أريد الزواج ولكن لا أملك تكاليفه، فهل أقدم عليه اعتمادا على أهلي؟

[obrigado24]

السلام عليكم ورحمة الله وبركاته

أنا طالب جامعي أحتاج لفترة طويلة نسبياً قبل موعد تخرجي, حيث أني لا أعمل وأعتمد على أهلي مادياً, أشعر بالحاجة الملحة للاستقرار العاطفي، والزواج وأريد أن يكون ذلك ضمن حدود الله, لا يوجد لدى أهلي أي رفض، وهم مستعدين لتأمين تكاليف الزواج والسكن.

مشكلتي أنني أخشى من كوني بدون عمل، وعدم قدرتي حالياً على العمل مع الدراسة، وهذا ما يثير قلقي وقلق أي فتاة أتقدم لها خاصة مع رفضي الكامل لأن أعتمد على أهلي مادياً بعد استقلالي عنهم, فهل فكرة الزواج في هذه الظروف خاطئة؟ وهل الزواج في هذه الظروف واجب أم مستحب أم مكروه أم محرم؟

وما هي المدة المناسبة للخطبة دون عقد؟ وما هي الحدود الشرعية في مقابلتي للفتاة في هذه الفترة؟

إن لم يقدّر لي الزواج في هذه الفترة، فماذا أفعل حتى لا أتورط بعلاقة غير شرعية في وسط متفلت أخلاقياً أعيش ضمنه, علماً أنني جربت الصيام، ولم أجد نتيجة وحاولت الانعزال عن هذا الوسط مما أدى إلى تفاقم المشاكل.

[djazai]

ya akhi marakche wahdek t3ani mel hed adahira ad3i rabi ou sali istikhara

[ANWAR 11]

السلام عليكم

اذا لم يكن لدى اهلك مانع من مساعدتك و وجدت الفتاة التي ترضى بهذا الوضع فتوكل على الله
حاول ان تجد عملا و لو بسيطا تصرف به على نفسك و حاول التوفيق بينه و بين دراستك

موفق ان شاء الله

[مريم الصابرة]

السلام عليكم خويا اولا ربي يبارك فيك تفكر بطريقة عقلانية وفالحلال ربي يبارك فيك
نظن عادي اهلك يساعدوك غموضوع الزواج وتكاليفو وين المشكل حتى اللي يخدمو يساعدوهم اهلهم المشكل يبقى فالتاة اللي تخطبها كان هي تقبل هل أهلها يقبلو أنك بلا عمل هي قادر تخطب وراك تحوس على خدمة وين المشكل تخدم وتقرا لأانو لو إنت تقرا وتتزوج وتجيب المرا للدار واك تقول نستقل على اهلي يعني مصاريف الدراسة والزوجة وزيد ممكن بعد سنى يجيك ولد كيفاه دير من راي اخطب اولا وشوف اللي تقبل بظروفك تفاهمو مليح اخطبها وربي يرزقك من عندو راه ربي فالحلال ما يردش الداعي من راي إتكل على ربي وموفق صحا فطورك

[حكيـ الجَزآئِرِي ــم]

أسأل الله لنا ولك ولجميع شباب المسلمين الستر و العفاف

[soso sirin]

الحالة صعيبة خويا باه الانسان يتزوج و يريح ماليه يصرفو عليه ضروك و بلاك بعد شهور ماتحسش بيه مي مع الوقت راح انت تكره و هي تكره المراة تبغي راجلها هو الي يصرف عليها ماشي دار راجلها لانو الراجل لما يكون مستقل ماديا المراة تحس بالامان معاه و حتى و ماتكونش الخدمة نيشان مي باه تقولي تدي مصروف من داركم والله شوية صعيبة و حتا انت في بالك كل ماتستحق حاجة تروح عند داركم تقلهم مدولي انت اصلا تولي تحس بالنقص قدام مرتك و ماننساوش المشاكل الي لاقدر الله رايحة تكون الزواج مسؤولية كبيرة و لازملها تخمم مليح سوغتو اذا ربي رزقكم بكاش طفل كيفاش راح ديرلو انت كمل قرايتك و ربي يسهلك ان شاء الله و انت قلت نخطب برك لما تخطب راح لازم عليك بلخف تتزوج لانو الخطبة كي تطوال راح يقواو المشاكل .هذا يبقى رايي انا و انت ربي يجيبلك الي فيه الخير