في الصيف الدربوكا و في الشتاء لافوكا

[ouissamak]

السلام عليكم و رحمة الله

كثيرا ما نسمع في مجتمعنا و خاصة من الكبار الذين يفهمون الكثير و الكثير عن هذه الحياة
يقولون كلمة ( في الصيف الدربوكا و في الشتاء لافوكا )
أين الخلل ؟؟ هل هم على حق فيما يقولون ؟؟؟
لماذا وصلنا إلى هذه الدرجة ؟؟
هل الزواج تحول إلى لعبة و لحظات تمتع فقط ؟؟؟؟
أين القيم الأخلاقية لمحاربة هذه الظاهرة ؟؟
نفتح نقطة للحوار ربما نستفيد من تجاربكم أو ما سمعتموه ..تفضلوا .. عبروا عما يدور في خواطركم .. لا تترددوا .. نحن متعطشين إلى الحوار .. !!
شكرا لكم

تحياتي

[لينة نور]

وعليكم السلام ورحمة الله

أنا تبانلي والله أعلم الخلل في هاذوك

الكبار الذين يفهمون الكثير و الكثير عن هذه الحياة

هوما الي يضربو الدربوكة في الخريف ....

لأنه لو ترك العريسان في حالهما لما كان هناك طلاق بهذه النسب الرهيبة .

[وهج الحياة]

سؤجزها في معلومة اخذتها من المنتدى الزواج جميل وصعيب وهو مسؤولية والاصعب هو الحفاظ عليه

[ام نهوله]

الكثير من الازواج في وقتنا الحالي يظنون ان الزواج لحظات للمتعه و الفرح و الحياه كلها ستمر مثل يوم زفافهما متناسين ان في الحياه صعوبات وعراقيل ممكن تعترض طريقهما
فالزواج مسؤوليه كبيره وعشره تدوم لسنوات ولا بد لكلا الطرفين معرفه انه في الحياه الزوجيه لابد ان تكون بعض التنازلات من الطرفين لتستمر هذه العلاقه

[conductrice]

وعليكم السلام ورحمة الله وبركاته
كلام ناس زمان صح 100 بالمية أختي في الصيف الدربوكا و في الشتاء لافوكا حقيقة رغم مرارتها .
كيف لا وقد أصبح شباب وبنات اليوم يرونا الزاوج بعيون مسلسلات الاتراك ، كيف لا وهم يعتقدون أن ذلك الزواج سفر ولهو مقتنيات بالأثمان الباهضة لا لي شئ سوى لتباهي وكي تقليلهم مسؤولية يقول :نعيش حياتي ونتفحشش وساهل الحال .
لا أنسى وجه بنت خالي بعد أسبوع من زواجها وكي فشل مخطط نتاعها في السفر مع زوجها وهي تقولي ما كنت حاسبة زواج هكذا وخلى لي تزوجوا في شهر كل واحد راح لسبيل حاله .
المشكل أختى في الامهات لا تفتحن بصائر بناتهم عن الزواج ومسؤولياته يقولوا يسلكوا كما سلكنا في وقتنا متناسيين أن وقتنا وقتهم مختلف تماماً

[oum imane83]

ربي يجيب الخير

[عبد الله 34]

كل شيء متوقف على المفاهمة في النهار الاول
تسمى كل واحد يمد شروطو ويوضح حالته للاخر
من بعد كي تكون بعض الامور الجانبية معليش كيما قالت الاخت كل واحد يسمح شويا وتسير الامور عادي ان شاء الله
واذا كان العكس هههه تسمى كل طرف يخرط على الاخر ويخبي عليه امورو رايحة توصل الامور الى الانسدادد
ويحصل مالا يحمد عقباه
خلاصة القول "الصراحة راحة"

[hichem480]

الزواج الرغمي سبب من الاسباب

[sabrina el-chark]

من اسباب الطلاق المبكر و السريع هو عدم الصراحة و الحوار بين الزوجين و نهار لي تتسكر في وجوههم يقلك نطلقو
اما الكبار كاين لي مذابيهم تتفركش و يزيدو يسخنو الحالة

[عبد الله 22]

