تارت بكريمة الليمون بطريقة جديدة ولذييييذة من مطبخ ام نيفين

أم نيفين · 2013-11-13, 23:03

إليكن الوصفة:
أولا التارت فيها 2 قرصات ، مقادير القرص الواحد هي:
* 5 بيض
*125غ سكر عادي
*60غ فرينة
*65غ نشاء
*1 خميرة القاطو
*قشور الليمون

الطريقة:
في خلاط كهربائي نطلع بياض 5 بيضات+125 سكر كالثلج، بعد ذلك نضيف 5 صفار و نخلط بهدوء باش مايهبطش البياض+ **فرينة+نشاء+خميرة** مغربلين باش يدخل الهوا و نخلط برفق حتى نتحصل على خليط متجانس ثم نفرغه في مول مدهون بالزبدة و مرشوش بالفرينة و نطيبها مثل المسكوتة أي نار هادئة
و الفرن لا نفتحه أثناء الطهي و نتركها حتى تصبح ذهبية اللون و نخليها تبرد
*** نعيد الكرة و نخدمو القرصة الثانية و نخليوهم يبردو
بعد ذلك كل قرصة نقسمها على 2 من الوسط فبذلك نتحصل على 4 قرصات

تحضير الكريمة الأولى: بعيدا عن النار نخلط في كسرونة:
1 لتر حليب+6 صفار بيض+6 م ك نشاء+1 م ك زبدة+سكر عادي حسب الحلاوة "كل واحد يدير على حساب الذوق" ثم نضعها عل النار و نحرك لكي لا تلتصق حتى تصبح كثيفة ثم نبعدها عن النار و نضيف عصير و برش ليمونة و نتركها جانبا حتى تبرد

تحضير الكريمة الثانية: في كسرونة نضع:
كاس عصير اليمون+3 كيسان ماء+3 م ك نشاء+سكر عادي +2 صفار بيض+1 م ص زبدة نحرك جيدا و نضعها على النار حت تصبح كثيفة و نتركها تبرد

التزيين:
نبدأ بتزيين الكيكة أولا نضع القرص الأول و ندهنه بالكريمة الأولى ثم نضع فوقه القرص الثاني و ندهنه أيضا بنفس الكريمة و هكذا حتى نكمل القرص ثم ندهن كل التارت بالكرام شونتي و نزين الجوانب أولا بالمكسرات المرحية،مثلا أنا هنا استعملت النوازات،ثم نزين الوجه بالكرام شونتي و لابوش ادوي بوردات لاصقة في بعضاها ثم نصب في الوسط الكريمة الثانية ثم نكمل التزيين و كل وحدة و الذوق نتاعها
أتمنى أن أكون قد وفقت في الشرح
بصحتكم

</B></I>