رسالة من أستاذة تصرخ :
.............
السلام عليكم أريد أن أوجه رسالة و نصيحة لوجه الله لأولياء التلاميذ في الطور الثانوي (بما أنني أستاذة في الطور)..
الهواتف النقالة دمرت أبناءكم بكل معنى الكلمة، بالعامية (ولادكم راهم يجيو عيانين لانهم ميرقدوش فالليل بسبب الكوناكسيون، و في القسم يكونيكتيو )، الأستاذ يشرح و يقدم في الدرس و هوما كل دقيقة مع التلفون !!
تقولولي وين راه الاستاذ..؟
نجاوبكم و نقول : بلي محال الاستاذ مع 38 تلميذ يعسهم كامل و يقدم الدرس و يشرح ..
انا في رأيي على الاقل ابنك او ابنتك فترة الدراسة يخليو الهاتف فالبيت، تفوت 8 تاع الليل ممنوع الانترنت ،هكذا ياخذو قسط كافي من النوم و يجيو يقراو حيويين، ولادكم راهم يتمو الرقاد في القسم، لبنات les kits تحت الخمار، واحد ما يقول ابني خاطيه، راهم يعاندو في بعضاهم، ورانا لحقنا لجيل يالطيف والله العظيم الجيل ضاع كي لبنات كي الذراري
كي نشوف الشي هذا قلبي يضرني ..
نكونو اليد في اليد كأولياء و أساتذة ..
ربي ما يغيرش حالنا اذا حنا مابدلناهش ..
اللهم بلغت ، اللهم فاشهد ..
..........
( منقول من صفحة الفيس ...)