدايا و..و...الخ
ووحدة تقول أنا خرجني وداني لعند حانوت الذهب وقالي ارفدي وش تحبي حتى وصلتلها ل28 مليون
ووحدة تقول جمعت من عندهم كيلو ذهب
المهم أنا قعدت نتعجب وشفت في عمري
انا عندي اكثر من عام من لي تخطبت بصح آبار المهر لي هو 9 ملاين وماشي انا لي قررت يعني الرجال تفاهمو في بعضاهم
انا مكنتش رح نشرط اكثر من 6
مجابوليش فوقو حتى شي غير 2 ملاين اخرين وهذا راهو عام فات زاروني فيه غير مرة وحدة
وكانت تبالنلي نوورمال ومنحكيش لخطيبي على هاذ الموضوع ابدا
بصح بداو الناس يسقسيوني كل مايلقاوني وش جابولك ووش دارولك وقدش عطاوك؟..وكي نقول الصراحة يضحكو ويستغربو ويقولو لوالديا علاه فرطتو فيها
مع العلم انهم لاباس بيهم ماديا
.....
انتم يااخوتي وأخواتي وش رايكم لأنني عاذرة زوجي بويسك مزال محكمش خدمة يعني مزالو والديه ينفقو عليه
وأصلا والله مايهمني الماديات بويسك يجيو ويروحو وأنا لاباس بيا ماديا لأن والديا ميبخلوش عليا خلااص كل مانحتاج يعطوني اكثر من حاجتي
ومايهمني غير الهنا وراحة البال
وهو دايما يقلي كي يجمعنا ربي نعيشك احلى معيشة

اعطوني رد
واذا موافقيني في رأيي قولولي كيفاش نرد على والديا لي راهم مقلقين بزززاااف ودايما يمنشرو في زوجي وأهله وانا نزعف بزاااف خاصة على زوجي لأنني نعرف عقليتو ملييح

وصحا فطوركم

اسعى لرضى الله · 2012-08-13, 09:54

وأصلا والله مايهمني الماديات بويسك يجيو ويروحو وأنا لاباس بيا ماديا لأن والديا ميبخلوش عليا خلااص كل مانحتاج يعطوني اكثر من حاجتي
ومايهمني غير الهنا وراحة البال

كملي خممي هكا راني معاك

والله صدقيني ختي الناس راهم هدي خدمتهم يشتيو يدخلو رواحهم في الصغيرة والكبيرة

لا مدلك بزاف يقولك واش راه يشوف فيها ملكة؟

ولا ممدلكش يقولك فرطو فيها؟

انا في رايي شوفي لظروف خطيبك وساعفيه المال مع الوقت يجي

ومديريش هدرة الناس في بالك الفايدة كي تكوني مرتاحتيلو ويحترمك ويشتيك هدا هو المهم

وثاني متقرانيش روحك بنساء خرين كل وحدة واش قسملها ربي هدا واش نقول لختي

قاتلة الصهاينة · 2012-08-13, 09:59

اقتباس:

المشاركة الأصلية كتبت بواسطة اسعى لرضى الله

وأصلا والله مايهمني الماديات بويسك يجيو ويروحو وأنا لاباس بيا ماديا لأن والديا ميبخلوش عليا خلااص كل مانحتاج يعطوني اكثر من حاجتي
ومايهمني غير الهنا وراحة البال

كملي خممي هكا راني معاك

والله صدقيني ختي الناس راهم هدي خدمتهم يشتيو يدخلو رواحهم في الصغيرة والكبيرة

لا مدلك بزاف يقولك واش راه يشوف فيها ملكة؟

ولا ممدلكش يقولك فرطو فيها؟

انا في رايي شوفي لظروف خطيبك وساعفيه المال مع الوقت يجي

ومديريش هدرة الناس في بالك الفايدة كي تكوني مرتاحتيلو ويحترمك ويشتيك هدا هو المهم

وثاني متقرانيش روحك بنساء خرين كل وحدة واش قسملها ربي هدا واش نقول لختي

يعطيك الصحة ختي
مهما كان نحب ناس يحكو معايا هكذا
شوي تشجيع يعني

والله غير طيحولي المورال

اسعى لرضى الله · 2012-08-13, 10:01

اقتباس:

