بدء العد التناااااااااااااااازلي10 ايااام

[سهيلة جنا]

السلام عليكم ورحمة الله وبركاته
هاهي البكلوريا على الابواب عشرو ايام تفصلنا عن موعد الحسم انا حبيت برك نقولكم بلي الباك اتف مما يكون وحنا رانا غير مخلوعين هكداك ياو الله العضيم غير الباك اسهل من امتحان وحنا نخلعو في رواحنا في باطل علابالي نهار الباك كي تشوف سوجي تولي تضحك على روحك لخطريكش كنت مخلوع الباك ساهل حبيت نقولكم برك نتوما ركزو على الاسئلة ومتتسرعوش قبل متفهموا سؤال مليح راني نهدر هكدا لخطريكش انا صارتلي العام لفات تسرعت ومقريتش السؤال وطفرت فيا ديرو ربي في بالكم ومتخافوش وحابا نقولكم حاجا نتوما نهار الباك لازم تخمو على حاجا وحدة برك وهي النتيجة ماشي هادي الفكرة ننجح ولا مننجحش لخطريكش هادي الفكرة تاتر عليكم ومتخليكم تراجعوك كيما انا راني نخمم على 12 معدل وان شاء الله نجيبو و نتوما تاني خمو على النتيجة ونحيو الافكار السلبية من ريسانكم
وبيني وبينكم سمعت بلي الباك ساهل ولاسئلة في متناول الجميعمتخافوش ركزو وراجعو مليح الباك ساهل يكدب عليك لي يقولك هدا العام رايحين يصعبوه ماهو صعيب ما ولو توكلو على ربي وراجعو هادة عشرة ايام لبقاو وان شاء الله بتوفيق للجميع ولا داعي للخوف الباك امتحان ماشي غول اتمنى النجاح لكل الادبيين وان شاء الله هدا العام اكبر نسبة تكون للادبيين ولا شيء مستحيل لان الله على كل شيء قدير بتوفيق للجميع وارجو ان ينال الموضوع اعجابكم