صح فطوركم اخواتي اليوم جبتلكم وصفة تاع حلوى من سنين وانا نديرها تهبل تهبل واقتصادية ايضا ونتيجة بنتي الكبيرة درتها في نفاسي بيها لذلك سميتو قاطو الذكريات على قول حبيبتنا ام تاجو في مطبخي المتواضع نبداو بالمكونات 500غ مارغارين كاس زيت 2 ياوورت موز 1خميرة القاطو 2ملاعق كبار سكر عادي زاست ليمون وانا زدت تاع البرتقال وفرينة طبعا والحشو حلوة الحلقوم نعجنها بشوية زبدة بيدي ونرمدو كي يطيب في السكر الرطب مرتين في قصعة نحطو المارغارين نخدمها بيدي ونضيف الزيت ونخدم ثم لايوورت والزاست ونزيد الفرينة والخميرة حتى نتحصل على عجينة طرية جدا انا استهلكت كيلو فرينة بالتمام ندير كويرات بوزن 20غ تاع فرينة وكويرات بوزن 7 غ تاع الحلقوم ونحط كرية الحلقوم داخل الفرينة ونحكم مليح ننقشها ومن فوق نزينها بالحلقوم والى الفور متوسط الحرارة تطيب بعد الطهي نرمدها مباشرة على مرتين في السكر الرطب ونمسح بيدي بماء زهر على الحلقوم من فوق باه يبانو :m h31: