حقيقة الغش في الفلسفة ؟؟ مشروعة ام لا ؟ نقاش جدي

[kader41]

السلام عليكم

أدخل في الصلب مباشرة
اليوم أثناء تجولي في شوارع المدينة (سوق أهراس) لاحظت انو الجميع هاز مقالات وقاصد الطاكسيفونات والمكاتب والقاعات الأنترنت بش يديرو الزوم وقصاصات الغش
اعتبرتها عرضية في البداية لكن أثناء وقوفي مع صديق (رح يدير الزوم أيضا) بجنب قاعة أنترنت جاءت سيارة من نوع لوغان يسوقها شاب جنبو ابوه واختو في الخلف (ركن السيارة عوجة) ونزل مسرعا الى مولا السيبار وأعطاه كتاب به 20 ورقة تقريبا قلو زوميهالي ضرك نرجعلك وركب سيارتو وراح ؟؟ سبحان الله أب يجيب بنتو يزومي ليها بيديه ياك ؟؟؟
اليوم معاك انت ودارت الطرافيك غدا لما تكبر شوي الله أعلم الكوارث اللي رح ديرها والأطفال لي رح دجيبهم وش من رباية رح تربيهم هذا ان كانو شرعيين أصلا !!!

المهم انا العام الماضي حزت على بكالوريا بمعدل 14 لكن ما سهلش ربي في الاختصاص وراني نعاود فيه والعمال على ربي
خدمت لحد الآن بشكل ممتاز في جميع المواد عدا الرياضيات متوسطة
فكرت ماذا لو أحرزت معدل جيد ولم أذهب الى الاختصاص المراد بسبب فاصلة لعينة ؟؟ وغيري ممن حضرو الزوم وغشو أراهم فرحين في الجامعات والخ ؟؟ لأنو حتى بل والكثير من القرايين يغشو في الفلسفة

أنا ضد الغش لكن ليس في القاعة اللى نعقب فيها ما يخلوناش وفي القاعة المجاورة او المدرسة الأخرى او الولاية الأخرى يديرو رجليهم
لأنو انا على يقين لو تحدث تصفية حقيقية فان 14 تع العام لي فات تديني أحسن تخصص
أذكر مثال قد لا يعجب البعض
ولاية الجلفة العام الماضي حصلت على انذار من وزارة التربية للتجاوزات الحاصلة في البكالوريا حتا انو في بعض المراكز أغلقوا الأبواب وكتبو الحل في السبورة !! كل هذا من أجل تقديم الولاية التي احتلت الترتيب الأخير عام 2010 على مستوى الوطن

ولاية تيزي وزو تحصلت على الترتيب الأول وطنيا مع احترامي للسكان والطلبة لكن هل الأدمغة والعلم منزلو ربي ثمة بكثافة ؟؟ لا بالتأكيد ليسو العباقرة فصديقي الذي يدرس طب في جامعة الجزائر قلي أنو أغلب اللي من تيزي وزو في رح يعدو راتراباج وهالكينها الا من رحم الله ونجح في الباك بذراعو

لذلك فان كل شيىء اصبح مغشوش في هذي البلد من الوزير الى العساس

أريد آراء ومناقشات جدية

ملاحظة: لا أريد ردود تحتوي آيات أو أحاديث فالحمد لله لست ناقص ثقافة دينية وأعلم أن من غشنا فليس منا لكن ماذا ان كان في هذا الزمن من لم يغش فليس منا لأن كل شيىء مغشوش !!

