انا ام لطفلين تزوجت في 2009 انا من مدينة ادرار و زوجي من عين تيموشنت و بيت الزوجية في احدى بلدياتها حصل بيننا خلاف كبير لدرجة اننا لا نستطيع ان نكلم بعضنا الا و حصل شيجار اعدروني راح نكتب بالدرجة
هدي مدة 5 اشهر وانا في دارنا خرجني من الدار بيا بولادي و شوية من قشي الي ديتو معايا النهار الاول و طلقني زوج طلقات و قاع هاد المدة ماسقسا على ولادو بصح كان يبعت ليهم مصروف كل شهر ويعتلي ميساج باش راه بعت الدراهم
و راه في 15 يوم ملي جا الدارنا و قالي راني باغي نطلق ادا تقبلي بالتراضي ندفع هنا في ادرار و مانعطيك لا تعويض لا والو عندك النفقة انتاع لاولاد و الكرى برك و ادا ما بغيتيش التراضي و نشرعو نورمال ندفع في عين تموشنت ومانقولكش بلي رفعة عليك دعوى
السؤال هو كيفاش نعرف ادا ارفع عليا دعوى طلاق و كيفاش توصلني ورقة المحكمة و انا بعيدة في ادرار
لاني خايفة يدفع و يحكمو عليا غيابي و ضيع حقوقي و يشهد الله انو هو اللي ضلمني و مرر عليا العيشة
و شكر لكل من اجاب عليا ولو بدعوة في وجه الله