هل صحيح يمكن التحول من la das الى l'annem

[محبة الحلويات]

السلام عليكم اخوتي ساعدوني من فضلكم راهم يقولو كي دير la das , عندك الحق تبدل و تدير L'annem اريد تاكيد للخبر فمن جهة سئمنا الانتظار و من جهة ضاقت بنا السبل و هل خبرة لاداس عندها ثقلها في مسابقات التوظيف العمومي

[lila06]

و عليكم السلام ابحث عن جواب لنفس السؤال وان شاء الله يجاوبونا الاعضاء.

[صقر الشرق]

على حساب علمي تقدر تبل عادي.........لاداس لا علاقة لها بلانام.....برشة ناس بدلوها.

بالتوفيق

[noriamib]

حتى انا حابة جواب باش منسرعش جاوبونا

[mobrme]

سلام عليكم...........
نعم تقدري ديري لانام ولكن بشرط تكوني مكملة عقد تاع لاداس

انا من تلمسان عندي صاحبي كمل لاداس ودار لانام عادي وارجع يخلص 10000دج بدلا من 8000دج لانه كان تقني سامي في الاعلام الالي

ولعشية غادي ندير لاك الملف كامل لي يخليك تقلبي من لاناس الى لانام



صح فطورطك ورانا نسناو منك الحلويات لخاطرش انت تحبيها
هههههههههههههههههههههههههههههههه

[noriamib]

يا خويا ماشي خسارة فيك والله نت تاني صح فطورك بصح انا مازال مدرتش لاداس ولانام راهي تخدم مع البريفي لوكان تكون عندي موافقة من ادارة يقبلوني لانام مع انها مغلوقة من القطاع الاداري

[سلمى_2008]

السلام عليكم ورحمة الله وبركاته انا ثاني راني سقسيت يا حبيبتي وقالولي عادي تقدري نورمال بصح موش شرط حتى تكمل العقد تاعك تاع لاداس لالا تبلوكي تاع لاداس وديري ملف للنام انا هك قالولي انا ثاني راني نخدم في تاع لاداس الايام هادو حتى تتحل لانام ويفرج ربي

[سناء ك]

السلام عليكم اول شي صحة فطوركم كامل حبيت نوضحلكم حاجة صح تقدرو تبدلو من لاداس للانام حتى قبل ماتكمل مدة لاداس بشرط توقفي عقد لاداس بطلب خطي يصادقلك عليه مدير المؤسسة الي راكي فيها وتديها لاداس وتخبريهم بلي رايحة توقفي العقد وفي نفس الوقت تكوني جبتي عقد انتاع لانام باش يصادقلك عليه مدير المؤسسة بصح حسب معلوماتي الحالية لانام ماراهمش يمدو العقد انتاع الدولة راهم يمدو انتاع القطاع الخاص برك المهم ربي يجيب الخير ان شاء الله

[noriamib]

شكرا سناء ك هكدا نقدر ندخل لاداس عادي وكي تفتح لانام نبدل عادي ياك متاكدة حنونة

[هاجر41]

انا بدلت من لاداس لالانام بعد ماخدمت عام فقط المهم تلقي كونترا من لانام وحاولو متقولوش انكم استفدتو من لاداس المهم كي تتحصلو على عقد في لانام روحو لاداس ديرو فسخ تع الكونترا وفقط ربي يسهلكم

[noriamib]

merciiii hajer

[relizane.relizane]

على حساب ما فهمت لوكان نكونو نخدمو عند الخاص- بريفي- نقدرو نبدلو نديرو لاداس؟؟؟؟؟؟؟؟؟؟؟؟؟

[rosa allia]

شكرا لكم إخوتي على هذه المعلومات لأني كنت نحوس عليها
بارك الله فيكم

[ورود ياسمين]

بفففففففففففف لانام مازال مغلوق؟

[mobrme]

السلام عليكم...........
لانام حبسوها وراهم يقبلوا غير تاع الخواص...ولكن....
شوفي الاجراءات تاع الخواص كيفاش ديارة واش يقبلوا لاداس وتبدلي

انا لي قولتلك عليه صاحبي في البلدية.... وثاني شي كل ولاية راهي تدير قوانين نتاوعها


صح عيدكم...