ملاحظة أخرى: السبب في الاختصاص هو انني قررت انو الا رح نقرا في الجامعة ونتعب نقرا على حاجة صحيحة مشي حاجة خرطي لا ناقة لي فيها ولاجمل
سلااااااااااام وبالتوفيق

[{ٲُمّنيَــ㋡ ـــــةٌ}]

ما بني على باطل فهو باطل +من غشنا فليس منا

و السلام

[لالة مريومة]

يا اخي الزوم راهي منتشرة وكلش راه عادي وكل واحد ربي يجازيه على حساب نيتو

[a.sami]

الله يهديك .. ما تكونش إمعة

[العيد71]

انه زمن الرداءة يا أخي هذه حال الجزائر ربي يبقي الستر راه يجي النهار اللي يخسف بينا رب العالمين الأرض.

[اميرة07ميرا]

والله عندك الحق
الغش ولا عادي
عيني عينك في هذا الووقت
مي كيفاش الناس تحس بطعم النجاح كي مايجيش بذراعهم
انا والله العلي العظيم اني من النوع الي كون مايتعبش على الحاجة مايفرحش عليها
على خاطر بابا الي خلانا نشعروا بهذا الشيء
الي جابو الواد يديه الواد
نشفى مرة
خويا ووحدة من لافامي يقراو مع بعضاهم
من بعد في 2 عاودو العام
بابا طلع عام الطفلة الي تقربلنا بكل سهولة وبمعدل والله العظيم 6
اما خويا مابغاش يطلعو
قالو طلع روحك
وبعدها جات الباكالوريا
خويا تحصل عليها وهي والله الى حد الان مازال تجري وراها
هذا الشيء راهو عبرة ليا في الحياة

[kader41]

الله يهديك .. ما تكونش إمعة

من قال لك أني امعة ؟؟؟ + لم تقرأ موضوعي او تتمعن فيه مجرد اجابة سطحية

ما بني على باطل فهو باطل +من غشنا فليس منا

أعلم + الجميع غشاش فمن لم يغش هو الذي ليس منهم
+ كما قلت لست ناقص ثقافة دينية والحمد لله أعلم أن الله سيجازي الجميع

انه زمن الرداءة يا أخي هذه حال الجزائر ربي يبقي الستر راه يجي النهار اللي يخسف بينا رب العالمين الأرض.

نعم انها الرداءة من الوزير للعساس

[kader41]

المشاركة الأصلية كتبت بواسطة بــآكـ

والله عندك الحق
الغش ولا عادي
عيني عينك في هذا الووقت
مي كيفاش الناس تحس بطعم النجاح كي مايجيش بذراعهم
انا والله العلي العظيم اني من النوع الي كون مايتعبش على الحاجة مايفرحش عليها
على خاطر بابا الي خلانا نشعروا بهذا الشيء
الي جابو الواد يديه الواد
نشفى مرة
خويا ووحدة من لافامي يقراو مع بعضاهم
من بعد في 2 عاودو العام
بابا طلع عام الطفلة الي تقربلنا بكل سهولة وبمعدل والله العظيم 6
اما خويا مابغاش يطلعو
قالو طلع روحك
وبعدها جات الباكالوريا
خويا تحصل عليها وهي والله الى حد الان مازال تجري وراها
هذا الشيء راهو عبرة ليا في الحياة

نعم هذه هي العبرة
لكن ركزلي على البكالوريا أكثر
يا سبحان الله الغش هو الحاجة الطبيعية والباقي تقليدي وكلاسيكي

[onei22]

انتا باين بلي متحبش علابيها رابي معطاكش على حساب قلبك
لي يبغى يغش ربي يسهل عليه ربي لي يحاسبه ماشي انتا
زعما نتا غاظاتك كي تبات تحفظ وتريفيزي ومبعد متديش واش راك باغي وواحد يلقاها واجدة
الفرق بينك وبينه انه نتا في نفسك تحس روحك خير منه وهل يوجد احسن من هذا

[maya23]

