عااااااونوني البسبوسة ديما فاسدة خاصة ام كوثر ولا ام رامي

الشيماء المنسية · 2012-07-21, 22:05

صح رمضانكم خواتاتي وخاصة ام كوثر وام رامي اللي عندهم اجر كبير لأنهم تقريبا سبب نجاحي الدائم في أطباقي وحلوياتي بارك الله فيهما
وحبيت نسقسيكم على البسبوسة داااااايما نديرها ولكن ديما فيها مشكل يا متطلعش مليح يا تجي جيهة طالعة وجيهة هابطة يا تجي الذوق تاع السميد باين فيها قولولي واش هو الخطأ وأرجو تعاونوني راني حصلت مع البسبوسة :

remadna · 2012-07-21, 22:22

ذوق السميد يذهب باضافة الفانيلا وقشور الليمون اذا متوفر و ماء الورد في العسل
اما جهة طالعة و جهة هابطة شوفي الفرن تاعك ربما مائل مثل تاعنا
سامحيني على التدخل

الشيماء المنسية · 2012-07-21, 22:53

اقتباس:

المشاركة الأصلية كتبت بواسطة remadna

ذوق السميد يذهب باضافة الفانيلا وقشور الليمون اذا متوفر و ماء الورد في العسل
اما جهة طالعة و جهة هابطة شوفي الفرن تاعك ربما مائل مثل تاعنا
سامحيني على التدخل

بارك الله فيك أختي ولكني نضيف قشور القارص وعصير القارص وهكداك تبقى الذوق السميد موجود وبالنسبة للفرن هو شوية مائل لكن راني نعرف كيفاش نحط المول مليح وادا عندك طريقة كيفاش ندير للمول لما يكون الفرن مائل مديهالي يمكن تكون طريقتي ماش صحيحة وربي ينورك تعييشي بزااااااااف وعلاش تتأسفي انا اللي نشكرك على الإفادة شكرااااااااااااااااااااااااااااااااا

remadna · 2012-07-21, 23:03

ماء الورد رائحته زكية جربيه
و الا جربي بسبوسة الخبز المرحي مع السميد شفتها هنا في المنتدى انا لم اجربها، جربت تاع الخبز وحدها
قاطو الخبز يجي هايل و ما يبانش البنة تاعو
بالنسبة للميلان حطي فرشيطة او ملعقة في الجهة الهابطة

douniazed · 2012-07-21, 23:32

جربي هده كاس سكر كاس زيت 4بيض فانيلا 1خميرة عصير ليمونة او مبشور الليمون دقيق خشن العجينة تكون ثقيلة ضعيها في الفرن حتى تحمر اخرجيها وواسقيها بعسل مضاف لة قليل من الماء

soumay12 · 2012-07-22, 00:23

https://commentcuisinernina.blogspot....g-post_20.htmlجربي الوصفة هاذي اختي

جيجلية · 2012-07-22, 13:38

جربي الوصفة تاع الاخت ميميشة بسبوسة بالياوورث انا جربتها جات هايلة ويجي فيها ذوق الياوورث

تقبل الله منا ومنك الصيام والقيام

mounie dz · 2012-07-22, 14:14

ديري كاس سميد والباقي خبز مرحي
او ديريها بطريقتي هذي مضمونة 100% وبنينة بزاااف

https://www.djelfa.info/vb/showthread.php?t=1035124

barbynina · 2012-07-22, 18:52

السلام عليكم ورحمة الله وبركاته
انا كانت البسبوسة تاعي متصلحش كيما تاعك خلقا جيهة طالع وجيهة مكانش بصح منهار وليت انديرها بالطريقة هادي وللاو كامل يشكروا فيها والضياف يبقاو يحاولوني مش نمدلهم لاغوسات و جربيها واقلبلي لخبر
المقادير:
3 كؤوس سميد + قرصة ملح + كاوكاو
1كأس سكر
1/4 كأس زيت
2 ساشيات جميرة كميائية
ماء زهر
شاربات : 1 كاس ماء+1كاس ماء زهر +كاس سكر وتضاعف الكميات حتب الرغبة
طريقة التحضير :تحط كامل المقادير معيض بالترتيب كيما مكتوبينغير الماء الزمر كي تفض من التحراك هدوك المكونات تبدا تحط بالشوية حتى تبدا تحكم في بعضاها واحد 5 مغارف كبار مالزمش ديرها جارية كي المسكوتشو جيست ماتحكم روحها وتكوني في هدا الوقت سخنتي الكوشة ودخليها حوالي 25 حتى 30د عينك ميزانك معا تخرجها تسقيها بالشربات مليح يعني كي تحط يدك تلقاها مكي البونجةسخونة تخليها حتى تبرد مليح من بعد تحطها فالفريجيدار واحد نص النهار ومن بعد تقصها وبالصحة والهناء وكون تخليها لتاني نهار تجي
44444444444444444444444444444

ملاحظة : الكاس لي تبدا بيه تفض بيه

هيام هيام · 2012-07-22, 23:13

مساء الخير ديري 4 بيض +كاس سكر +نصف كاس زيت+قشور الليمون+ربع كاس حليب+ربع كاس ماء الزهر+2 كيسان وربع دقيق خلطيهم مليح وادهني البلاطو تاعك بالزيت شعلي الفور من تحت وحطيها كي اطيب زيدي شعلي عليها من الفوق وكي تحمار خرجيها في نفس الوقت حطي عسل وماء الزهر على النار حتي يغلي وصبي من الفوق وبصحتك حنونة انا ديما نديرها وتخرجلي هايلة

هيام هيام · 2012-07-22, 23:13

اه ونسيت كيس ونصف خميرة

ريان 7 · 2012-07-23, 11:04

تفضلي جربيها و ردي بالخبر
https://www.djelfa.info/vb/showthread.php?t=961930

الشيماء المنسية · 2012-07-24, 01:22

chokraaaaaaaaaaaaaaaaaaaaaaane lakona jami3ane
w nrani jarebt wasfatayene wahda ta3 lokht hayam hayem w tanya ta3 lokht
mimicha léhdrtli 3liha lokht jijlia w jawni haaaaaaaaayeline w ghdwa nchalah nzid njrb ba9i lwasafat lé 7otétohomli
w nrdlkom bkol sarah7a w litsla7li n9ollkom 3liha w lé ma tslo7ch tani
al okht ramdana choooooookrane rah fkrat lforchita sal7tli khir mn f krati ana kont ndid ljournal mn taht wa lakine lfikra lé mdétihali kanat a7san
rbi ykhlikom ya rabi w y7fdkom kaaaaaaaaml sa7a ramdankom

remadna · 2012-07-24, 09:29

الحمد لله رب العالمين
بالصحة و الهناء
و عقبال الوصفات الجديدة
لا تترددي في طرح اشكاليتك لتستفيدي و يستفيد غيرك
بالنسبة للفرن اذا كان مائل لأن الأرضية مائلة استعملي الفرشيطة اما اذا كان الشباك تاع الفرن معوج اعدليه بالرزامة او المطرقة هكذا تتنهاي نت الفرشيطة

*أم كوثر* · 2012-07-24, 10:03

السلام عليكم
الحمد لله لي افادوك الشاطرات تاعنا
وااااسفة على التأخير لاني منيش ندخل بزااف