النية الخايبة لدى الطرفين ما كان الله دام وتصال وماكان لغير إنقطع ونفصل

[عطرالذهب]

انا برايي اكبر سبب هو الاقنعة اللي يحطها الشاب والفتاة ايام الخطبة بحيث يحس كل واحد منهما انو تحصل على فارس الاحلام وفتاة الاحلام بالملمتر ياسلام وبمجرد الزواج والعيش المشترك يبدا المتخبي يبان وكل واحد يتفاجا من جيهة اضافة لتدخلات الاهل خاصة الام مع احترامي لكل الامهات واكبر نصيحة نقدمها للزوجين الجديدين ماتخرجوش مشاكلكم لحتى واحد لاتقولي ماما لا يقول خويا خلوها بيناتكم راح تطفى بالصح كي تخرج برا راح تزيد تلتهب ونهايتها الطلاق

[Rafik-dzs]

ربي يجيب الخير

[ouissamak]

المشاركة الأصلية كتبت بواسطة لينة نور

وعليكم السلام ورحمة الله

أنا تبانلي والله أعلم الخلل في هاذوك



هوما الي يضربو الدربوكة في الخريف ....

لأنه لو ترك العريسان في حالهما لما كان هناك طلاق بهذه النسب الرهيبة .

لماذا التعميم اختي الكريمة بكري صح ولكن الان حسب رايي الاغلبية يطلبن الاستقلالية ببيت ومع ذلك المشاكل كاينة
شكرا على المرور

المشاركة الأصلية كتبت بواسطة وهج الحياة

سؤجزها في معلومة اخذتها من المنتدى الزواج جميل وصعيب وهو مسؤولية والاصعب هو الحفاظ عليه

للحفاظ على الزواج اختي وجب علينا الصبر فهو ملئء بالصعاب ماشي مثل مايظهر لنا في المسلسلات
شكرا على المرور

المشاركة الأصلية كتبت بواسطة ام نهوله

الكثير من الازواج في وقتنا الحالي يظنون ان الزواج لحظات للمتعه و الفرح و الحياه كلها ستمر مثل يوم زفافهما متناسين ان في الحياه صعوبات وعراقيل ممكن تعترض طريقهما
فالزواج مسؤوليه كبيره وعشره تدوم لسنوات ولا بد لكلا الطرفين معرفه انه في الحياه الزوجيه لابد ان تكون بعض التنازلات من الطرفين لتستمر هذه العلاقه

انا معك اختي فالزواج طيحة ونوضة هادي هي الحياة
شكرا على المرور

المشاركة الأصلية كتبت بواسطة conductrice

وعليكم السلام ورحمة الله وبركاته
كلام ناس زمان صح 100 بالمية أختي في الصيف الدربوكا و في الشتاء لافوكا حقيقة رغم مرارتها .
كيف لا وقد أصبح شباب وبنات اليوم يرونا الزاوج بعيون مسلسلات الاتراك ، كيف لا وهم يعتقدون أن ذلك الزواج سفر ولهو مقتنيات بالأثمان الباهضة لا لي شئ سوى لتباهي وكي تقليلهم مسؤولية يقول :نعيش حياتي ونتفحشش وساهل الحال .
لا أنسى وجه بنت خالي بعد أسبوع من زواجها وكي فشل مخطط نتاعها في السفر مع زوجها وهي تقولي ما كنت حاسبة زواج هكذا وخلى لي تزوجوا في شهر كل واحد راح لسبيل حاله .
المشكل أختى في الامهات لا تفتحن بصائر بناتهم عن الزواج ومسؤولياته يقولوا يسلكوا كما سلكنا في وقتنا متناسيين أن وقتنا وقتهم مختلف تماماً

كثيرون اللي يضنو ان الزواج متعة ورومانسية وفقط ولسبب صغير يبداو المشاكل
شكرا على المرور

[ouissamak]