المشاركة الأصلية كتبت بواسطة kader41

السلام عليكم

أدخل في الصلب مباشرة
اليوم أثناء تجولي في شوارع المدينة (سوق أهراس) لاحظت انو الجميع هاز مقالات وقاصد الطاكسيفونات والمكاتب والقاعات الأنترنت بش يديرو الزوم وقصاصات الغش
اعتبرتها عرضية في البداية لكن أثناء وقوفي مع صديق (رح يدير الزوم أيضا) بجنب قاعة أنترنت جاءت سيارة من نوع لوغان يسوقها شاب جنبو ابوه واختو في الخلف (ركن السيارة عوجة) ونزل مسرعا الى مولا السيبار وأعطاه كتاب به 20 ورقة تقريبا قلو زوميهالي ضرك نرجعلك وركب سيارتو وراح ؟؟ سبحان الله أب يجيب بنتو يزومي ليها بيديه ياك ؟؟؟
اليوم معاك انت ودارت الطرافيك غدا لما تكبر شوي الله أعلم الكوارث اللي رح ديرها والأطفال لي رح دجيبهم وش من رباية رح تربيهم هذا ان كانو شرعيين أصلا !!!

المهم انا العام الماضي حزت على بكالوريا بمعدل 14 لكن ما سهلش ربي في الاختصاص وراني نعاود فيه والعمال على ربي
خدمت لحد الآن بشكل ممتاز في جميع المواد عدا الرياضيات متوسطة
فكرت ماذا لو أحرزت معدل جيد ولم أذهب الى الاختصاص المراد بسبب فاصلة لعينة ؟؟ وغيري ممن حضرو الزوم وغشو أراهم فرحين في الجامعات والخ ؟؟ لأنو حتى بل والكثير من القرايين يغشو في الفلسفة

أنا ضد الغش لكن ليس في القاعة اللى نعقب فيها ما يخلوناش وفي القاعة المجاورة او المدرسة الأخرى او الولاية الأخرى يديرو رجليهم
لأنو انا على يقين لو تحدث تصفية حقيقية فان 14 تع العام لي فات تديني أحسن تخصص
أذكر مثال قد لا يعجب البعض
ولاية الجلفة العام الماضي حصلت على انذار من وزارة التربية للتجاوزات الحاصلة في البكالوريا حتا انو في بعض المراكز أغلقوا الأبواب وكتبو الحل في السبورة !! كل هذا من أجل تقديم الولاية التي احتلت الترتيب الأخير عام 2010 على مستوى الوطن

ولاية تيزي وزو تحصلت على الترتيب الأول وطنيا مع احترامي للسكان والطلبة لكن هل الأدمغة والعلم منزلو ربي ثمة بكثافة ؟؟ لا بالتأكيد ليسو العباقرة فصديقي الذي يدرس طب في جامعة الجزائر قلي أنو أغلب اللي من تيزي وزو في رح يعدو راتراباج وهالكينها الا من رحم الله ونجح في الباك بذراعو

لذلك فان كل شيىء اصبح مغشوش في هذي البلد من الوزير الى العساس

أريد آراء ومناقشات جدية

ملاحظة: لا أريد ردود تحتوي آيات أو أحاديث فالحمد لله لست ناقص ثقافة دينية وأعلم أن من غشنا فليس منا لكن ماذا ان كان في هذا الزمن من لم يغش فليس منا لأن كل شيىء مغشوش !!


سلااااااااااام وبالتوفيق

اظن ان اجمل اجابة و اجمل رد هو حديث مربينا و حبيبنا رسول الله صلى الله عليه وسلم

من غشنا فليس منا

صدق رسول الله

اخي اذا رايت نفسك تعبت واجتهدت و سهرت الليالي وتوكلت على الله ولم تحصل على المعدل الذي تريد فاعلم ان الله تعالى رأى الخير لك في ذاك المعدل و ذلك الاختصاص

وربي ينجحك ان شاء الله و يوفقك

وربي يهدينا و يهدي الغشاشين

[kader41]

