السلام عليكم كيف الحال مدة ما دخلتتش لقسم الديكور. اليوم جبتلكم صور لكوزينتنا غيرناها بلمسات والدي الحبيب رحمه الله لقديمه كانت في الاسود و الابيض و الارضيه بيضاء و السقف عادي و الفايونص رمادي بارد ماشي طالع للفوق غيرنا الارضيه بدال دوصول يشبه الباركي هايل من جهة التنظيف. و حتى. ما يزلقش الفايونص خيرت لون بين البيج و البني و الابيض و شكلو محدب و مقعر السقف pvc خيرناه بلمعه خفيفه الاناره حافظنا على الاضاءة الرئيسيه و اضفنا لي سبوت .توزيعهم كان مدروس لابراز الاكسسوارات تحت الإضاءه الخفيفه نروحو لي زيليمون خيرت الهاي قلوص و الميلامين اللون الأبيض مع البيج الباب و النافذه كانو مخدومين بالخشب. بدلناهم بالاليمنيوم الستائر خيرت لون فاتح و اعتمدت يكون فيهم لون بارز لي هو الاخضر و الموف و هوما لي اعتمدت عليهم في الأكسسوارات باش نكسر اللون الباهت تاع البيج و الابيض شوفو الصور و قولولي رايكم في امان الله سطايفيه