فلفل اكحل نخليه حب نغليه في كاسرونة ونحط الما نتاعو في الطياب باش مايلصقوش الحب ديالوا في المعدة السلام عليكم، بارك الله فيكي أختي على الفكرة، خاصة الفلفل الأسود قيل لي أنه مضر على خلاف الأبيض حسب ماقال لي بائع التوابل وحتى السعر فالفلفل الأبيض أغلى من الأسود. أنا مشترياتي لرمضان 50 كيلو سميد 5 كيلو فرينة نستعملها بزاف للبيتزا والمعجنات 5 كيلو سكر ما يفسدش 5 لتر زيت أرز كيلو حمص من النوعية الجيدة الفريك شريت كيلو فقط العادة أن أمي تشتري القمح حب وتحضره في البيت ثم تبعثه للرحى موالفة تشري 10 كيلو وتخدمو وتبعث لأخواتي وزوجات إخوتي لكنها أصبحت مريضة ما تقددرش كي نلقى نوعية جيدة نزيد نشري. وشريت أيضا كي كنت في وهران لعمل الحريرة 3 كيلو تاع الدشيشة البيضة وتوابل الحريرة رأس الحانوت أمممممم عجبتني كي ذقتها لأول مرة وطلبت من الطباخ أن يعطيني الوصفة كان جد لطيف ورالي الدشيشة وهي المتعارف عليها المرمز في الشرق لكنها تكون بيضاء وتعرفت على زميلة وهرانية كتبتلي أسماء التوابل جازاهم الله كل خير، دخلتكم حكاية في حكاية ، إن شاء الله هذه المرة معولة ندخل الحريرة في الأطباق المعتمدة لرمضان لكن الوصفة اللي عطاوني ما فيهاش الخميرة والفرينة وأنا موالفة نلقى فيها الخميرة لكن اللي كليت مافيهاش الخميرة !!! شريت أيضا زعفران الحر والزعفران الأصطناعي، الحر شريت 10 علب كل علبة صغيرة بـ 400 دج وتزن 1غ جاني شوية غالي لكن الفضول دفعني لتجربته وحكمت ليا علبة صغيرونة فقط والباقي وزعته لمحبي الطبخ من معارفي قلتهم نمد غير للي تحب الطياب أظن أنني كنت موضوعية . يارب بلغنا رمضان وأرزقنا عفوك ومغفرتك وقدرنا على صومه وقيامه على أكمل وجه يارب.