الى سكان بوسعادة

[جندع]

سلام عليكم



اين تقع الثكنة العسكرية ببوسعادة وصلني استدعاء الخدمة الوطنية الى م.ت.م.م/ بوسعادة/ن ع 1

ومانوع هذه الثكنة


لمن لديه معلومة عن هذه الثكنة لا يبخل علينا


وهل يوجد احد من الاعضاء تم ارساله الى بوسعادة



وشكرااااااااااااااا

[المجاهري]

أنا فوت العسكر تم خويا
شوف كي تنزل في sntv في بوسعادة ريح غير تم ف رومبوا قبال الباب تع sntv تسيب des J9 و Des clon يدوك ديركت تم (كازيرنة جاية في الرومانة (بلدية الحوامد) في طريق بسكرة)
و ربي يسهل انشاء الله
prix تع ج9=15دج
كلون= 20دج

[MALIK25]

]لمدرسة التطبيقية لمدفعية الميدان تقع على بعد 10كم من بوسعادة في منطقة تسمى الرمانة

[جندع]

شكراااااااااااااااااااااااااااا لكم

[جندع]

واش مليحة شوية هاد الكازارنة وهل في امكانية الواحد يخرج فائض خبرونا الله يستركم

[yahia1921]

انا نقلك يا جندع
دارت الايام وقبضتك
شوف نتا كي تهبط في بوسعادة في السانتيفي جيست تلقا نقل حضري 15 د ج للبلاصة
قلو حطني كيما جامع المرابو اوكي
مباعد راك تلقا قدامك وحد الكدية يعني هضبة فيها الجيناف والكارات الصغار (فيات)
اطلع لتم واركب في تاع الرمانة
تاني 15 دج
وتلحق بالصحة بالسلامة
والا كشما تستحق سقسي
هاني هنا نعاون خويا

[yahia1921]

هي يقولولها وقيل المدرسة التطبيقية لمدفعية الميدان وفيها كلمة للمشات ولا مانيش شافي مليح

[yahia1921]

المشاركة الأصلية كتبت بواسطة goldenstar

أنا فوت العسكر تم خويا
شوف كي تنزل في sntv في بوسعادة ريح غير تم ف رومبوا قبال الباب تع sntv تسيب des j9 و des clon يدوك ديركت تم (كازيرنة جاية في الرومانة (بلدية الحوامد) في طريق بسكرة)
و ربي يسهل انشاء الله
prix تع ج9=15دج
كلون= 20دج

الكلونديستان ولاو يخدمو ب 3 الاف وساعات 4 الاف ههههههههه بروفيتاج
مي من الاحسن يروح للاري تاعهم مباعد كي يوالف راه يولي يشوف مخروجو من وين يركب

[جندع]

شكراااااااااااااااااااااااااا لكم على المعلومات ياجماعة سقسيولنا لكان الواحد يروح روطار ولا بكري ولكان في امكانية الواحد يخرج فائض

[smail1982]

المدرسة التطبيقية لمدفعية الميدان
الميزات في هذه المدرسة الاقامة الجيدة مقارنة بمدارس اخرى
القرب من المدينة اي مدينة بوسعادة
العطل محددة سلفا
بالاضافة الى ان المنطقة امنة
اما فيما يخص الفائض وغير ذلك فانا انصح بالتوكل على الله وا ن مكتوبك سيصلك مهما كان
وانزع من عقلك الفائض والتاجيل اذا كنت تريد ان تعدي خدمتك الوطنية
واذا احتجت اي شئء ساحاول قدر الاستطاعة مساعدتك

[MALIK25]

[انا بعثوني ليها في مارس اللي فات وخرجت فائض انا رحت شوبا روطار بصح ما تقدرش تعرف هاد المرة شكون يطلقوا كل عام كيفاه بصح في مارس حكموا بزاف 240 ظابط بلاك المرة هادي مايحكموش عدد كبير المهم هي مدرسة خاصة باالمدفعية artillerie وربي يسهلك ان شاء الله

[djamelbio]

والله انا تاني ياخاوتي بعتوني لبوسعادة

كرهونا ..........

[منير الجزائري88]

اهلا وسهلا بكم في مدينة بوسعادة

[أبو وجدان]

السلام عليكم
شوف خويا م ت م م جات في طريق بسكرة أي إذا كنت جاي على طريق بسكرة و رايح لبوسعادة تقدر تهبط في الرمانة أين تقع الثكنة بدون ج9 ولا كلونديستان
أما إذا كنت جاي من طريق الجزائر ورايح لبسكرة نفس الشيء ممكن تهبط في الرمانة
الحاجة الثانية أنا كنت في الرمانة و خرجت فائض في التجنيد سنة 2008 بصح الشيء الملاحظ أن هذيك المدرسة ما شاء الله النظام و التربية و الأخلاق و زيد ثاني كل القيادات ثمة ناس عندهم مستوى يعني الإحترام مفروض تلقائيا و فيها مسجد الذاخل والله غير أحسن من مساجد شفناها البر
الحاجة الأخرى اتكل على ربي و حاول تدخل من المئة الأوائل فغالبا ما يتم تسريحهم بعد سمانة
و ربي يكون في عونك

[djamelbio]

أخوتي انا نسكن في قسنطينة ...ادا لازم نركب الي مسيلة ثم الي بوسعادة

واطلب من الاخ جندع ماهو اختصاصك حتي بعتوك اي بوسعادة انا بيوكيمياء (بيولوجيا )