زوجي غير مبالي بعملي

[nadine0159]

في الحقيقة كي تقراو العنوان راح تفهمو حاجة اخرى لكن وجدت صعوبة في اختياىه راني مقلقة نهار الاثنين نينييو الدخول تاع الاساتذة و راجلي كان كونجي غير كيما رجع لخدمتو درت دخول ولاية اي تغيير مكان العمل لكن بقالي مشكل تاع السكنة مازال ما خرجوش من السكنة اللي نستناو فيها و هو من هادوك ليام و انا نفهم فيه باش يكري حتى شعر مايسمعش هدرتي خلاص كرهت منو دركا رانا حاصلين وين نروح نروح لعند الناس نقعد سمانة بزاف لوكان جا يخمم لوكان دركا راني معززة مكرمة المهم ما خرجوش من السكنة هادي الاولى مازال ماكراش هادي الثانية و باش نلقى الكرا ماشي ساهلة ماشي بين ليلة و ضحاها. نلقى و ثالثاماشرا والو لا كويزينيار لا فريجيدار ديما ماعندوش ثالثا سلف دراهم لدارهم شراو الكبش و مازال ماردولوش خامسا انا حامل و عندي طفل صغي عمرو عامين يعني في الشهر 9قادر في اي لحظة نولد كواغطي خالوطة ادعيو ربي يسفرج علينا و ييهل اكوري و بارك الله فيكم على القراءة

[tassnim5]

ربي يسهلك امورك و يفرج عليك و يرزقك وقفة ساهلة ان شاء الله.

[عقبة2608]

السلام عليكم قضية يابنت الناس الكونغرس مايحلهاش ربي يعينك

[123boutheina]

السلام عليكم

راكي فـ شهر الـ 9 وان شاء الله تسلكي على خير

ولكن خير ان شاء الله

المهم حيعطوك عطلة امومة 3 شهر فاذا متحسنتش امورك كملي بـ العطل المرضية الى ان تُفرج

ربي يكون في عونك

[رندة.]

السلام عليكم ورحمة الله وبركاته
مادام راكي في الشهر التاسع ان شاء الله ربي يسلكك على خير ما تقلقيش روحك.
انتي روحي ديري استئناف عمل وامبعد رايحة تتحصلي على عطلة الأمومة 3 اشهر فترة كافية باش توجد السكنة تاعكم ان شاء الله.

[محمد جديدي التبسي]

حبسي خدمة تتهناي خليه هو رجل يتحمل مسؤوليتك
عندك ابن عامين مازال يرضع المفروض وراك بالحمل وفي الشهر التاسع وتخممي فالخدمة والله شي يحير؟؟
أين هو احساسك بالأمومة طيشي عليك الخدمة وخلي الرجل يتحمل المسؤولية أنت وأمثالك من العاملات اللي علمتم الرجال التكاسل ولاو يعولو عليك في المصروف وفي كلش؟؟؟؟
ربي يصلح احوالكم