قالك وحدة ناضت عالصباح قلقانة قدقد ... رفدت كابتها وخرجت من الدار راحت وين يخدم خطيبها ... كي شافها تخلع قالها غير الخير واش كاين ؟؟ ... بدات تعرش و تعيط قاتلو أنا كرهت خلاص دارنا من جيهة وانت من جيهة ماراكش حاب تجي تديني مالا ديسيديت نحرڨ ... إذا راك حاب نروحو كيف كيف غير امشي دوك خاطرش البوطي راه يستنا والبلاصة كاينة وإذا ماتروحش دبراسك أنا صايي مادامني خرجت من الدار مانرجعش ... 😮😮
السيد تخلع وقعد غير يبحلق فيها وقالها واشبيك هبلتي ؟؟ وخطفلها الكابة من يدها وقالها والله ماتروحي لبلاصة... قاتلو خلاص أنا خلصت الدراهم والبوطي راه يستنا هات الكابة خليني نروح ... وبدا يبكي ويقلها تروحي و تخليني وحدي والله ماكي متحركة منا ... هو يجبد فالكابة وهيا تجبد حتى تقطع السانسور و طاحت الطاسة و صوالح الحمام ...🥴🥴
قالك هي تجري و هو يجري والناس تشوف ويقلها والله اليوم نفرج فيك لالجيري كامل ...هي تقولو هات الكابة خليني رايحة للحمام وهو ويقلها والله ما تتحمي غير تقعدي هكذاك بدودك ... حتى حكمها عطاها طريحة تع كلاب و زادلها عشرالاف نتاع الحمام 😂😂