السلام عليكم
تفكرت حاجة ، كانت جدتي و من بعدها يما يقولونا بالاكو تدخلو للكوزينة بلا فولارة ، انا كنت نقول في قلبي يعني لمرا نهار كامل معصبة فولارا بزاف عليها .
و في يوم من الايام سقسانا الاستاذ بعد انتهاء الدرس في الاستراحه . لوكان اطيحلكم شعره في العجينة كبفاش تنحيها؟
كل وحدة واش تفلسفت... تقدروا تقولو ضحك علينا حتى شبع . و تكلمت وحده قالتلو يا الشيخ. مانخلي راسي عريان. ما نحير في الشعره ... بهتنا جميعنا من ذكائها.
بقات عبره في راسي دايما الفولارا حاضرا
الله يرحمك يا جده و يحفظك يا يما.