المشاركة الأصلية كتبت بواسطة قاتلة الصهاينة

يعطيك الصحة ختي
مهما كان نحب ناس يحكو معايا هكذا
شوي تشجيع يعني

والله غير طيحولي المورال

كون تريحي تشوفي للعباد مش غير يهبطلك المورال ههه ترجعي تخممي تسويسيدي

الواحد مش مليح يشوف لهدرة الناس كيعاد في الاخير واحد ماراح ينفعك ولا يخليك سعيدة

مالا شوفي واش يخرج عليك وواش يريحك وديريها قاعدة الهدرة تقعد هدرة متدي متجيب

ربي يهنيك ختي ويسعدك ان شاء الله

قاتلة الصهاينة · 2012-08-13, 10:03

آميــــــــــن أختي ربي يحفظك
وربي يهني الكل

المنتصر1 · 2012-08-13, 11:30

اقتباس:

المشاركة الأصلية كتبت بواسطة قاتلة الصهاينة

السلام عليكم ورحمة الله وبركاته

صحا رمضانكم كااامل
كنت نتصفح في احد المنتديات النسائية
ولقيت موضوع
البنات قعدو كل وحدة تحكي وش جابولها أهل خطيبها من يوم الخطبة

المهم وحدة قالت كل مرة يجيبلي ذهب ودراهم وهدايا و..و...الخ
ووحدة تقول أنا خرجني وداني لعند حانوت الذهب وقالي ارفدي وش تحبي حتى وصلتلها ل28 مليون
ووحدة تقول جمعت من عندهم كيلو ذهب

المهم أنا قعدت نتعجب وشفت في عمري

انا عندي اكثر من عام من لي تخطبت بصح آبار المهر لي هو 9 ملاين :dوماشي انا لي قررت يعني الرجال تفاهمو في بعضاهم

انا مكنتش رح نشرط اكثر من 6

مجابوليش فوقو حتى شي غير 2 ملاين اخرين وهذا راهو عام فات زاروني فيه غير مرة وحدة
وكانت تبالنلي نوورمال ومنحكيش لخطيبي على هاذ الموضوع ابدا
بصح بداو الناس يسقسيوني كل مايلقاوني وش جابولك ووش دارولك وقدش عطاوك؟..وكي نقول الصراحة يضحكو ويستغربو ويقولو لوالديا علاه فرطتو فيها

مع العلم انهم لاباس بيهم ماديا

.....
انتم يااخوتي وأخواتي وش رايكم لأنني عاذرة زوجي بويسك مزال محكمش خدمة يعني مزالو والديه ينفقو عليه
وأصلا والله مايهمني الماديات بويسك يجيو ويروحو وأنا لاباس بيا ماديا لأن والديا ميبخلوش عليا خلااص كل مانحتاج يعطوني اكثر من حاجتي
ومايهمني غير الهنا وراحة البال

وهو دايما يقلي كي يجمعنا ربي نعيشك احلى معيشة

اعطوني رد
واذا موافقيني في رأيي قولولي كيفاش نرد على والديا لي راهم مقلقين بزززاااف ودايما يمنشرو في زوجي وأهله وانا نزعف بزاااف خاصة على زوجي لأنني نعرف عقليتو ملييح

وصحا فطوركم

ايتها المثقفه الراقيه :

دعك من القيل والقال....فهو من اسهل الطرق لخراب البيوت...

افضل لك ان تحتوي زوجك بدفء المودة والحنان....فهو لك بشحمه ولحمه وماله...

والحديث عن المال والدهب لا طائل منه......وانا رايت 99 بالئة من زيجات الدهب فشلت..لان الاساس ليس صحيحا

توكلي على الله وابني مستقبلك.....مجرد راي متواضع يمكن رفضه طبعا

ماجدة ميمي1 · 2012-08-13, 11:41

اقتباس:

المشاركة الأصلية كتبت بواسطة اسعى لرضى الله

وأصلا والله مايهمني الماديات بويسك يجيو ويروحو وأنا لاباس بيا ماديا لأن والديا ميبخلوش عليا خلااص كل مانحتاج يعطوني اكثر من حاجتي
ومايهمني غير الهنا وراحة البال

كملي خممي هكا راني معاك

والله صدقيني ختي الناس راهم هدي خدمتهم يشتيو يدخلو رواحهم في الصغيرة والكبيرة

لا مدلك بزاف يقولك واش راه يشوف فيها ملكة؟

ولا ممدلكش يقولك فرطو فيها؟

انا في رايي شوفي لظروف خطيبك وساعفيه المال مع الوقت يجي

ومديريش هدرة الناس في بالك الفايدة كي تكوني مرتاحتيلو ويحترمك ويشتيك هدا هو المهم

