امممممممممممممممممم بسبوسة تهبل وعلى ضمانتى

[zamilio]

السلام عليكم اولا وقبل كل شئى نبدا بالعسيلة الى ندير فيها 3كسان سكر +6كسان ماء ونص حبة قارص (ليمون)
ونخلها تغلى لمدة 20دقيقة ونطفى عليها ونخلها تبرد لازم تبرد بعدها نديرو البسبوسة
6 بيض+كاس زيت+كاس سكر +كاس حليب +قشور القارص نديرهم فى الخلاط اوبالباتور ونخلط جيدا ثم نزيد 2كسان دشيشةمتوسطة+كاس فرينة+3خميرة ونخلط بعدها ندهن سنيوة بالزيت ونفرغها الداخل وندخلها للكوشة وبعدها كى تطيب نخرجها مباشرة نسقيها بهديك لعسيلة الى تكون باردة ونفرغها كامل ومتختفيش رايحة تشربها كامل وتخرج معسلة وتهبل
ملاحظة مترجعهاش للكوشة بعد متعسليها
وانشء الله تجربوها