لنساعد بعضنا وتعم الفائدة على الجميع

[hayat17]

ارتايت ان اقترح عليكم موضوع مهم للجميع بعد اذنكم طبعا وبمساعدتكم وهو كل وحدة عندها روبو اوميكسور و ما شابه ذلك وطبعا كل وحدة عندها فى مطبخها شئ تحبه مهما كان بسيطا وتستفيد منه تضع لنا صوره وتقول لنا عن الثمن وما هى استخدماته لتعم الفائدة على الجميع ونستفيد كلنا ونتناقش وتكون دردشة لها اهمية وكذلك اوانى التى نستعملها فقط للضياف حتى كل وحدة حابة تشرى تكون عندها موسوعة كبيرة من الصور امامها ولتعجبها صورة توريها لرجلها عندكم يشنو عليا حرب هههة اتمنى منكم ان تتفاعلو معى ولا تخذلونى ارجوكم ولى طلب منكم اريد مركة انتاع فريجدار تكون مليحة مش الكبار بزاف ملاح والصورة ان امكن والسعر انتضر ردودكم بفارغ الصبر واكثر حاجة تعجب العضوات نسموها با اسم مولاتها

[نيفرتيتي.]

فكرة هاااااااايلة انا نحوس على بترا ماتضحكيش عليا بديتك بطلبة

[hayat17]

لي كامل الشرف انك انت اول من رد عليا انا حبيتك حتي بدون اعرفك راكي رضيتيني كنت زعفانة قلت ولا واحد رد لكن للاسف ما فهمتش طلبك اختي

[hayat17]

وينكم يا الشاطرات اتحفونى بردودكم

[ام مرية]

السلام عليكم والله ما شاء الله عليكم بنات المنتدى كل يوم تجيبولنا فكرة زوينة انا راني معاك 100ب100 نتمنى تفاعل كل العضوات لانو هاد الموضوع جديد وكل سيدة عندها ما تحكيلنا فيه درك نعيط كل البنات يجو هنا

[نيفرتيتي.]

نحوس على بترا اي عجانة تاع الخبز اللي تعجن

[ام امجد14]

اخواتى انا لقيت بترا بثلاثة ملاين و فيها نتاع الى ترحى اللحم وووو
وفيها تاس تاع حى
لكن ما عجبتنيش العجانة بانتلى صغيرة بزاااف

[نيفرتيتي.]

هو اللي يشري حاجة غالية الهي تكون مليحة ولا مايشريش

[الأمنيات]

شكراااااااااااااا على الموضوع .....................من كثرة هذه الالات الكهرمنزلية وتنوعها لا اعرف ما اشتري
عندي روبو لرحي اللحم والخضار وخلاط للحلويات والعصائر من نوعية مولينكس
اما العجانات لا احبحها افضل نعجن بايدي

[hayat17]

شكرا اختى لوكان نزيدو نتعبوك شوية وطلعلنا صورهم ونكونو شاكرين لك

[ام مرية]

مساء الخير انا ما عندي ولا جهاز كنت شريت روبو نتاع العصائر والمايوناز وهاكا وكي فسد قلت نري حاجة مليحة خير من اني كل يوم نشري ويفسدلي غالي وما عليش ولا واش رايكم

[Kuchiki Rukia]

حنا عندنا في الدار واحد مولينكس، صغير، يرحي اللحم، يميكسي الخضار و الفواكه، يضرب البيض و المايونيز، لكن يبانلي صغير، ما علاباليش مستقبلا اذا في داري لازملي واحد أكبر منو، و لا نشري واحد هكذا و خلاص، واش رايكم؟؟؟؟؟

[ام مريم الجزائرية]

اختي هذا عفسة وريهولنا من فضلك والى تعرفي سعره

[doli/M]

شكرا اختي على الموضوع
انا نحب كل ما يسهل علي الخدمة
عندي روبو شوية كبير مولينكس نخدم فيه لغرايف و نعصر فيه البرتقال
وباتور "sayona" شريتو عندي 3 سنين ب700دج وطاس راون تاع les jus و نرحي فيه الطماطم شريتو ب 2700دج
اما الاخت اللي تحوس على فريجيدار نقولها اختي شرات LG ب 6ملاين مليح انا عجبني بزاف

وحابة نشري عجانة ان شاء الله

[Sabrina ALG]

فكرة الموضوع مليحة شكرا لك اختي
انا حابة نشري بترا اي العجان و لقيت مولينكس ب3 ملاين و نص و كينوود ب4 ملاين و نص بصح البول دياله صغير اما اللي اكبر منو كبير بزاف و ما نقدرش نخليه على البوطاجي يعني ادي و جيبي و انا نعجن كل يوم اذا واحدة فيكم عندها بترا تقولي ايهما افضل الصغير او الكبير ؟