وثاني متقرانيش روحك بنساء خرين كل وحدة واش قسملها ربي هدا واش نقول لختي

هذا هو الراي الصواب المهم الهنا وتكونو متفاهمين انت وخطيبك اليوم يقولولك هكا وغدوة يخرجولك بكلام جديد وهيا رايحة ربي يهنيك انت وراجلك وما تسمعيش كلام الناس وانشاء الله تعرضينا لعرسك عن قريب صح فطورك اختاه

djeriou · 2012-08-13, 14:50

الله يهدينا يا ربي

amura8 · 2012-08-13, 14:51

السلام يا ختي المال ما يجيبش السعادة وزيدي صبري عليه شويا وادا كان فيها الخير بيي يكملك
وادعي ربي يرزقه خدمة وفرحة تولي عليك وعليك
وما اخطيك منا لناس غيارين حسادين هدرتهم وداا رضاو عليك الناس ماغادي يدخلوك الجنة ماغادي يزيدوك في الصحة والعمر كل واحد يدي رزقه مكتوب في السما

mohamed riadd · 2012-08-13, 15:28

السلام عليكم صراحة قرأت وضحت ضحكت على كلام النساء أنا جابلي وجابلي وبالاخص لي جابلها كيلو ذهب قاتلهم أسكتو؟؟؟؟؟؟؟؟؟؟؟؟؟؟؟
المهم أيتها الأخوات تعرفو باللي الحال حال الله لازم تساعفي خطيبك وتعرفو باللي البركة في المرأة الاقل مهرا
والله صدقوني كل مرأة تطلب من خطيبها جيبلي وجيبلي وووو.......... يكرهها قدام لا يجيبها
نتي ديري في بالك باللي رايحا تزوجي تزوجي ميهمش راي النساء أنا صراحة تعجبني المرأة لي مديرش على راي النساء وبالاخص أمها
سبحان لي خلق مايضيع
واحفظي هذا
القافلة تمشي والكلاب تنبح

رحمة من المولى · 2012-08-13, 15:29

السلام عليكم و رحمة الله تعالى و بركاته:
يقول عليه الصلاة و السلام:" أقلهن مهورا أكثرهن بركة"
اختي انت قاع الصح في الراجل ايلا كان على خلق و دين واش من فايدة ايلا جابلك و جابلك و الهنا مكانش الواحدة تطلب الهنا هو الصح وديري في بالك ماشي كل وحدة قالتلك جابلي و جابلي جابلها صح يحبو يورو رواحهم برك حتى و جابولهم الفرحة ماهيش ثم الفرحة في الحياة الهانية.
كاين شي ناس يحبوا يرولو رواحهم فوق اللازم لاهل العروسة كما احنا هاذي العادات معندناش يمدلك دراهم وحد 8 ملايين و خاتم الخطووووووووبة و بس لا زيادة و لا نقصان و عادي
نقولك ربي يكملك الاخت و حاولي متعمريش راسك بأشياء تقدر تخربلك حياتك و بلاك تحكي لراجلك بقول عليك طماااااااااااااااااااعة هههههههههههههه نزعق معاك
صح فطووووووووووووووورك

arbodar · 2012-08-13, 15:30

و علاش 11 قليل؟ هههه فيها البركة

arbodar · 2012-08-13, 15:30

و الله يوفقكم و يهنيكم

المنصور3 · 2012-08-15, 01:50

يا أخت أنت إنسانة ولست سلعة تباع وتشترى فتكون قيمتك بقدر مهرك ومن قال أن أهلك فرطوا فيك فهو مخطئ تمام الخطأ إذ أنت ستذهبين إلى بيت زوجك هذا إن شاء الله دون أن تكوني قد أكثرت من الشروط والتعقيدات التي لا فائدة منها سوى التباهي والتفاخر وماذا بعده هل سيبقى طول الدهر أم سيكتب في التاريخ كلا لن يكون ذلك وسيمضي الزمن وستكونان زوجين كأنكما من غابر الدهر وقولي لك يا أخت أن لا تأخذي ما تسمعين منهن مأخذ الجد وكوني كما أنت .

قاتلة الصهاينة · 2012-08-15, 10:06

يعطيكم الصحة على ردودكم المشجعة
بارك الله فيكم وصحا فطوركم