14

[ام رجاء 09]

شكون تعرف ولا جازت على وصفة الحميس معناه سلطة حارة تعجبني خاصة في المطاعم تفيدنا مشكورين-

[dodina]

falfal machw mkata3,tomate mkat3a en pt dé tathamass hatane tib mlih 3la nar klila apres zidilha al falfal mkata3,nahiha jih et dirilha zit titoune m3a le sel

[توبة89]

انا نشوي الفلفل الحار والحلو في الطاجين والطماطيش تاني ومنبعد نحطهم في ساشي حتى يسهل التقشير ونقطعهم مربعات صغار ثم نضيفلهم سنة ولا 2نتاع الثوم مسكرفج
ومن جيهة نحضرو لاصوص :خا وزيت وشوية ملح وسنة ثوم ونفرغها فوقها هدي هي طريقتي وتجي بنينة
لي يحب الحار يكتر الحار على الحلو

[اية الرحمن1988]

الحميص أنواع
النوع الأول المقلي: تقلي الفلفل الحلو والحار وتقشريهم وتقطيعه، ومن جهة تقطعي الطماطم مربعات وتقليها وتخلطي الكل وتضيفي الثوم والتوابل اللي تحبي لكن هاذ النوع يجي فيه الزيت بزاف والطعم مليح
النوع الثاني المشوي: تشوي الفلفل الحلو والحار فوق الطابونة ولا الكويزينيار ينقص التعب أما الطابونة عندها ذوق خاص والطماطم ثاني تشويها، تحطيهم في صاشية باش يسهل تقشيرهم، تقشريهم وتغسليهم وتقطيهم مربعات ثم تضيفي الثوم والتوابل حسب الرغبة والزيت زيتون
النوع الثالث المرحي: تغسلي الفلفل الحلو والحار والطماطم تنحي الزريعة منو وتقطعيه مربعات متوطة وترحيه في الروبو وتزيدي الطاطم متكثريش، تحطيه يطيب على نار قليلة حتى تحسيه ذبال، كي يبرد تضيفيلو الثوم والكسبر ضروري والزيت زيتون
يجي يشبه لهريسة الفلفل وكل ما يكون حار يكون بنين

[بريق الدجى]

لحميص التونسي