المشاركة الأصلية كتبت بواسطة onei22

انتا باين بلي متحبش علابيها رابي معطاكش على حساب قلبك
لي يبغى يغش ربي يسهل عليه ربي لي يحاسبه ماشي انتا
زعما نتا غاظاتك كي تبات تحفظ وتريفيزي ومبعد متديش واش راك باغي وواحد يلقاها واجدة
الفرق بينك وبينه انه نتا في نفسك تحس روحك خير منه وهل يوجد احسن من هذا

خخخ حكمتي عليا ليس من خلال المظهر بل من خلال مجرد رد
ربي كريم سبحانو مشو هوا لي ما عطانيش بل مجهودي العام لي فات تع 14 معدل ماكنتش حاطها رح ترخس المعدلات
شكون قلك راني نحاسب في العرب تبا عقلية كلاسيكية وتفكير محدود
ما غاظتنيش كي نبات نحفظ عادي يا أخي الدنيا مشي باك ومعدل + الباك مشو حفاظة وسهرة هوا تبع في القسم + مجهود ليس بكالوريا مثل قبل تتطلب سهر الليالي


سلااااام خيو قبل ما تضع رد فكر 100 مرة أو من الاحسن لا ترد بسطحية لا واعية

موضوعي قبل ما حطيتو فكرت جيدا بل واني لما انهيتو أغلقت الصفحة بالخطأ فأعدته من جديد وقصرت قليلا


سلااااااام

[a.sami]

المشاركة الأصلية كتبت بواسطة kader41

من قال لك أني امعة ؟؟؟ + لم تقرأ موضوعي او تتمعن فيه مجرد اجابة سطحية

هادوك الناس كيما قال الي قبلي الله يسهل عليهم
انت قرا وعاود وطيح ونوض باش كي تنجح تفرح وتحس بطعم النجاح

انا بالاك ما تامنيش بصح في الباك وفي قاع المواد ما نقلتش كلمة !
كون ندي الباك وانا غاش فيه ولو بكلمة والله ما نفرح فرحة كاملة وكل واحد وكيفاه

[kader41]

اظن ان اجمل اجابة و اجمل رد هو حديث مربينا و حبيبنا رسول الله صلى الله عليه وسلم

من غشنا فليس منا

صدق رسول الله

اخي اذا رايت نفسك تعبت واجتهدت و سهرت الليالي وتوكلت على الله ولم تحصل على المعدل الذي تريد فاعلم ان الله تعالى رأى الخير لك في ذاك المعدل و ذلك الاختصاص

وربي ينجحك ان شاء الله و يوفقك

وربي يهدينا و يهدي الغشاشين

نعم هذا ما أفكر فيه
عسى ان تكرهوا شيئا وهو خير لكم البكالوريا ليست النهاية أو الاختصاص الدنيا مجرد تحضير للآخرة نسأل الله الهداية

[kader41]

المشاركة الأصلية كتبت بواسطة a.sami

هادوك الناس كيما قال الي قبلي الله يسهل عليهم
انت قرا وعاود وطيح ونوض باش كي تنجح تفرح وتحس بطعم النجاح

انا بالاك ما تامنيش بصح في الباك وفي قاع المواد ما نقلتش كلمة !
كون ندي الباك وانا غاش فيه ولو بكلمة والله ما نفرح فرحة كاملة وكل واحد وكيفاه

أنا ايضا لم أغش ما ديرشهالي مستر نزيه الله يخليك

اذا كان الامر مجرد الحصول على البكالوريا فمعدل 10 أسهل ما يكون من جولة سياحية صدقني
روح أقرا st ورجعلي الخبر

[maya23]

المشاركة الأصلية كتبت بواسطة kader41

نعم هذا ما أفكر فيه
عسى ان تكرهوا شيئا وهو خير لكم البكالوريا ليست النهاية أو الاختصاص الدنيا مجرد تحضير للآخرة نسأل الله الهداية

يعطيم الصحة المهم كي تحط راسك ع لمخدة ترقد متهني و مايعذبكش ضميرك