المشاركة الأصلية كتبت بواسطة rafik-dzs

ربي يجيب الخير

اللهم امين
شكرا على المرور

المشاركة الأصلية كتبت بواسطة عطرالذهب

انا برايي اكبر سبب هو الاقنعة اللي يحطها الشاب والفتاة ايام الخطبة بحيث يحس كل واحد منهما انو تحصل على فارس الاحلام وفتاة الاحلام بالملمتر ياسلام وبمجرد الزواج والعيش المشترك يبدا المتخبي يبان وكل واحد يتفاجا من جيهة اضافة لتدخلات الاهل خاصة الام مع احترامي لكل الامهات واكبر نصيحة نقدمها للزوجين الجديدين ماتخرجوش مشاكلكم لحتى واحد لاتقولي ماما لا يقول خويا خلوها بيناتكم راح تطفى بالصح كي تخرج برا راح تزيد تلتهب ونهايتها الطلاق

نعم اختي ففترة الخطوبة كل واحد يبين روحو انو مثالي ومثلو ماكاش وبمجرد العيش سويا يبان المخبي تشعل النار بيناتهم
شكرا على المرور

المشاركة الأصلية كتبت بواسطة عبد الله 22

النية الخايبة لدى الطرفين ما كان الله دام وتصال وماكان لغير إنقطع ونفصل

انما الاعمال بالنيات
شكرا اخي شكرا على المرور

المشاركة الأصلية كتبت بواسطة sabrina el-chark

من اسباب الطلاق المبكر و السريع هو عدم الصراحة و الحوار بين الزوجين و نهار لي تتسكر في وجوههم يقلك نطلقو
اما الكبار كاين لي مذابيهم تتفركش و يزيدو يسخنو الحالة

الحوار الناجح هو اللي يخلي اصعب المشاكل تلين
شكرا على المرور

المشاركة الأصلية كتبت بواسطة hichem480

الزواج الرغمي سبب من الاسباب

ربما صح يا اخي فاغلب العائلات يزوجون بناتهم رغما عنهم والكثير من الامهات تقول انا لينزوج وليدي
شكرا على المرور

المشاركة الأصلية كتبت بواسطة عبد الله 34

كل شيء متوقف على المفاهمة في النهار الاول
تسمى كل واحد يمد شروطو ويوضح حالته للاخر
من بعد كي تكون بعض الامور الجانبية معليش كيما قالت الاخت كل واحد يسمح شويا وتسير الامور عادي ان شاء الله
واذا كان العكس هههه تسمى كل طرف يخرط على الاخر ويخبي عليه امورو رايحة توصل الامور الى الانسدادد
ويحصل مالا يحمد عقباه
خلاصة القول "الصراحة راحة"

يا اخي الزواج هاذا هو وكل طرف لازم يسمح قليلا
وانا ضد واحدة ولا واحد يقول مانسمحش وحقي ونطيح من قيمتي واذا سمحت اين هي كرامتي هناك اشياء لازم على المرء يسمح حتى تستمر الحياة بين الزوجين
شكرا على المرور

المشاركة الأصلية كتبت بواسطة oum mane83

ربي يجيب الخير

اللهم امييين
بارك الله فيك اخي

[nora rosa]

بالرغم من اني امراة لكن كاين صح بعض النساء مايستاهلوش يكونو اسرة كيماانااخي تزوج امراة كانت تبان رزينة و تاع الدار لكن من بعد ظهرو العيوب مهملا دارها ما تخدمش و حاشاكم خويا قتلو لعفن كيما يدير معاها والو ما يصلح صبر بلا فايدة و اهلها يقولولو ساعفها ولاهو يخدم برا و يزيد يقضي واش خاصو فالدار و هي تقولو لازم ندلل راني عروسة وبعدما انجبت صار الوضع اكثر تعقيدا تتخبى فالبيبي باش ما تخدمش ولوكان يهدلر معاها ترد في الكيل كيلين درك طلقو راه عايش بعيد علينا بحكم الخدمة تاعو بصح قال ملي تزوجتها ماحسيت بالهنا درك جبل و نحيتو من صدري بصح حنا غاضنا الحال بزاف على بنتو كيفاه رايحة تتربى و ياخسارت التحضيرات و الفرحة اللي ماكملتش الناس جابو لعرايس حمرولهوم وجوهم وحنا جبنا........المهم النصيحة لي نمدهالكم لازم الشخص يسقسي مليح و مايخطبش و برك و كي يشوف عيوب في فترة الخطوبة ما يتغاضاش عليها